ISAI 2:19 - PATHIEN LEKHABU THIENGTHO (BSI)

¹⁹ Tichun, lei hi nasa taka sulîng dinga a hung kipat tieng chuleh, Lalpa lauh umna lak apat leh, thilhih theihna lopina lak apat chun mite chuh suongpi leh kâwlhâwm haw leh lei hawm haw a chun kisel un au.

ISAI 2:19 ပူးပေါင်းရင်းမြစ်များ

ISAI 2:10

Lalpa lauh-um na apat leh a lopina lak apat kisêlna dingin, suongpi hawm achun lut unla, leivui lak ah kisel un.

LUKE 23:30

Zie tieng chu leh mi’n tâng kawmah, ‘Ei delh khum ah!’ tiu intin, muol kawma le, ‘Ei selin!’ hun ti’n au.

HOSEA 10:8

Israel ten milim a honau, Aven tângsipa umte chuh sukmangthai hiu untin; a maichâm chungteu achun ling leh khauguite kek dim in a. Zie tieng chu leh mihaw chun tâng kawmah, “Ei sel in” tiu untin, muol kawmah, “Ei delh khum in” ti’n au.

ISAI 2:21

Lei hi nasa taka sulîng dinga a kipat tieng leh, Lalpa lauh umna lak apat leh thilhih theihna lopina apat taihmang guo’n, suongpi hawm haw leh kâwl suongpi khi kal haw a chun lut un au.

THUPHUON 11:19

Tichun, van a Pathien Ho-In chuh a hung kihawng ta a, a sunga Thugawlh Thingkuong chuh a hung kilang ta a. Ziephet chun, kawlphe le, aw le, vangi le, leiling leh gielpi nasatak a hung um zieng ta a.

HEBRAI 12:26

Zielai khan a aw khan lei hi a sulîng a, tuhin chuh, “Khatvei chuh, leisiet mai hilo in, van le hun sulîng kit ka,” ti’n a tiem ta zaw a.

HAGGAI 2:6

“Khatvei chuh, hun chawmchakhat sung, vante, leite leh gam leh tuipite chu hun sulîng ding ka hi, Sepaihte Lalpa chun a tii.

THUPHUON 20:11

Chun, lalchutphah lien tak, vam tak leh a chunga chu pa chuh ka mu a. A maikawk apat chun lei leh van a taimang uh a, muh phâk himhim a hi ta puoi.

THUPHUON 16:18

Tichun, kawlphe leh, aw gi leh, vangi a hung uma, chun, leiling nasatak le a hung um ta a! Leichung a mihiem siem a thak, khuti hiela leiling nasa chuh a um kha ngei puoi; zie chuh leiling nasa pên ahi!

THUPHUON 11:13

zie lai tak chun, leiling nasatak in a hung kilîng a, khawpi chuh mun sawma khena mun khat chuh suksiet in a um ta a, chun, mi sang sagih suklup in a um tau hi. A thi mâwk cheng chuh a lau mah mah uh a tichun, van Pathien lopina chuh a pakcha tau hi.

THUPHUON 9:6

Zie ni tieng chuleh mi’n thihna hawl un tin uh, himahleh, mu hiel puo’n au, thih ut un tin uh, himahleh, thihna chun amau haw taihsan ina.

HEBRAI 11:38

Ziete haw ding chun khawvel hi umna hâwi a hi puoi! Gâltai bang mai in, thalek leh tânghaw achun a vak viel viel u a; kawlpûk haw leh kawkhuk haw achun a cheng sek uh a.

2 THESSALONIKA 1:9

Tichun, Lalpa apat leh, a lopina thilhih theihna apat a, khenchuom a um in, kumlekhuo a manthaina gawtna chuh thuok un au.

MIKA 7:17

Gûl guolin lei liek un tin, leia bawkvaka chiehte guolin a umnau kuo haw apat chun kithing kawmin hung pawtdawk un tin, lau leh kilîng in Lalpa lam ah kihei kit un au; nang haw ziekin amah chuh lau un au.

JEREMIA 16:16

Ngaitiem u, ngaman mi tamtak sawl dawk ing ka ting, amau haw chuh man in au; zie nung chun, gamvakmi tamtak sam dawk ing ka ting, tâng tin leh muol tin apat in amau haw chuh hawldawk untin, suongpi khikek kal a um haw le.

ISAI 30:32

Lalpa’n amau haw a zêp zui chun, a mite chun thil githei leh khuong khen in zui un au. Pathien ngêi chun Asuria te chuh do ding ahi ngâl a.

SAM LEHKHABU THE PSALMS 7:6

Aw Lalpa, lungna’n kipan inla, Ei dote haw lungnatna do in kipan inla: Aw Lalpa, tho dawk in, vaihawmna ding thu na pie ta ngâla.

1 SAMUEL 14:11

Chun, a nih un Philistia sepaihte panmun a umte chu a va kimuhsak u a: chun, Philistia te chun, “Entiem u, Hebraite a kiselnau leihawm apat ahung pawt veu,” a tiu a.

1 SAMUEL 13:6

Chun, Israel te chu nawhdawng in a um ui tih a kihet phet u chun, (mipite chu a lungdawng mah mah ngâl u a) mipite chu kâwlhâwm haw, hambawk lak haw, suongpi pang haw, kulh haw, kawkhuk haw poh ah a kisel u a.

JOB LEHKHABU THE BOOK OF JOB 9:6

Lei chuh a umna mun achun a hihling a, Zie taka a khuom haw chule a lîng zawk zawk a.

ISAI 7:19

Tichun, hung un tin, a bawn un guom sie lekluk lak ah suongpi hawm haw ah, hamlingnei chengcheng lak ah, gan tatna mun cheng haw achun um suok vek un au.

ISAI 13:13

Khutichun, van khu sulîng ing ka ting, Kei, sepaihte Lalpa lungnat ziekin, ka lungnat etsakna ding chun, lei hile a umna mun chawn hiel khawpa suklîng in um ina.

ISAI 24:1

Ngaitie, Lalpa chun lei hi suhawm intin, susie ding ahi. Leichung hi thing intin, a luohte chuh sudalh vek ding ahi.

ISAI 24:18

Tichun hiti hi hi’n tin, thil tizat-um thawm zieka taite chuh kawkhuk ah kieu untin, kawkhuk a pawtdawkte chuh thâng ah âwk un au. Van apat in guohpi nasa takin hung zu’n tin, lei kingakna hi suklîng in um ina.

ISAI 24:19

Lei hi suksiet dimdem ahi ta a, lei hi a kithehdalh ta a; lei hi nasa takin a kilîng a.

ISAI 33:10

Lalpa chun, tuhin vang kipan ing ka ting, tuhin limbawl in um tang ka ting, tuhin limbawl in um tang ka.

JEREMIA 4:29

Sakawl chunga chu te husa leh thal chawite thawm chun khawpi a mite chuh taisieu untin; gammâng ah tailut untin, suongpi chung haw ah kal un tin; khawpi cheng chuh taihsan untin uh, a sung ah kuomah cheng puo’n au.

JEREMIA 48:28

“Aw Moab gamsung a cheng te haw, khawpi haw chuh taihsan unla; kawldan kal ah va cheng un, vakhu kâwl panga busieh sek bangin um un.

EZEKIEL 33:27

“Hiti a hi a kawm u a na gen ding ahi, ‘Lalpa Pathien chun hiti hin a tii: A hi’n a ka hin sung chuh, khawpi siesa nunga umte chuh chemzâm in puk tei tei intin un, gamtalai-laka umte chuh gamsate nêk zawh dingin pie’ng ka ting, kulhpi leh kâwlhâwm sunga umte chuh hipi’n thi’n au.

NAHUM 3:11

Ninevi! Nang le zukhamte huong sung ah puk in na tin; Na melmate apat in taih dawk guo ding na hi.

HAGGAI 2:7

Namtin te chuh paih tha’ng ka ting, a hauhsakna teu chuh zie tak a hin puok lut in um intin, tichun, zie In hi lopi na’n su dim ing ka, Sepaih hawnte Lalpa chun a tii.

2 SAMUEL 22:46

Nam dangte chu hung buoi untin, A kulhpiu haw apat chun kilîng kawmin hung pawtdawk un au.