ISAI 2:12 - PATHIEN LEKHABU THIENGTHO (BSI)

¹² Sepaihte Lalpa chun mi chapote, kingaisangte leh mite chunga kikawih sang te chengcheng do na ding ni a guot tai.

ISAI 2:12 ပူးပေါင်းရင်းမြစ်များ

MALAKI 4:1

Ngaitiem u, ni chuh hungtung ding ahi, “Mi kiletsakte leh mi gilote chengcheng buhpawl banga a kâktum ni hungtung ding ahi tai! Zie ni chuleh, katum vek in tin a zung leh a bâkte le sit hiel puo’n a, Bangkim hihthei Lalpa chun a tii.

ISAI 23:9

Sepaihte Lalpa chun a uonna chuh bangmahlo suoh sak ding leh, leia mi zahumte chengcheng muhsit um taka umsak dingin a guot ahi.

LUKE 14:11

Kingaisang ta chuh niem intin, kingainiem taphawtte chuh limbawl in um un au,” a ti a.

THUCHINGTE 16:5

Kuole, mi chapo chuh Lalpa dingin kihdak-um ahi a, kithutuok mahleu le gawt loh in suokcha puo’n au.

JAKOB 4:6

Himahlele, Pathien in hehpihna ei piek chuh a hât zawsem ngâl a. Pathien Lehkhabu’n, “Pathien in mi husiete a do a, mi kingainiemte vang chuh vang a pie sek hi,” a tih guolin.

1 THESSALONIKA 5:2

Lalpa Ni chuh zan a gucha a hung bangin hungtung ding ahi tih, nangmau haw mawng inle chientakin na he ngâl u a.

1 KORINTH 5:5

Zie tawbang mi chuh, Lalpa Ni a a thagau hukdam a hih theihna dingin, a taksa chuh Setan kawma sukmangthai dinga na piek dinguh ahi.

MATTHAI 23:12

Kuole, amah kingailul ta chuh niem intin, kuole amah kingainiem ta chuh chawihsân in um ina.

MALAKI 4:5

“Ngaitiem u, Lalpa ni lopi tak leh lauh-um tak chuh a hungtun masang in, thiemgau Elijah chuh na kawm u ah hun sawl ing ka.

AMOS 5:18

Lalpa ni utchate haw, na chung uh a gik hi! Bangati a, Lalpa ni utcha? vak hilo in thim ahi zaw ngâl a.

DANIEL 4:37

“Tichun, kei Nebuknezar hin van Lengpa chuh ka pakcha ta a, ka chawisâng a, ka limbawl a; a thilhih chengte chuh a dik in a lampite chuh a kitûp ngâl a: kuole chapo taka thilhihte chuh a suniem thei ahi,” ka ti a!

EZEKIEL 13:5

Lalpa ni a galdo a a din detna dingun bâng chipna lai tak achun na va chieh puou a, Israel insung mite dingin bâng chuh na siempha puou hi.

JEREMIA 46:10

Zie ni chuh ahi, Lalpa sepaihte Lalpa phuba lak ni, a melmate chunga phuba a lâkna ni chuh. Chemzâm in hun that zo in tin, hun zo ding ahi. A thisan u chuh khawp set in dâwn intin, Sepaihte Lalpa chun mâllam a Euphrates lui pang achun tamtak a that lemlum mai hi!

ISAI 24:21

Chun, zie ni chuleh hiti hi hi’n tin, Lalpa chun chunglama mi chungnung haw lawi lien tak tak chuh gawt intin, lei a leng haw cheng tawh.

ISAI 24:4

Lei hi a gaw a, a chul ta a; khawvel hi a chau in, a tuoi a, van sang haw chule a chau tau hi.

ISAI 13:9

Ngaitie, gam hih mangthai ding leh, zie migilote chuh a sung apat a hih mangthai dingin, Lalpa ni chuh lungnatna leh thangtawmna nasatak tawh hungtung ding ahi.

ISAI 13:6

Mau vungvung un, Lalpa ni chuh a nai ta ngâl a! Bangkim hihthei apat a hih sietna hungtung ding ahi.

2 SAMUEL 22:28

Gimtheih thuokte chu hukdam in na tin: Mi chapote vang na hihniem theih na dingin a chung u ah na mit chu hak zing ina.

JOB LEHKHABU THE BOOK OF JOB 24:1

Bangakai hihtheipa chun bang zieka vaihawmna hunte guot lo a, Amah hete chun bangti a a nite chuh a muh loh u a?

SAM LEHKHABU THE PSALMS 131:1

Aw Lalpa, ka lunggil hi a kisathei puoh a, ka mit hile a hak sang diek puoi; Thil lopi haw leh thilmak taluo te a chun ka tel kha puoh ngâl a.

ISAI 42:15

Muol leh tângte chuh suchai ing ka ting, thing leh hampa chengcheng te chuh sugaw vek ing ka; Luite chuh gamgaw’n siem ing ka ting, dîl tuite chuh hihkang ing ka.

ISAI 61:2

Lalpa lungkim kum thu phuong ding leh I Pathien uh phulakna ni a tung tai tih gen ding leh lusûnte thamuon ding leh,

JEREMIA 30:7

Ehe! ni tizat-um tak chuh a hungtung ta a hi! Ni dang, a tehpih theih ding himhim a um puoi. Jakob buoina ni ahi ngâla! Himahlele, amah chuh zie apat chun hukdawk in um ding ahi.”

MIKA 2:3

Zieziekchun, Lalpa’n hiti hin a tii: Ngaitie! zie inkuon chunga hin thil phalo ka ngaihtuoh ahi, zie apat chun suokcha puo’n na tin uh, uong takin le chieh diek ta puo’n lau, hun phalo hi ding ahi ngâl a.

MIKA 5:11

Na gam khawpite chuh sumangthai ka ting, na kulhte cheng chuh hihchim ing ka:

ZEPHANIA 1:16

Kulh a ki-um khawpite chunghaw leh, gâlven kulh sangte chunga kidona pengkun leh galdo kiko thawm a dimna ni hi’n a.

ZEPHANIA 3:11

Zie phat chuleh, nang haw chuh, ka chunga na kiphin na ziek u a na zahchâknau chuh um ta puo’n a. Mi chapo leh kiletsak taphawt chuh ladawk ka ting; Ka tâng thiengtho ahin ka chungah kiphin ngei kit ta puo’n lau.

SAM LEHKHABU THE PSALMS 18:28

Nang in ka thaumei nei hâl sak ding na hi ngâla; Lalpa ka Pathien chun ka thimna hi hih vak ina.

SAM LEHKHABU THE PSALMS 37:13

Lalpa chun amah chuh nuihsan ina: A ni a hung nai tai tih a het ziekin.

SAM LEHKHABU THE PSALMS 94:2

Nang leichung a vaihawmpa kipan inla: Kisathei te chuh a gitloh man uh din in.

ISAI 5:15

Mipi haw chuh hihkun in a um u a, mi chapote chuh sukniem in a um u a, mi ki-uongte chuh hihniem a um tau hi.

ISAI 10:12

Zieziekchun hiti hi hung hi’n tin, “Lalpa chun Zion tâng leh Jerusalem chunga ka nasep ding chengcheng ka sep zawh tieng, Asuria leng lunggil uong tak leh kiletsak tak chuh hun gawt ing ka,” a ti a.

ISAI 10:33

Sepaihte Lalpa chun thingbâk satthak bangin gawt nêl intin, mi chapo pente leh sangpente chuh hihniem in, sumuolpho ina.

ISAI 13:11

Tichun, khawvel hi a gitlohnau ziekin gawt ing ka ting minunsiete chuh a manlohnau ziekin gawt ing ka; mi chapote pau uong chuh suhai ing ka ting, mi lauh-um uonna chule hihniem ing ka.

ISAI 14:15

Himahlele, thihna khawvel ah, kawkhuk mawngbei achun nawhthak in na um ta a.

ISAI 40:23

Amah chun leng chate, leichung a vaihawmte chuh a luoi tha a, bangmahlo in a siem sek a.

JEREMIA 12:9

Ka goluoh ding chuh kei dingin sasiel ne vachapawl ahim? Sasiel ne vachate’n a ûmkimvel u maw? Chieh un la, a ne zo dingin gamsa chengcheng va hawikhawm unla, hun pui un.

JEREMIA 13:9

Lalpa chun hiti hin a tii, Zie tawbang mah hin Juda chapona leh Jerusalem uonna nasatak chuh susie ding ka hi.

JEREMIA 50:31

“Ngaitie, nang mi chapo, ka hun do na hi, Lalpa, Sepaihte Lalpa chun a tii: na ni a hung tung tai, ka hun gawt na ding ni chuh!