ISAI 17:10 - PATHIEN LEKHABU THIENGTHO (BSI)

¹⁰ Israel Pathien, nang hun hukdawkpa leh, suongpi dettak guola nang hun vengbitpa chuh na hengilh ta a. A thasang in, gamdang pathien hona dingin huon thiengtho poh na kisiem zaw ta a.

ISAI 17:10 ပူးပေါင်းရင်းမြစ်များ

JEREMIA 2:32

Nungak in a kicheina haw a hengilh in, mo thak in a kithuomna a hengilh thei em? Ka mite’n vang ei hetngilh niu hi simsen ding guol ahi ta puoi.

ISAI 26:4

Lalpa chuh kumlekhuo’n muong un: Lalpa, Jehovah ahi a; kumsawt suongpi ahi.

DAN NIHNA 32:18

A hun hingtu Suongpi chuh na limsak puoi, A hun siempa Pathien chuh na hengilh tai.

SAM LEHKHABU THE PSALMS 106:21

Pathien a hukdampau chuh a hengilh tau a, Aigupta gama thil lopi tak tak hih pa chuh, A hukdampau Pathien chuh a hengilh tau a,

DAN NIHNA 32:4

“Amah suongpi chuh, a thilhih a phabukim; A umdan chengcheng a dik: Pathien ginum, adiklo hih lo, Thudik leh pha Amah ahi.

HOSEA 8:14

“Israel chun a Siempa a hengilh a, tichun, leng In haw a kisak a, chun, Juda chun khawpi kulh nei tampi a sa a; himahleh, a khawpite chung achun mei sawl ing ka ting, a leng inteu chuh mei in katum zo ina”. ti’n.

JEREMIA 17:13

Aw Lalpa, Israel te kinepna na hi a, nang hun taihsan taphawtte chuh muolpho in um un au. Nang hun kiheimangsan te chuh leivui laka min zik bang phetin mangthai un au, hinna tuinak, Lalpa chuh a taihsan ziekun.

JEREMIA 12:13

Buh a tuh u a, himahleh, ling a ât u a; a lawkna um sam lo in, a kisuchawl dik dek u a; Lalpa lungnatna lauh-um tak ziek chun, a thawhgah teu chuh zahchâkpih un au.

ISAI 51:13

Kei Lalpa hi nangmau hun siempa, vante zak palh a, lei kingakna phumpa chuh ka hi tih hengilh na hi tau em leh? Bangti dana nangmau hun nuoi sieh nuomte lungnat lau a um zing na hiu em?

ISAI 12:2

Ngaitie, Pathien chuh ka hukdamna ahi a, Amah taksang ing ka ting, lau puo’ng ka. Jehovah chuh ka hatna leh ka thilhih theihna ahi a, amah chuh ka hukdamna ahung hi tai, ti’n ahi.

SAM LEHKHABU THE PSALMS 106:13

Himahlele a thilhih haw chu a hengilh pai zieng u a; A lemguot chuh a ngak ngâp puou a:

SAM LEHKHABU THE PSALMS 85:4

Aw ka hukdamnau Pathien, kei uh ei tungding kitin, Ka chung u ah na lungnatna chuh kawih mang in.

DAN NIHNA 32:31

A Suongpiu chuh ei uh suongpi tawbang ahi puoh ngâla, I melmateu ngêi in le khutichun a ngai ngâl u a.

SAM LEHKHABU THE PSALMS 79:9

Aw ei hukdampa Pathien, na min lopina dingin kei uh ei panpih in; Na min ziekin kei uh ei humbit inla, ka gitloh na teu hi silngim in.

1 KHANGTHUBU 16:35

“Aw, ka hukdamnau Pathien! ei hukdam in la, Na min thiengtho pakcha ding leh, Na pahchak-umna chu suong dingin namtin lak apat chun ei puikhawm inla, ei hukdam in!” tiu in.

DAN NIHNA 32:15

Ahihziekin, Jeshurun te chuh a hung thau u a, ahi lawk lawk u a; Na hung thau a, na hung mûm a, na hung zawl ta a; Khutichun, a siempa Pathien chuh a nusieh ta a, A hukdamna suongpi chuh a ngaidau hi.

DAN NIHNA 28:30

“Zi ding huol in na tin un, mi dangin kuolpih in au; In sa’n na tin un, ahihziekin, a sung achun cheng puo’n lau; grep huon siem in na tin un, ahihziekin, a gah chuh ne puo’n lau.

DAN NIHNA 8:19

Chun, hiti hi hi’n tin, Lalpa na Pathien chuh na hetngilh u a, pathien dang haw na zuih u a, a nau na sep u a, na ho himhim u chun mangthai ngêi ngêi ding na hiu hi tih tuni hin ka hun hetsak na hiu hi.

DAN NIHNA 8:14

Na lunggil teu hung chapo in, Aigupta apat, suok a tânna gam apat hun puidawkpa, Lalpa na Pathien u chuh hengilh mai in lau;

DAN NIHNA 8:11

Tunia ka hun piek, a thupiek haw, a dân haw leh a thutanna haw hi zui lo in, Lalpa na Pathien u chuh hengilh kha’n lau, chingthei un;

DAN NIHNA 6:12

Chingthei takin um un, khutilochun, Aigupta suok apat hun puidawk Lalpa chuh hengilh zieng kha’n lau.

THIEMPUDANTE 26:20

Chun, na sep gimnau chuh phatchuomna bei hi’n tin, gam laka thing nasan inle gahsuoh diek ta puo’n au.

THIEMPUDANTE 26:16

ken le na chung u ah ziehi bawl ing ka, na chung u ah thil lauh-um tak, na hinnau sumuih hiei hiei leh na mit uh suhat lo hiei hiei, kum zawn natna leh khawsik dam theilo lênsak ing ka; chun, na thaichi teu chuh na chi’n thâwn maimai uh hi’n a, na melma teu chun ne zel ding ahiu hi.

ZEPHANIA 1:13

A thuomphuo teu chuh gukmang hung hi’n tin, a inteu chuh sie’n tin; ahi, inte sau intin, mahleh luoh diek puo’n au. Grep huonte bawl un tin, himahleh, uain chuh dâwn diek puo’n au.”

HABAKKUK 3:18

Lalpa achun kipâk zel ing ka ting ka hukdamna Pathien achun kipâk takin um zel ing ka.

AMOS 5:11

Zieziekchun, mi gimtheite tawhden in a buh teu na lâksak u a: suong kisêk in In haw na sau a, himahleh, a sung ah cheng puo’n lau; grep huon nuom takin na bawl u a, himahleh, uain vang dâwn puo’n lau.

HOSEA 4:6

Ka mite chuh hetna tâksap zieka sukmangthai ahiu a, hetna na deih loh ziekin ken le ka thiempu nasem dingin ka hun deih ta puoi. Na Pathien dân na hengilh viela, ken le na chate hengilh ing ka.

SAM LEHKHABU THE PSALMS 65:5

Aw ei hukdampa Pathien, Thil tizat um te’n kitûp takin ei dâwng un na tin; Nang kâwlmawng a mi cheng cheng leh, Tuipi chunga gamla taka umte kineppih na hi.

SAM LEHKHABU THE PSALMS 31:2

Kei lam ahin na na khang hun dawh inla; ei humbit in, Kei dingin suongpi dettak, ka kulhpi leh ka bitna na hi.

SAM LEHKHABU THE PSALMS 18:2

Ka Pathien, ka suongpi dettak ahi a, amah chuh ka kisêlna ahi. Ka phaw leh, ka hukdamna kileh ka insang ahii.

SAM LEHKHABU THE PSALMS 9:17

Minunsie te chun Sheol zuon un tin, Nam Pathien hetngilh te chengcheng chu tawh.

ISAI 17:9

Zie ni a hungtun tieng chuleh, khawpi dettakte chuh taihsan in um intin. Hiv mite leh Amor te’n Israel chate apat a a taihsiet lai u a, khawpi a nutsieh bang phet u khan, nutsieh in um ina.

ISAI 18:5

Grepte lakkhawm a hih ma leh, a paklunte a pulh zawh a, grep a min lun lai tak, chemcha hiem taka a bâk sât tan bangin, Ethiopia chuh melmate’n hun sumangthai un au.

ISAI 25:4

Mi chagah leh panpih beite dingin bitna kulhpi na hi a; a lungzînnau achun a bit u a; Guohpi huihpi lak a kiselnau na hi a, nisa nuoi a lîm uh na hi ngâl a. Mi gilote chun phalbi huihpi guolin a nam u a;

ISAI 30:29

Himahlele, nang haw, Pathien mite chuh, zan a kut thiengtho Kut guolin kipâk takin la sa’n lau. Israel humbitpa, Lalpa Ho-In a thil githeite leh châmngaite tawh chieh guolin kipâk un lau.

ISAI 33:2

Lalpa, ka chungu ah zahngai in, nang ka hun ngak zing ngâl u a; zingkal chenga ka bit nau hi’n la, buoina apat in ei hukdawk in.

ISAI 44:8

Ka mite haw, lau kiu in! Malai apat in tuni gei hin thil hungtung dingte ka genlawk puoh a ahim? Nang haw hi ei hetpihte na hiu hi tih na he ngâl uh a. Pathien dang a um himhim em? Ahi, Pathien dang himhim a um puoh a, khat chale a um lam ka he puoi,” ti’n.

ISAI 61:10

Lalpa achun nasa takin kipâk ing ka ting, ka lungthim le ka Pathien chung ah kipâk in a; amah chun hukdamna puon ei silh saka, diktatna puonâk chuol in ei thuom ta ngâla. moneipa chuh pakchavui a a kithuom a, mo chuh sana khite a a kichei bangin.

ISAI 62:11

Ngaitiem u, Lalpa chun kâwlmawng tiengin a phuong ta a; “Zion chanu kawm achun gen inla, Ngaitie, na hukdamna chuh ahung tung ta a, a kipahman chuh na kawmah a um a; na sepman ahun piek ding chuh a masang ah a um hi” ti’n.

JEREMIA 3:21

Tang sang chai velvul chung haw achun thawm a um a, Israel chate kah thawm leh thil nget thawm chuh. Lalpa Pathien a hengilh u a, a umdan uh a thanhuoi tâk ziekin.

EZEKIEL 23:35

Zieziekchun, Lalpa Pathien chun hitihin a tii: Nei hetngilh a nei nutsieh tâk ziekin, na hûkna leh na nawhchizawkna mawh chuh na puok ding ahi, ti’n.

JOEL 1:17

Thaichi haw chuh leinuoi gaw achun a muot mang zo ta a; Buh kawihkhâwm ding himhim a um ta puoh a, buh In hawmte chule phiet in a um tai!

EZEKIEL 22:12

Na sunga chun thisan suoh dingin gawlhgukna a lau a, a lawk leh a pung na la a, na invengte thil na pawng lak sak a, diklo takin na kisulawk a, kei nei hengilh ta ahi,” Lalpa Pathien chun a tii.