ISAI 17:3 - PATHIEN LEKHABU THIENGTHO (BSI)

³ Ephraim bitna kulhpi chuh bei intin, Damaska kivaihawmna chuh tâwp ina. Suria gama a na umsunte le bei mang untin, Israel suonte bang phetin um un au, Sepaihte Lalpa chun a tii.

ISAI 17:3 ပူးပေါင်းရင်းမြစ်များ

2 LENGTE 16:9

Chun, Suria leng chun Ahaz ngetna chu a pawm a, a sepaihte tawh a kuon u a, Damaska chuh a do u a; a la tau a, leng Rezin chu a that u a, a mite chu Kir gam lam ah salin a pui tau a.

2 LENGTE 17:6

Chun, Hosea’n kum kuo vai a hawm kum, Asuria leng in a do, kum thumna achun Samari khuo chu a la ta a, Israel te haw chu Asuria gam ah salin a pui a, khenkhatte chu Halah khawpi ah, Gozan gambung khen sunga Habor lui pang ah a um u a, khenkhat chu Media te khawpi ah a umsak ta a.

ISAI 10:9

Kalno khawpite leh Hamath leh Arpad khawpite, Karkhemis te ka zo a, Samari leh Damaska le ka la ta a.

ISAI 16:14

Tuhin chuh vang Lalpa’n “Kithalak kum sim dana sima, kum thum sungin Moab lopina chuh a mipi nasatakte pum in, muhsit-um takin umsak intin, a na umsun chule, tawmcha mai gen kham loh hi’nau,” ti’n a gen tai.

ISAI 17:4

Zie ni chuleh hiti hi hi’n tin, “Jakob lopina tâwp ni chuh hungtung intin, a hauhsakna chuh chatgahna’n hun vukdim ta’n a.

ISAI 25:2

Khawpite chuh leisai kawih vum maimai na suoh saka; kulhpi nei khuo le khuo sie nung na suok sak veka; gamdang mite leng In le bangmah lo na suok saka, bangmah tika sakkit hita puo’n a.

ISAI 7:16

Naupang chuh thil phalo lam deihlohna dân a hun heta thilpha lam telna dân a hun het masang in, leng nih, a hun sulaute gam chuh nutsieh a um ding ahi,” a ti a.

ISAI 7:8

Suria chuh Damaska sangin a hatzaw puoh a, Damaska chuh Rezin sangin a hatzaw diek puoh a, kum sawmgup leh kum nga beih ma’n, Ephraim chuh chi tih kham loh a um dingin suksiet in um vek ina.

ISAI 8:4

Naupang chun, ‘Henu,’ ‘Hepa,’ tihna châng a hun het ma’n le, Damaska hauhsak nate leh, Samari gâllâk sumte chuh Asuria leng chun kipuok mang ding ahi ngâl a,” a ti a.

HOSEA 1:4

Chun, Lalpa’n a kawmah, “A min dingin Jezreel sah; Israel te leng haw chuh amau haw suonpa Jehu’n Jezreel a a tuolthahna phuba chuh lapai ding ka hi ngâl a. Jehu vaihawmna chuh sutawp pai ding ka hi.

HOSEA 1:6

Chun, nau a vawp kit a, chanu a hing a, Lalpa chun a kawmah, “Amin ‘Loruhamah’ na sak ding ahi; a ziek chuh, Israel inkawte chuh lungsiet ta puo’ng ka ting, chun, ngaidam ta lo hiel ding ka hi ngâl a.

HOSEA 10:14

Zieziekchun na mite lak ah kidona hung pawt intin, leng Shalman in kido ni a Betharbel a suksiet bang khan, na kulhpiteu cheng chuh suksiet in um intin; nute leh a chateu chuh khetlup khawm in um un au.

HOSEA 3:4

Zie tawbang chun Israel chate chuh ni tamtak leng neilo leh vaihawmtu beiin um un tin, kithawihna ahim, suong phuh ahim, milim ahim dawikhuom phut lo in, thiempu puonâk Ephod leh Terafim le nei puo’n au.

HOSEA 8:8

Israel te chuh valh zawh a um ahiu hi; bel, a sunga kipahna umlo bangin tuhin nam dang lak ah a um ui.

HOSEA 9:11

Ephraim chuh a lopina chuh vacha bangin lengmang intin: Nausen pieng thak leh, numei nauvawp leh naupang pieng himhim um beh ta puo’n a.

AMOS 8:14

Samari gitlohna sama kipautiem a, ‘Aw Dan, na pathien a hin zing bangin leh, Beerseba hindan dungzui in,’ tite haw! zie mite chule puk un tin, tho kit ta puo’n au,” ti’n.