ISAI 2:18 - PATHIEN LEKHABU THIENGTHO (BSI)

¹⁸ Chun, milim pathiente chuh kichien takin mangthai ta’n au.

ISAI 2:18 ပူးပေါင်းရင်းမြစ်များ

ZEKARIA 13:2

Chun, zie ni chuleh milim pathiente chuh gamsung apat chun lamang ka ting; kuoma’n hezing ta puo’n au! Thiemgau ka hi tite leh thagau buok chu nawhmang ka ting, milim ho utnate chu lamang ding ka hi, Lalpa’n a tii.

ZEPHANIA 1:3

Mihing leh ganhingte chuh sumangthai ing ka ting, vanthamzawl a vachate leh tuipi a ngate le sumangthai vek ing ka ting. Minunsie te puksietna ding chuh hih ding ka hi. Mihing chengcheng chuh sumangthai ing ka, Lalpa’n a tii.

HOSEA 14:8

Aw Ephraim, milim pathien tawh kimatna banga ka neih? Kei hi na pauchamna dâwng pa chuh ka hi a, a hun tung ding pa le ka hi: Kei chuh châk thing hing dep dup tawbang ka hi a, A vangsaknau chengcheng nak chuh ka hi ngâl a,” ti’n.

EZEKIEL 37:23

A milimteu, a thil tenumteu, a bawhsietna teu in kisubuok khata puo’n au: gitlohna a hihnau a chênna mun teu chengcheng apat chun hukdawk zaw’ng ka ting, silthieng ing ka: khutichun, amau chuh ka mite hi’n tin un, chun, kei a Pathien uh hing ka.

EZEKIEL 36:25

Chun, na chung u ah tui chîm theh ing ka ting, hung thiengtho in na tin un, na buokna teu chengcheng leh na milim hawu lak apat chun hun hih thieng ing ka.

ISAI 27:9

Zieziekchun, Jakob te manlohna chuh zie hin sawp thien hi’n tin, ziehi a gitloh nau gah ngen ahi, Asher leh nisa limte chuh thokit talo ding khawp in, maichâm suong chengcheng chuh phel lemlum a bawl ahiu ui. (Himahlele, milim pathien maichâmte chuh, leia suongnip banga suknel leh, gimlim hâlna maichâm ahim, Asher pathien lim melchiknate chuh suksiet a hih ma’n, Israel te gitlohna chuh ngaihdam hi puo’n a.)

ISAI 21:9

Ngaitie! thakhat in, mihing hawn, sakawl chung chuong, a kawp kawpa chieh a hung ui,” ti’n. Amah chun, “Babulon khawpi chuh a chim tai! A chim tai; a pathien uh, milim siemkawmte chengcheng chuh lei ah suknel in a um tai,” ti’n a dawng a.

ISAI 2:17

Mihing kideihnate chuh suktawp hi’n tin, mite chapona haw chuh sukmangthai in um ina. Zie ni chuleh Lalpa chauh chuh chawihsân in um intin;

ISAI 46:1

Bel chuh a khuntha suk a, Nebo chun nuoi lam a en tai! A milim pathien teu chuh a ganchateu leh ganguol haw a puoksak u a, zie thil haw chuh a gancha thachawlte dinga puokgik maimai ahi tai.

JEREMIA 10:11

A kawm u a hiti hin gen in: pathien lei leh van siem hilote chuh lei apat in sumangthai inla, vannuoi apat in sumangthai vek un.

EZEKIEL 30:13

“Lalpa Pathien chun hiti hin a tii: Milim haw chuh susie’ng ka ting, Noph khuo apat a lim hawu chuh subei ing ka ting, Aigupta achun hotu himhim um ta puo’n au: chun, Aigputa gam achun lauhna umsak ing ka.

MIKA 1:7

A milim siemkawmteu cheng chuh sukgawp vek hi’n tin; nawhchizawkna mante chuh hâltum vek hi’n tin, milim chengcheng chuh hihsie’ng ka ting; nawhchizuok mana a lâkkhâwm u chuh, nawhchizawk man mah in pang kit ina.

MIKA 5:13

Na lak uh apat in na milim siemkawmteu leh na suongphuhteu chuh sumangthai ka ting, na khutsuok thilte chuh ho ta puo’n la.

JEREMIA 51:18

Amau chuh bangmah lo mai ahiu a, kithep na maimai, veh a a um tieng u leh beimang mai ding ahiu.

EZEKIEL 6:6

Na chênna mun chengcheng u a khawpi haw chuh suksiet hi’n tin, na milim hona mun sang hawu chuh sukchim in um in au; na maichâm hawu chuh suksiet leh sukchim ahih theihna ding leh na milim hawu chuh khet gawp ahih u a sukbeih ahih theihna dingun leh na gimlim maichâm hawu chuh satthâk ahih u a, na thil siemkawm hawu chengcheng chuh a manthai theihna dingin.

ZEPHANIA 2:11

Amau a dingin Lalpa chuh tizat-um tak hi’n tin, leia pathiente chuh sumangthai vek in tin, tichun, namtin a masang ah khun un tin, mitin in amau mun chiet apat in Amah chuh ho ta’n au.