ISAI 16:12 - PATHIEN LEKHABU THIENGTHO (BSI)

¹² Moab mite chuh tânga pathien ho ding leh, Ho-In a, paucham dinga chiehna’n a kisuchawl u a, himahlele, amau haw dingin phatchuomna bangmah um diek puo’n a.

ISAI 16:12 ပူးပေါင်းရင်းမြစ်များ

ISAI 15:2

Bajith leh Dibon a mite chuh a mun sang hawu a chuh kap dingin a chieh to tau a. Moab te chun Nebo leh Medaba chuh a kah khum u a, lungkham ziekin a luchang cheng teu leh, a khabemul cheng le a met vek tau hi.

JEREMIA 48:35

Moab gamsung a kithawih na gancha thilpiekte leh pathiente a dinga gimlim hâlte haw chuh, sukmangthai sak ding ka hi Lalpa’n a tii.

1 LENGTE 18:29

Chun, ni a hung kihei phet chun hiti hi ahi a, nitâk lam kithawih hun tiengin a sam a sam mai u a; himahlele aw gi mawng mawng a um ta puoh a, a dawng mawngmawng a um puoh a, a na ngaihsak mawngmawng le a um diek puoi.

KISIMNA 23:28

Tichun Balak chun Balaam chuh thalek vak sun Peor tângsip, phaicham kigalmuh na chun a puito a.

KISIMNA 23:14

Tichun Zophim lo mun, Pisgah tângsip ah a puito a, maichâm sagih a siem a, maichâm cheng achun bâwngchal khat leh belamchal khat zel a lân a.

KISIMNA 22:39

Tichun Balaam chuh Balak kawm achun a chieh ta a, Kirath-huzoth khawpi a tung u a.

JEREMIA 48:46

Aw Moab, na chung a gik hi! Khemos mite chuh a mangthai tau a, a ziek chuh, na chapateu sal in a tâng u a; na chanuteu suok a puih in a um tau hi.

JEREMIA 48:13

Israel inkuonte’n, a kimuonpih pên uh, Bethel a zahhuoipih bang u khan, Moab chun Kemosh chuh zahchâkpih ta’n au!

JEREMIA 48:7

“Na khut nasep leh, na sumlepai na suon ziekin, nang le mata um ding na hi. Kemosh chuh sala puih hi’n tin, a thiemputeu leh a milienteu tawh.

JEREMIA 10:5

Lo laia vacha lauhna ding a kisiem bang mai ahiu a, a pau thei puou a; a chieh chawn theih loh ziekun puok chawn a ngai sek ui. Amau chuh lau kiu inla, thilsie a bawl thei puou a, thilpha le a bawl thei diek puou hi.

ISAI 47:13

Thuhilhna na chuh na chimchâk a, thilhih theihna bei hi’n na tin; Aksi chanchin hete chuh hung u hen la, hun hukdam u hen! Aksi umdante zil a, vaulam thilte lehdawk a, tha tina thil hungtung dingte genlawk sekte gei chuh!

ISAI 37:38

Chun, a pathien, Nisrok a ho lai chun, a chapa Adramalek leh Sharezer te chun chemzâm in a sat lum u a, tichun, Ararat gam achun a taimang tau a. Tichun, a chapa, Esar-haddon chun, a thasang in vai a hawm ta a.

ISAI 26:16

Aw Lalpa, a lungdawn lai un a hun hawl u a, na mite chuh na thunun tieng leh na masang ah a paucham sek ui;

THUCHINGTE 1:28

Kei ei hun sam un na tin, himahlele hun dâwng puo’ng ka; gunchuh takin ei hawl un na tin, himahlele ei mu puo’n lau.

2 LENGTE 19:12

Nam pathiente chun ka pileputeu in Gozan khawpi te, Haran te, Rezeph te a hihsiet u a, Telassar a um Eden chate cheng a that u a, a pathienteu in khat chale a hukdawk thei puou ui.

2 LENGTE 3:27

Tichun, a chapa upapen, a thasanga hung vaihawm ding chuh, kulhsip a chun Moab pathien kawma hâlmanga kithawihna’n a mang ta a. Zie chu, Israel te chun a lau mah mah tau a, tichun khawpi chu a taihsan u a, a gam lam u ah a vaikit tau hi.

1 LENGTE 11:7

Khutichun Solomon chun Jerusalem suohlam tângah Moab te pathien kihdak-um tak Kemosh a ding leh, Amon suonte pathien kihdak-um tak Molek a dingin munsang a siem ta a.

KISIMNA 24:17

Ken amah chuh mu ding ka hi a, tuhin chuh hilo, ken amah chuh en ing ka ting, naicha vang hi puo’n a. Jakob apat Aksi khat hung pawt intin, Israel a kipatin Lal tieng hung ding dawk ina; Moab chalpâng khên intin, Seth suonte cheng khên pai ina.

KISIMNA 22:41

A zingkal kit chun, Balak chun Balaam chuh Bamoth-Baal munsang, Israel mipite a nai lam chauh muh phakna mun achun a puito ta a.

KISIMNA 21:28

Khatvei chuh zie Heshbon khawpi a hin, Sihon sepaihte chun mei guol mai in; Moab Ar khawpi chuh a susieu a, Arnon tâng sang te chuh a na susie zo tau hi.

ISAI 16:13

Zie chuh Moab chungchâng thu Lalpa’n tuma lama a gen sek kha ahi.