ISAI 17:6 - PATHIEN LEKHABU THIENGTHO (BSI)

⁶ Himahleh, olive thing, lawh zawh kêi nunga, a zîk pi sangpen lêk a gah nih ahim, thum ahim leh thinggah tak mai bâk zik zum a gah li ahim, nga ahim a um sek bangin, tawmcha nutsieh in um ina, Lalpa Israel te Pathien chun a tii.”

ISAI 17:6 ပူးပေါင်းရင်းမြစ်များ

1 LENGTE 19:18

Himahlele Israel gam ahin Baal maa khupdin ngeilo leh, a lim uh châwp ngeilo mi sangsagih kei a dingin ka kawih nalai hi,” a ti a.

ISAI 1:9

Sepaihte Lalpa chun sukmangthai mâwk tawmcha a na nutsieh sak lo hile chuh, Sodom guolin ana um tai ting un, Gomorra tawbang khah hita ding I hiu hi.

ISAI 10:22

Na mi Israel te chuh tuisuohgiet pîlnel zah in um mahleu, nutsieh a umsunte chuh vaikit ding ahi ngâl u a; sukmangthaina chuh tung tei dinga guotsa ahi ngâl a.

ISAI 24:13

Lei chunga mi chengcheng chungah, hiti bang hin hung um ding ahi ngâl a, olive thing khet nunga a gah a na um sek bang leh, grep lawh nunga muh khelh a na um sek bang hi hi’n a.

ISAI 27:12

Zie ni chuleh, Euphrates luipi apat in, Aigupta luipi tiengin, Lalpa’n buhchil in hun chil ina, Aw Israel mipite haw, khat khata puihkhawm a um ding na hiu.

JEREMIA 4:27

Lalpa’n hiti hin a tii, Gam sung pumpi chuh hung hawm suok intin, mahleh sukmangthai vek hi puo’n a.

EZEKIEL 39:29

Ka mipi, Israel te chung achun ka thagau sungtha’ng ka ting, amau apat in kiheimang kit ngei puo’ng ka, tih hi Lalpa Pathien kamsuok a hi,” ti’n.

OBADIA 1:5

“Na kawmah guchate, suommangte zan in hung leu, a nawp chin un hun gu lo ding ahiu em? Na kawmah grep lakhawmte hung leu, grep lawh ding neukhat bêk nusieh lo ding u maw? Himahleh, na melmate chun vang hun sumangthai vek ding ahiu ui.

MIKA 7:1

Ka chung a gik na e! Nipi theigah kisungkhawm leh grep lawh hun laia a kilo hengilh lawh ding tawbang ka hi ngâla; theipi gah min masa tawbang ka hi a, ka hinna’n a utchak le a um diek puoi!

ROME 11:26

Chun, ziehi, Israel mi chengcheng hukdama a umdan ding u chuh ahi: “Zion apat Hukdampa chuh hung pawt intin, Jakob kawm apat Pathien khawksaklohna chuh sumang ina.

ROME 9:27

Isai inle Israel mite thu kikopih in, “Israel mite chuh tuisuohgiet pîlnel zat in tam mahleu le, a gawt mâwkte mai chuh hukdam in um un au.

DAN NIHNA 4:27

Lalpa chun namtin lak ah hun thehzak intin, Lalpa’n a hun thehzakna nam haw lak achun tawmcha chauh hingdawk inlau.

VAIHAWMTE 8:2

Chun, amah chun a kawm u ah, “Nang haw hihtheih khel chuh bang ka hih thei chuom u a ahim? Nanguh Ephraim te’n neucha na hih u chuh ka nam pumpiu hih sangin a thupi zaw hilo ahim?