ISAI 17:14 - PATHIEN LEKHABU THIENGTHO (BSI)

¹⁴ Nitâk lam chun, ngaitie, dipdapna, lauhthawng na a uma, himahleh, zingkal khuo a vâk masang in a mang tau hi, Zie hi kei uh ei susiete chanvo leh ei gukmang sakte chanvo le ahi.

ISAI 17:14 ပူးပေါင်းရင်းမြစ်များ

2 LENGTE 19:35

Tichun, zie zan chun, Lalpa vânsâwlchâk chu Asuria te giehmun achun a va chieh a, sepaih nuoi khat leh singgiet leh sangnga a that a. A zing, zingkal mataka a va thawh u chun, ngaitie, mi thi luong ngen cha ahi mai ta a!

THUCHINGTE 22:23

Lalpa’n a chungthuu chuh genpih intin, amau haw hinna susiete hinna chuh susie ding ahi.

EZEKIEL 39:10

Khutichun, gam lak thing puo puou un tin, gammâng thingte le phuk diek puo’n au, gâlvante chuh thing tih dingin mang ta ding a hi ngâl uh a. Amau susiete chuh susie thuk untin, amau suomte chuh suom thuk un au,” tih hi Lalpa Pathien kamsuok ahi.

JEREMIA 13:25

Ziehi na chanvo, nang a dinga ka hun guotsak chuh ahi. Nei hengilh a lepchieh na taksan ziekin tih hi Lalpa kamsuok ahi.

JEREMIA 2:3

Israel chuh Lalpa a ding a kawihchuom, a gah pung masa ahi. Amah ne zo te chuh thiemloh chang untin; a chung u ah sietna hung tung ina,” tih hi Lalpa kamsuok ahi.

ISAI 33:1

Ehe! nang suom tuokkhalo pi a, mi suoma pang, chitgil taka bawl tuokkhalo pi a, chitgil taka thilhih, na chung a gik hi! Mi suom na haih tieng leh suomna hun tuok in na tin, chitgil taka hih na haih tieng leh chitgil taka bawl in hung um inla.

SAM LEHKHABU THE PSALMS 37:36

Himahlele lampi ah ka va chieh a, chun, ngaitie, amah chuh ana um ta puoh a: Ahi, amah chuh ka hawla, himahlele muh theih ahi ta puoi.

JOB LEHKHABU THE BOOK OF JOB 20:29

Ziehi Pathien a pata mi nunsie chanvo ahi a, Go luoh ding, Pathien in amah a dinga a guot sak chuh ahi.

2 LENGTE 19:3

Chun, amau chun a kawmah, “Hezekia’n hiti hin a tii: ‘Tuni hi thuokgimna ni a hi a, gawt in ka um tau a, muhsit in ka um tau ahi! Numei nau nei dinga kisa a, himahleh, nau hinna dinga hatna neilo tawbang ka hi tau ui!

VAIHAWMTE 5:31

Khutibang chun, Aw Lalpa, na melmate chengcheng chuh mangthai vek u hen la, Amah hehpihte vang chuh hattak a chieh, nisa bang hi hitau hen,” ti’n la a sau a. Chun, gamsung chuh kum sawmli sung gâlmuong in a um tai.

ISAI 10:25

Chawmlo kalin ka hun gawtna chuh lipthâk in um ta’ntin, amau haw chuh sumangthai ing ka.

ISAI 29:5

Himahleh, na melmate hawpi chu vang, leivui nêl tak bangin um untin; mi kihchak-um, mipite chuh buhsi lengmang sekte bang hin um un au, ahi, zie chuh mitphetlohkal in hungtung phut ina.

ISAI 29:7

Tichun, Ariel hun do, nam chengcheng mipite, amah leh a kulh dote chengcheng leh amah sulungkham chengcheng mipite chuh, zan mang bang phetin leh zan a lunggel bang chauh in beimang un au.

ISAI 33:18

Gamdang mi sieh lakhawmte leh gam entha, na lauhte chengcheng kha malai chang zo ta’n au.

ISAI 34:17

Lalpa chun amah khut in a gam dinguh a hawp saka, a chan dinguh a pie chiet ta a. Kumlekhuo’n nei untin, suon um sung chengcheng in taka chun cheng un au.

ISAI 41:12

Na chunga sietna bawl guote chu hawl in na tin, himahleh, mu zo ta puo’n na tin; nang hun dote chuh bangmah lo suok un au.

JEREMIA 49:10

Himahleh, Esau chuh ngâwnchang in ka kawih ta a, a selguk haw le ka hâwk dawk saka; kisel thei ta puo’n a. A suonte chuh suksiet ahiu a, a suohpihte, a invengte haw tawh, khat chale a um ta puoi hi.

ISAI 21:12

Gâlvengpa chun, “Zingkal hi ding ahi tai, himahlele, zan hungtung kit ding ahi. Na dawt kit nawp u chun, hungkit unla, dâwng un,” ti’n.

ISAI 29:2

Ahih ziekin, Ariel chuh subuoi ding ka hi; Zie tak achun kahna leh mauna um intin, Jerusalem chuh keia dingin Ariel tawbang hung hi’n a.

ISAI 30:28

A hat git chuh luicha a kuong dima luong, ngâwng tieng chup a luong tawbang chuh ahi; namtinte chuh khen dawkna gawdal a sep in, mite’n a puihmang na dingun a kaihheina bulh ta’n au.

ZEKARIA 2:12

Chun, Lalpa chun gam thiengtho a a chanvo dingin Juda chuh gochan in chang intin, Jerusalem chuh hun tel ina.