ISAI 2:2 - PATHIEN LEKHABU THIENGTHO (BSI)

² Ni nunung haw achun hiti hi hung hi’n tin, Lalpa Ho-In dinna tâng chuh tâng lien chung haw a sukdet hi’n tin, tâng dang cheng sanga sangpen hung hi’n tin, Nam tamtak a sung ah lut un au.

ISAI 2:2 ပူးပေါင်းရင်းမြစ်များ

THILSIEMBUL 49:1

Chun, Jakob in a chapate chuh a sama, hiti hin a gen a, “Tunung a na chung u a thil hungtung ding chuh ka hun hilh theihna dingin hung kikhawm un:

JOB LEHKHABU THE BOOK OF JOB 19:25

Ei tanpa chuh a hing hi tih ka he ngâl a, ni tâwp ni leh lei chung ahin hung ding kit ding ahi ngâl a,

SAM LEHKHABU THE PSALMS 102:23

Amân lamkal lak ah ka tha a chauh sak a; Ka damsung hi a hih chawma.

SAM LEHKHABU THE PSALMS 2:8

Ei ngên in, khutichun na go luoh dingin namtin hun pie’ng ka ting, Kâwlmawng tâwp chan in na go dingin hun pie’ng ka.

SAM LEHKHABU THE PSALMS 22:27

Kâwlmawng a mi chengcheng in le hezing untin, Lalpa lam ah kihei tan au: Nam tina chitin na masangah khun in hun ho un au.

SAM LEHKHABU THE PSALMS 22:28

Chungnunna chuh Lalpa a ahi a: Namtin chunga vaihawmpa ahi ngâl a.

SAM LEHKHABU THE PSALMS 48:2

A tâng thiengtho san zie kilawm tak, khawvel chengcheng kipahna chu, Zion tâng chuh ahi, Mâllam panga, Lal lopi tak khawpi chuh.

SAM LEHKHABU THE PSALMS 68:17

Pathien kangtalai haw chu a sing a singa, a sanga sang tamtak ahi, Lalpa chuh Sinai tâng apat in a mun thiengtho ah a hunglut hi.

SAM LEHKHABU THE PSALMS 72:8

Amah chun tuisuohgiet apat tuisuohgiet dang tiengin-vaihawm in a, Luipi apat kâwlmawng tieng in le.

SAM LEHKHABU THE PSALMS 86:9

Aw Lalpa, na siem namtin cheng te chu hung untin, na masangah hung kûn untin; Tichun na min chu hun pakcha’n au.

SAM LEHKHABU THE PSALMS 87:1

A tâng thiengtho achun a khawpi phuhdawk chuh a um a.

SAM LEHKHABU THE PSALMS 87:2

Lalpa chun Zion kulh kawtkhak haw chuh, Jakob chênna chengcheng sangin a ngaina zaw a.

ISAI 11:10

Chun, zie ni chuleh hiti hi hung hi’n tin, Jessai zung, mitin tiemtehna dinga ding chuh, amah ngêi chuh namtin in dawp tau intin; a chawlhna mun chuh lopi ina.

ISAI 25:6

Zie tâng ahin sepaihte Lalpa chun khawvel a namtin dingin nek ding phapen leh sathau lim pên a guolvakna, theng leh thau leh uain phapen a guolvakna siem intin.

ISAI 27:13

Zie ni chuleh, Asuria leh Aigupta gama nawhdawka umte sap khawm kitna dingin, pengkun lopi tak chuh mût untin, tichun, hung khawm un tin, Jerusalem a Tang Thiengtho achun Lalpa chuh ho ta’n au.

ISAI 30:29

Himahlele, nang haw, Pathien mite chuh, zan a kut thiengtho Kut guolin kipâk takin la sa’n lau. Israel humbitpa, Lalpa Ho-In a thil githeite leh châmngaite tawh chieh guolin kipâk un lau.

ISAI 49:6

Lalpa’n ka kawmah, “Jakob namte tundin na ding leh Israel chate laka bitna a um kitna dinga suok a ka hun siem hi thil neucha ahi; Jentel te salhvak dingin le hun guot ing ka ting; khutia chuh ka hukdamna hih kâwlmawng tieng ale atun theih na dingin” a ti a.

ISAI 56:5

Ka Ho-In leh ka kulh sunghaw a chun chanu leh chapa sanga phazaw hetzingna leh min phazaw pie’ng ka ting; kumlekhuo a amin dinguh sukmangthai tâk loh ding chuh pie ding ka hi,” a ti ngâla.

ISAI 56:7

“Amau haw ngêi chuh ka tâng Thiengtho Zion achun pui ing ka ting, Ka pauchamna In achun kipâk takin um un au; hâlmanga a thillat teu leh, a kithawihnateu chuh, ka maichâm achun ana pawm ing ka; Ka In chuh mitin a dingin pauchamna In tih hi ding ahi ngâl a,” ti’n.

ISAI 60:3

Tichun, na vak achun namtin hungkhawm un tin; lengte le na zingkal phal vak nino zuon in hungkhawm un au!

ISAI 65:11

Himahlele, nang haw Lalpa nungngat a, ka tâng thiengtho Zion ngaihsak lo a, vang-etna pathien Gad leh Mini hona dawhkhâng bawla, a tupna a tun dem tih hetna dinga dawhkan a uain chawkhel a khawna sung dim sek te haw;

ISAI 66:20

Tichun, Israel chate’n a thillat uh bel thiengtho a Lalpa masanga ahun chawihlut sek bangun, Lalpa kawma thillat dingin namtin apat in na suohpihteu chengcheng chuh sakawl kangtalaite leh kizawnna te, chun, sabiltung chung leh sangawngsau chung haw ah ka tâng Thiengtho Jerusalem achun hun pui un au, Lalpa’n a tii.

ISAI 66:23

Chun, hiti hi hi’n tin, tha thak apat tha thak kit tiengin, chun, Sabbath apat Sabbath kit tiengin, mi cheng cheng chuh kei ei ho dingin ka masang ahin hung khawm zung zung un au,” Lalpa’n a tii.

JEREMIA 16:19

“Aw Lalpa ka hatna leh ka kulhpi, lungkham ni a ka kihumbitna; kâwlmawng apat in namte hung u’ntin, kei uh ei suonte chun lepchieh thil panna bei; phatchuomna neilo tihloh chuh bangmah goluoh a nei puou hi,” hung ti’n au.

JEREMIA 23:20

Lalpa lungnatna chuh vaikit mai puo’n a. A lunggil a a guotsa haw chuh a pitit a, a hih zawh zet ma chun. Ni nunung haw achun chientakin hun he ding na hiu hi!”

JEREMIA 26:18

“Moraseth mi Mika chun Juda leng Hezekia lal lai khan, Juda mi chengcheng te kawma chun, Sepaihte Lalpa chun hiti hin a tii: ‘Zion chuh lo guol a kaih hi’n tin, Jerusalem chuh thilsie kipaih khawm hi’n a. A In umna tâng chuh gamlak munsang tawbang hi’n a,’ ti’n a genlawk a.

JEREMIA 3:17

Zie tieng chuleh Jerusalem chuh Lalpa lalchutphah min vawh untin, zie chun nam chengcheng chuh Lalpa min in Jerusalem achun hung khawm untin, a lunggil uh lung khauh na bang chun chieh ta puo’n au.

JEREMIA 30:24

A lungthim a a thiltup te a guitun a, a hih zawh vek ma chun. Lalpa lungnatna lauh-um tak chuh vaikit puo’n a; tichun, ni nunung haw achun hun hethiem ta’n lau!

JEREMIA 31:12

Zion tângsip achun lasa’n hung un tin, Lalpa phatna achun kipâk untin: buhte, uain te, sathau te, anchehlohing, belam leh gan guol note ka piek achun kipâk un au. A hinnau chuh huon tui pha mun bang hi’n tin, kumlekhuo’n lungkham kit ta puo’n au.

JEREMIA 48:47

Himahleh, ni nunung haw achun Moab chuh suok apat hun puidawk ding ka hi, Lalpa’n a tii. Hiti chan hi Moab chunga vaihawmna hi’n a.

JEREMIA 49:39

Himahleh, ni nunung haw achun hiti hi hi’n tin, Elam mite chuh a saltannau apat chun puikit ing ka, tih hi Lalpa kamsuok ahi.”

JEREMIA 51:44

Babulon a Bel chuh gawt ing ka ting, a valh lut sa chuh a kam apat in ladawk ing ka; namte chuh amah kieng ah luong khawm kit ta puo’n au, ahi Babulon kulhpi chuh chim ina.

EZEKIEL 38:16

Meipi’n gam a khuh mepmup bang hiel hin ka mi Israel te chungah hung in na tin; hiti hi hung hi’n tin, ni nunung haw achun ka gam do dingin hun pui ing ka ting, namte chun ei hen au, Aw Gog, a mitmuh u a nangmah a hih thientho a ka um tieng chu leh.

EZEKIEL 40:2

Kilâkna achun Pathien in Israel gam ah ei pui a, tâng sang tak ah ei kawih ta a. Ka masang zawn achun in tampi, khawpi lim tawbang hi ka mu a.

DANIEL 10:14

Tunung a na mite chunga thil hungtung ding hun hetsak dinga hung ka hi. Tunung a thil hung tung ding thu a kilâkna chuh ziehi ahi,” tin.

DANIEL 2:28

Mahleh thil kiselte phuong theipa Pathien chuh van ah a um a, leng Nebuknezar hi tunung a thil hung um dingte a hetsak ahi hi. Na mang leh na kuol laia na muh kilâknate chuh ziehaw hi ahi:

DANIEL 2:35

Tichun, thikte, bellei te, sumeng te, dangkaguote leh sanate chuh a bawnin a gawp dimdem ta a, nipi laia phuol a buhsi kithit bang mai in a um ta a. Huih in ziehaw chuh a tawkmang ta a, a umnau mun himhim het ahi ta puoi. Himahleh suong, milim delh khum pên chuh tâng lienpi a hung suok a, tichun lei pumpi hi a dim ta a.

DANIEL 2:45

Tang apat a suong, kuomah khawih loh a kilik in, thikte, sum-engte, tungte, dangkaguote leh sana te a sukgawp na muh bang mah khan; Pathien lopi tak chun leng kawma hin tunung a thil hung um dingte a phuon ahi: na mang chuh a tak ngêi ahi a, a hilhchetna chu le a dik ngêi ahi,” a ti a.

HOSEA 3:5

Zie tieng chu leh Israel chate chuh hung kisik untin, Lalpa a Pathien uh hun hawl untin; a leng uh David kawm achun kihei kit un tin, Tichun ni nunung lam achun Lalpa leh a phatna chuh lau kawmin zuon un au.

ZEKARIA 14:10

Gam chengcheng chuh Geba apat a Jerusalem simlam Rimmon tiengin siem guol hung hi’n a. Tichun, Jerusalem chuh a vela gamte chung achun chawihsân hung hi’n tin; Benjamin kawtkhak apat a tumasang a a na umna sa, a ning kawtkhak tieng chun. Chuleh, Hananel insang apat a leng uain thawkna khuk tiengin a mun chuh luoh ina.

ZEKARIA 14:9

Khutichun, Lalpa chuh lei chung pumpi a Lal hung hi ta’n tin; zie ni chuleh mitin in Pathien khat ho un tin, tichun, Min khat chauh a het in um ta’n a.

ZEKARIA 8:22

Mi tamtak leh, nam thilhih thei takte chule, Jerusalem achun Bangkim hihthei Lalpa ho ding leh, a vangsakna ngên dingin hung un au.

ZEKARIA 8:3

Lalpa chun hiti hin a tii, ka khawpi thiengtho, Zion lam ah hung kihei kit ka ting, Jerusalem lailung achun cheng ing ka, tichun, Jerusalem chuh THUTAK KHAWPI, ti a het hi’n tin, Lalpa tâng chuh, Tang thiengtho tih hi ta’n a.

MALAKI 3:12

Tichun, nam chengcheng in Vangpha hun tiu in tin, gam deihum tak na hung hih ding ziek un, Bangkim hihthei Lalpa chun a tii.

KISIMNA 24:14

Tichun, Balaam chun Balak kawmah, “Tuhin, ka mite kawma vaikit ding ka hi ta a, ka chieh masang in, Israel mite hin tunung a na mite chung a ahih dinguh hun hilh malam ing ka,” a ti a.

NASEPTE 2:17

‘Pathien in, Ni nunung haw achun hiti hi hi’n tin, Mi chengcheng chungah ka thagau sungtha’ng ka ting; Tichun, na chapateu, na chanuteu in ka thu gen un tin uh; Na tangvalteu in kilâkna muu un tin uh, Na teksieteu in mang in mat un tin;

2 TIMOTHE 3:1

Chun, ziehi heu in, ni nunung lam leh hun haksa taktak bang hung um ina.

HEBRAI 1:2

Himahleh, tuhun tâwp ahin, eihaw kawmah a Chapa achun thu a gen tai. Amah achun Pathien in vannuoi pumpi hi a siem a, amah mawng chuh thil bangakai nei dingin Pathien in a teldawk nawn a.

2 PETER 3:3

A masapen in, ziehi heu in, ni nunung achun, mi, a hinnau amau deih banga puih manga umte hung kilang ding ahiu hi. Ziete haw chun hun nuihsan un tin uh,

THUPHUON 11:15

Chun vânsâwlchâk sagihna chun a pengkun chuh a vak mût a, tichun, van apat in aw ngeih tak in, “Khawvel gam hih I Lalpau leh Krista gam a hung hi tai, amah chun kumkhuotuong in vaihawm ina!” a hun ti a.

THUPHUON 20:4

Chun, lalchutphah haw chuh ka mu a, a chungah mi a chuu a, a kawmuh achun vaihawmna a pieu a. Chuleh, Isu thu hettuoksakna thu zieka leh, Pathien thu zieka ngâwng kitante thagau leh sahang leh a lim ho lo a, a chalpâng uh ahim, a khut uh a him a, tiemtehna nei lote thagau chule ka mu a. Ziete haw chuh a hung hing tau a, kum sangkhat a dingin Krista tawh vaihawm in a um tau hi.