ISAI 16:6 - PATHIEN LEKHABU THIENGTHO (BSI)

⁶ Moab te chapona thu, a chapo mah mah ui tih ka na heu a; a pau hâmdâwk zieu leh a chapo zieu leh, a lungnat zieu thu chuh; a suohpih teu chuh bangmah ahi puou hi.

ISAI 16:6 ပူးပေါင်းရင်းမြစ်များ

AMOS 2:1

Lalpa chun hiti hin a tii, “Moab bawhsietna thum ziekin, ahi, li ziekin a gawtna chuh suhai puo’ng ka. Edom Lengte guhhaw chuh zahlo hielin a hâltum ngâl u a.

JEREMIA 48:42

Moab chuh suksiet in um intin, nam ting ta puo’n a; Lalpa dona a amah a kichawihsan ziekin.

JEREMIA 48:26

“Moab chuh zu dâwn kham sak un, Lalpa kalh in a kichawisang ngâla; chun, Moab chuh amah luok lak ah kibuol intin; nuihzatbuk a um ding ahi.

JEREMIA 50:36

Phunsân te chungah chemzâm chu’n tin, mingawl hung suok untin; a gâlhât teu chungah chemzâm chu’n tin, sukmangthai in um in au.

ISAI 44:25

Kei hi mi lepchieh te subuoi a, phunsân thiemte sungawl a; aksi apat a thil genlawkte bangmahlo chansak pa ka hi. Miching te thugen haw ka hih dika, a chitnau chuh ngawlna ahi tih ka latsak ta a.

ISAI 28:18

Zie tieng chuleh, thihna tawh na thugawlh u chuh bangmahlo hi’n tin, Sheol tawh na kihocham nau chule mattheih hita puo’n tin. Sietna tuilien a luon pai tieng chuleh zawhin um unlau.

ISAI 28:15

“Thihna kawmah thu na gawlh tau a, thihna khawvel tawh thu na tiem tau hi! Manthaina tui lien let chuh a luon pai tâk lele, keihaw tiengin hung luong puo’n a; lepchieh thute ka kihumbitna dingun ka mang u a, lepchieh nuoi ah ka kisel ta ngâl u a,” na tih ziekun.

ISAI 2:11

Zie ni chuleh mi kingaisangte chuh sukniem in um untin, mi chapote chuh tawh niemin um in au; Lalpa chauh chuh chawihsân in um ina.

1 PETER 5:5

Khutibang mah in, nanguh tanglak deuhte haw; upate kawmah kitulut un. A hii, na bawn uh a kizen tuoh chiet dingin, nuoilutchuhna’n kivan un; Pathien in mi husiete a do a, kingainiemte vang chuh lungsietna a pie sek hi.

THUCHINGTE 21:24

Mi chapo leh kilek chuh a min musit a hi a, chapo takin thil a hih sek hi.

ISAI 25:11

Tichun, tuizap te’n tuizap dinga a khut uh a zak guol un alak u ah theihtawp in khut zak zak untin, himahleh, Pathien in a chaponau chuh tawhden tho tho ding ahi.

ISAI 15:1

Zan khat thu’n Moab gama Ar khuo chuh suksiet in a um a, bangmahlo a siem in a um ta a, zan khat thu’n Moab gama Kir-khuo chuh suksiet in a um a, bangmahlo a siem in a um tai.

ISAI 25:10

Zie tâng ahin Lalpa khut chuh kinga’n tin, himahlele, Moab chuh kawkhuk a buhpawl chilgawp bangin tawh den in, chil gawp in a.

JEREMIA 48:14

“Pasal pha leh gâlhât mi ka hiu hi,” bangti dana ti na hiu hi?