ISAI 19:3 - PATHIEN LEKHABU THIENGTHO (BSI)

³ Tichun, Aigupta te lemguot chuh susie’ng ka ting, a lunggilteu chuh hih buoi ing ka. Tichun, milimte leh, mitvaidawi thiemte leh thitha phunsân thiem zawlte leh dawithiemte chuh dawng un au.

ISAI 19:3 ပူးပေါင်းရင်းမြစ်များ

ISAI 8:19

Chun, mi’n thitha phunsân thiem zawl leh, dawithiem chiek numnum te chuh dâwng un ahun tih tieng u leh, “Mite’n a Pathien u chuh a dawt zawk dinguh hilo ahim? Mihingte a ding chun mithi a dawt dinguh ahi dinga ahim?” ti’n au.

DANIEL 2:2

Tichun, lengpa chun mitvaidawi thiemte, phunsân thiemte; dawithiemte Kaldai mite a mang chuh amah hilh dinga sap ding thu a pie a. Tichun a hung khawm u a, leng masang achun a hung ding tau a.

1 KHANGTHUBU 10:13

Khutichun, Saul in Lalpa thu a zawp nuom puoh a, Lalpa chunga a gitloh ziek leh, Lalpa dawng lo a, thitha zawlnei te a dawng a, phunsan a a dawt ziekin a thi ta a.

DANIEL 5:7

Leng chun, “Phunsân thiem te, Babulon mite, aksi lam chanchin hete hun pui un,” ti’n ngeih tak in a kiko a. A hung phet un leng chun Babulon miching te kawm achun, “Kuole, zie lehkhazik hi sim a, a hilhchetna ei etsak chuh puonsandup silh sak hi’n tin, a ngâwng ah limbawlna sana khi awh sak hi’n a, chuleh, lenggam a vaihawm thum te laka khatin pang in a,” ti’n a gen a.

EZEKIEL 22:14

Ka hun sawisak ni chuleh na hansan na’n a thuok zo in na khut a hat na dem? Kei, Lalpa hin ka gen ta a, hih ding ka hi.

EZEKIEL 21:7

‘Bang zieka khuti mau na hi?’ a hun tih tieng u leh, ‘Chanchin ziekin; zie chuh a hung tun tieng leh lunggil chengcheng chuh lauhna’n dim ta’n tin, khut chengcheng chuh zawitha ta’n tin, ngaihtuohna chengcheng chuh chauzo ta’n tin, khûp chengcheng chuh tui bang mai in zawi zo ta’n a; ngaitie, a hung hi, hung tung ding ahi, Lalpa Pathien chun a tii’, ti’n,” a ti a.

JEREMIA 46:15

Bang zieka na mi hangsanteu chuh nawhmang a um ahiu em? A ding zo ta puou ui, Lalpa’n a paih thak ziekin!’

ISAI 57:16

Ka mite chuh mawhchansak in a chungu ah lungna zingzing ta puo’ng ka; thagau leh hinna ka siem sak chuh ka masang ahin sawlsam kha’n a. Hinna hi keia ahi a, mihingte hinna hu hile kei siem ahi.

ISAI 47:12

Na khangdawng apat a dawi thilhih leh, na kivennate chuh mang in tin; nanga dinga lawkna umsun chuh na melmate na suklauh chuh hi chauh ta’n a.

ISAI 44:25

Kei hi mi lepchieh te subuoi a, phunsân thiemte sungawl a; aksi apat a thil genlawkte bangmahlo chansak pa ka hi. Miching te thugen haw ka hih dika, a chitnau chuh ngawlna ahi tih ka latsak ta a.

ISAI 19:1

Aigupta gam puokgik chuh! Ngaitiem u, Lalpa chuh meipi hattak chunga chuong in, Aigupta gam a hungtung tai; Aigupta te milim pathien chuh a masang achun kithing lun lun untin, Aigupta mite lunggil chuh a sung u ah tuimang zo ina.

ISAI 15:2

Bajith leh Dibon a mite chuh a mun sang hawu a chuh kap dingin a chieh to tau a. Moab te chun Nebo leh Medaba chuh a kah khum u a, lungkham ziekin a luchang cheng teu leh, a khabemul cheng le a met vek tau hi.

ISAI 14:27

Sepaihte Lalpa chun a guot ta ngâl a, a khut chuh zak in a um ta a, kuoma’n a nung zukkik sak thei puoi.

THUCHINGTE 21:30

Lalpa do thei dingin pilnate, hetnate, lemguotthiemna bangmah a um puoi.

SAM LEHKHABU THE PSALMS 107:27

Zukham guol in a awn viel viel u a, a lawn chun chun u a, Umchin himhim a he sek puou hi.

SAM LEHKHABU THE PSALMS 76:12

Amah chun lengte hinna chu sattha’n tin; Amah chuh lei a lengte dinga lauh na pie pa chuh ahi.

2 SAMUEL 17:23

Chun, Ahithophel in a lemguot bang chu a zawp puou hi tih a het in a sabiltung chu a guonggalh a, a kipan a, a khuo lam ah a chieh a, a inkawte khawsak dân ding a hihtup sak diem a, a kikhailum ta a; tichun a thi a, a pa thân ah a vui tau hi.

2 SAMUEL 17:14

Tichun, Absalom leh Israel mi chengcheng te chun, “Hushai lemguot chu Ahithophel lemguot sang chun a phazawi,” a tiu a. Lalpa chun Absalom chunga thil phalo a tunsak theihna dingin Ahithophel lemguot phatak chu zuih loh dingin a na ti ta him a.

2 SAMUEL 15:31

Chun, kuo ahim in David chu, “Ahithophel chu Absalom lama pang in mithahna ding guonggalh te lak ah a tel hi,” ti’n a hilh a. Chun, David chun, “Aw Lalpa, Ahithophel lemguotna chu ngawlna suok sak dingin ka hun ngên hi,” a ti a.

1 SAMUEL 25:37

Chun, hiti hi ahi a, Nabal chu zingkal a uain hu a theu a, a hung halh phet chun a zi chun zie thu haw chu a vak hilh leh, a lung a phawng phut a, a thingilh hiela, suong guolin a um ta a.

SAM LEHKHABU THE PSALMS 33:10

Lalpa’n namte lemguot chuh bangmah lo a suok sak a: Mitin ngaihtuohna chuh bangmah lo a suoh sak sek hi;

DANIEL 1:20

Chun, leng in thil chenga chitna leh hetthiemna thu tin chengte a vak dawt chun, a gamsung pumpi a mitvaidawi thiem leh phunsân-thiemte cheng sang chun a zie mi lite hi a leh sawm in a thiem zawu hi tih a mudawk ta a.

2 LENGTE 1:2

Chun, Ahaziah chu Samari khuo ah, a indan chungnung a tukvan, vathangkalh âwng ah a kie tha a, nasa takin a kisuliem ta a. Tichun, a dam dawk zawh ding leh dam dawk zawh loh ding chu, Ekron a Philistia te khuo pathien, Baal-zebub dawng ding chun mi a sawl ta a.