ISAI 17:8 - PATHIEN LEKHABU THIENGTHO (BSI)

⁸ Maichâm, amau haw khutsuok lam chuh nga ta puou un tin, amau haw khuta siem Asher te ahim, nisa limte ahim chuh zah diek ta puo’n au.

ISAI 17:8 ပူးပေါင်းရင်းမြစ်များ

ISAI 30:22

Zie tieng chuleh, dangka tui luon khuma na milim siem uh leh, sana tui luon khuma na milim sun uh chuh paihmang un na tin, a kawma chun, “Ka mit muh phâk loh uh ah chieh mang un,” ti’n lau.

ISAI 27:9

Zieziekchun, Jakob te manlohna chuh zie hin sawp thien hi’n tin, ziehi a gitloh nau gah ngen ahi, Asher leh nisa limte chuh thokit talo ding khawp in, maichâm suong chengcheng chuh phel lemlum a bawl ahiu ui. (Himahlele, milim pathien maichâmte chuh, leia suongnip banga suknel leh, gimlim hâlna maichâm ahim, Asher pathien lim melchiknate chuh suksiet a hih ma’n, Israel te gitlohna chuh ngaihdam hi puo’n a.)

ISAI 2:8

A gam u chuh milim pathien in a dima, amau haw khutsuok masang achun a bawkkhup sek uh a.

ZEKARIA 13:2

Chun, zie ni chuleh milim pathiente chuh gamsung apat chun lamang ka ting; kuoma’n hezing ta puo’n au! Thiemgau ka hi tite leh thagau buok chu nawhmang ka ting, milim ho utnate chu lamang ding ka hi, Lalpa’n a tii.

ZEPHANIA 1:3

Mihing leh ganhingte chuh sumangthai ing ka ting, vanthamzawl a vachate leh tuipi a ngate le sumangthai vek ing ka ting. Minunsie te puksietna ding chuh hih ding ka hi. Mihing chengcheng chuh sumangthai ing ka, Lalpa’n a tii.

HOSEA 14:8

Aw Ephraim, milim pathien tawh kimatna banga ka neih? Kei hi na pauchamna dâwng pa chuh ka hi a, a hun tung ding pa le ka hi: Kei chuh châk thing hing dep dup tawbang ka hi a, A vangsaknau chengcheng nak chuh ka hi ngâl a,” ti’n.

EZEKIEL 36:25

Chun, na chung u ah tui chîm theh ing ka ting, hung thiengtho in na tin un, na buokna teu chengcheng leh na milim hawu lak apat chun hun hih thieng ing ka.

ISAI 44:15

Tichun, zie thing chuh mi’n tih dingin a mang sek uh a, khenkhat chuh milim pathien in a siem u a, a ho sek u a. Khenkhat chuh amah kisuklum na dingin mei in a tik sek a; khenkhat chuh pathien in a siem a, a masang achun bawkkhup in a ho sek hi.

ISAI 1:29

Na kipahpih mah mah uh gangpi thing ziek chun muolpho ta’n lau, chun, na huon deihchuom teu ziek chun zakcha taka um ding na hiu hi.

2 KHANGTHUBU 34:4

A mah puihna nuoi achun, a mite chun Baal hona maichâm te chu a khen gawp u a, a kawma gimlim hâlna te chu a susieu a. Asher limte leh milim dang cheng te chu le, a khên nêl u a, a nêl chu, a kawma kithawihna siem sekte thân chungah a theh u a.

2 KHANGTHUBU 14:5

Juda te khuo chengcheng a milim pathien hona um leh milim te le a sukmang ziekin, amah nuoi a gam chu gâlmuong in a um ta a.

PAWTDAWKNA 34:13

A maichâmteu chuh na sukchip vek ding uh ahi a, a milimteu chuh sukgawp sak vek un, a Asher pathien teu chuh na phuk sak vek ding uh ahi zawi.

DAN NIHNA 7:5

Himahleh, a chungu a hiti a hi na hih zawk dinguh ahi; a maichâm hawu chuh suchim unla, a suong zek hawu chuh khen gawp unla, a pathien uh Asher pathien lim khuom haw chuh phuk unla, a milim siemkawm hawu chuh na hâltum vek dinguh ahi.

2 SAMUEL 22:42

A dâk viel u a, himahlele hukdam ding kuomah a um puoh a; Lalpa chu a vak sam u a, himahlele a dâwng puoh ngâl a.

ISAI 10:20

Zie ni chun mi tawmcha mai vaikit un au. Israel te a na umsunte leh, a suokcha sunte chun amau haw sumangthaite chuh gingcha ta puou untin, Israel Mi thiengtho chuh tihtakzet in gingcha zaw ta’n au.

ISAI 17:9

Zie ni a hungtun tieng chuleh, khawpi dettakte chuh taihsan in um intin. Hiv mite leh Amor te’n Israel chate apat a a taihsiet lai u a, khawpi a nutsieh bang phet u khan, nutsieh in um ina.

ISAI 37:19

a pathienteu, pathien tak hilo, mihing khuta, thing leh suong a siemte chuh a hâltum sek hi tih hi thudik ahi a.

ISAI 41:29

Ngaiun, kithepna maimai ahiu a; bangmah hihtheih a nei puou a, a milim pathiente chuh bangmahlo leh hawmngawn ahiu ui,” ti’n.

JEREMIA 17:2

Thing hing bul tin leh, tâng sang chunghaw achun a chateu in a maichâmteu leh Asher te chuh a hezing ngâl uh a.

2 KHANGTHUBU 31:1

Zie Chiehkân kut guolvakna a kichaih phet chun, Israel mipite chengcheng chu Juda gama khawpi tin achun a chieh u a, suong phuh te a susieu a, Asher pathien te kawma milim latte chu a phuk u a, milim hona mun leh maichâm te a suchim u a. Zie tawbangmah chun Juda gam khuo dang haw, Benjamin gamte, Ephraim gam te, leh Manasseh gam te a hih u a, tichun, mi chengcheng chu a khuo lam chiet u ah a vaikit tau a.

HOSEA 14:9

Kuole, miching taphawt chun zie thu haw hi hethiem u hen la, a lungthim ah kawih hen. Lalpa lampite chuh a dik a, mi diktatte chun a zui uh a, a hin lawh sek ui. Himahlele, migilo chun a ngaihsak loh ziek un a kisuipai un au.