ISAI 16:11 - PATHIEN LEKHABU THIENGTHO (BSI)

¹¹ Zieziekchun, ka gilzang haw hi Moab lungsietna ziekin kingkang guolin a gi a; Kir-heres ziekin ka lungkham tai.

ISAI 16:11 ပူးပေါင်းရင်းမြစ်များ

ISAI 15:5

Moab te ziekin ka lungthim chuh a kiko a, a mi phateu chuh Zoar khuo leh Eglath Selisjah ah a tai u a. Khenkhat chuh Luhith lamto achun kap kawmin a chieh u a. Khenkhat chuh, Hoironaim lampi achun lungkham a kiko in a tai lut tau a.

PHILIPPI 2:1

Khutichun, Krista a na hinnau chun a suhat in, a lungsietna chun a hun thamuon sak na hiu hi. Thagau a kivawp khawm in, kilainat in na kilungsiet tuoh ngâl u a.

HOSEA 11:8

“Aw Ephraim, bangti’n ahim ka hun paih thak theih ding? Aw Israel, bangti’n ahim ka hun taihsan theih ding? Admah ka sukmangthai bang khan na chungah bangti’n a ka hih ding? Zeboiim bangin ka hun bawl thei dinga ahim? Ka sung ah ka lunggil a kilek a, ka lungsietnate chuh a kimut âm zaw ta a.

JEREMIA 48:36

“Zieziekchun, châmngai kimut bangin ka lunggil hi Moab a dingin a gi hieu hieu a, Kirheres mite a dingin ka lungthim hi thil tumgit bangin a gi a; amau haw’n phatchuomna a a neih uh a hauhsak na teu cheng a manthai sak tâk ziekun.

ISAI 63:15

Van apat khan hun en suk inla, na thienthona leh na lopina umna mun apat khan hun en tie! Kei uh nei ngaihtuohna nasatak leh na hatnate kha khawitaka um ahi ta’m? Na lungthima nei ngaihsakna leh na lainatna chuh kei u apat a lâkmang ahi tai!

JEREMIA 31:20

“Ephraim chuh ka chapa deihtak, ka cha ngaih-um tak a hih ziek ahim? Amah ka thunun chenga, ka lungthima a chen zing sek hih? Ka lunggil in a lainat sek a, a chungah zahngai tei ing ka, tih hi Lalpa kamsuok ahi.

JEREMIA 4:19

Ka lung a gim hi, ka lung a gim hi, ka lungchang tieng in a na a, ka sung ah ka lungthim a buoi zo ta a; ka um hiet hiet thei puoi. Aziek chuh, aw ka hinna, pengkun gi leh kidona heizam na zak ziekin.

ISAI 21:3

Zieziekchun, ka kawngte hi natna nasa takin a dima, numei nauhanat guolin natna’n ei man ta a; bil a khuo za theilo khawp in natna ka thuok a, khaw mu theilo khawp in ka lungzîng a.

JEREMIA 48:31

Zieziekchun, Moab a ding in ka thum in ka tau a. Ahi, Moab a dingin ka kap ka kap hi; ka lungthim in Kirheres ka sun zing hi.

SUNNA LA 1:20

Aw Lalpa, ka lungthim lungkham zie mai hi; Ka lunggil a buoi a, nasa takin ka na gilo ta a. Khawlai vela chun kituolthahna a um a; Kawtkhak sunglam nasan ah thihna atung hi.