ISAI 2:20 - PATHIEN LEKHABU THIENGTHO (BSI)

²⁰ Zie ni chuleh mite’n a dangkaguo milimteu leh a sana milimteu, ho dinga a siem sekteu chuh buihaw leh bâkhaw kawmah paih un au.

ISAI 2:20 ပူးပေါင်းရင်းမြစ်များ

ISAI 30:22

Zie tieng chuleh, dangka tui luon khuma na milim siem uh leh, sana tui luon khuma na milim sun uh chuh paihmang un na tin, a kawma chun, “Ka mit muh phâk loh uh ah chieh mang un,” ti’n lau.

ISAI 31:7

Zie ni chuleh, mitin in sana leh dangkaguo milimte, na gitlohna khutsuok te chuh hun paihmang ding na hi ngâl u a.

HOSEA 14:8

Aw Ephraim, milim pathien tawh kimatna banga ka neih? Kei hi na pauchamna dâwng pa chuh ka hi a, a hun tung ding pa le ka hi: Kei chuh châk thing hing dep dup tawbang ka hi a, A vangsaknau chengcheng nak chuh ka hi ngâl a,” ti’n.

ISAI 46:6

Mite chun a dangka dipteu hawng in, sanate a bun dawk sek uh a; a dangkaguoteu chuh a tehdawk sek uh a, tichun, pathien siem dingin dangkaguo sêkte a guoi sek uh a; chun, a masanga khupbawk in a ho sek u a!

ISAI 46:1

Bel chuh a khuntha suk a, Nebo chun nuoi lam a en tai! A milim pathien teu chuh a ganchateu leh ganguol haw a puoksak u a, zie thil haw chuh a gancha thachawlte dinga puokgik maimai ahi tai.

THIEMPUDANTE 11:19

Tuivatawt, dîl vacha himhim, Muvanlai leh bâk chite hi.

LUKE 23:30

Zie tieng chu leh mi’n tâng kawmah, ‘Ei delh khum ah!’ tiu intin, muol kawma le, ‘Ei selin!’ hun ti’n au.

ISAI 17:8

Maichâm, amau haw khutsuok lam chuh nga ta puou un tin, amau haw khuta siem Asher te ahim, nisa limte ahim chuh zah diek ta puo’n au.

ISAI 40:19

Milim pathien tawh maw? Mi khutthiem te khutsuok sanati a luon khum u a, sana khi a awhsak hawu bang hi ahi puoi.

EZEKIEL 7:19

A tangkaguou leh a sanateu chun Lalpa lungnatna ni a chun hukdawk thei puo’n tin, a tangkaguou chuh kawtthêl ah thehthang intin un, a sanateu chuh ninpa tawbang hi’n a; ziehaw chun a hinnau sutai thei puo’n tin, a gil u le suvah thei puo’n a, gitlohna a a puknau ahih zawk sek ziek in.

EZEKIEL 14:6

“Zieziekchun Israel inkuonte kawm achun, Lalpa Pathien chun hiti hin a tii, Kisik unla, na milim hawu chuh nusieh unla, na tenumna chengcheng u chuh kiheimang san un!

EZEKIEL 36:25

Chun, na chung u ah tui chîm theh ing ka ting, hung thiengtho in na tin un, na buokna teu chengcheng leh na milim hawu lak apat chun hun hih thieng ing ka.

THILSIEMBUL 35:4

Tichun midang pathien a khut u a um chengcheng leh a bil u a bilbah a bah chengcheng u chuh Jakob a pieu a; chun, Jakob chun Sekem khaw kienga gangpi thing nuoi achun a vui tai.

THUGENPA 3:6

Muhdawk hun a um a, mansak hun a um, vawp phat hun a um a, paihmang hun a um,

ISAI 10:3

Gawtna ni achun bang na hih in gamla tak apat a huihpi a hung nun tieng kuo bel ding na hi? Panpihna mu dingin khawilam ah na tai ta die? Na hauhsaknate chuh khawitak ah na selgu ta die?

ZEPHANIA 2:11

Amau a dingin Lalpa chuh tizat-um tak hi’n tin, leia pathiente chuh sumangthai vek in tin, tichun, namtin a masang ah khun un tin, mitin in amau mun chiet apat in Amah chuh ho ta’n au.