ISAI 15:5 - PATHIEN LEKHABU THIENGTHO (BSI)

⁵ Moab te ziekin ka lungthim chuh a kiko a, a mi phateu chuh Zoar khuo leh Eglath Selisjah ah a tai u a. Khenkhat chuh Luhith lamto achun kap kawmin a chieh u a. Khenkhat chuh, Hoironaim lampi achun lungkham a kiko in a tai lut tau a.

ISAI 15:5 ပူးပေါင်းရင်းမြစ်များ

JEREMIA 48:5

Luhith zawt toh na mun achun kap kawm in a chieh to ui. Heronaim zawt sukna achun manthaina Aw gi chuh a kizai.

JEREMIA 4:20

Sietna chungah sietna a hung tung tai, gamsung chuh suksiet a hita a, ka puon-In te chuh thakhat a suksiet ahiu a, ka puonzak haw chule mitphetlohkal in suksiet ahi tai.

JEREMIA 17:16

Himahleh, aw Lalpa, a chunguh a thil phalo tun sak dingin ka hun sawl kha puoh ngâl a! A sietna dinguh ni le ka deih sak diek puoi tih le na hêi. Ka thugen haw le na he vek ngâl a.

JEREMIA 13:17

Himahleh, na ngaihthak loh u chun na chapona ziekun ka hinna hi a gûk in kap in a. Ka mitthitui nasatak in luong zing in tin; Lalpa belam hawn chuh sala puih ahih tâk ziek un.

JEREMIA 9:10

“Tang te chuh sun ing ka ting, gamthip a hampa phatna mun te ziek chun kap ing ka. Kuomah hawh loh dinga a siet tâk ziekin; gan hawn thawm kuoma’n za ta puou in tin; chung leng vacha leh gamsate le a taisieu a; a chieh mang tau hi,” ti’n.

ISAI 22:5

Kilâkna guom achun, Lalpa sepaihte Lalpa apat chun, buoina leh tawhden a umna ni leh, lungkhamna ni ahi ngâl a, kulhpi bang hihsietna leh, tâng te kawma panpih ngetna ni tunsak ding ahi.

ISAI 16:14

Tuhin chuh vang Lalpa’n “Kithalak kum sim dana sima, kum thum sungin Moab lopina chuh a mipi nasatakte pum in, muhsit-um takin umsak intin, a na umsun chule, tawmcha mai gen kham loh hi’nau,” ti’n a gen tai.

2 SAMUEL 15:30

Khutichun David chu olive tâng chieh tohna achun a kalto a, a chieh toh kawm chun a kap zel a; a luchang a khuh a, keng ngawnin a chieh a: a kawma um cheng chengte chun le a luchang uh a khuh u a, kap kawm zelin a chieh u a.

2 SAMUEL 15:23

Chun, David a nungzuite’n a nutsieh phet u chun mipite chu ngeih tak in a kap tau a, Leng chun Kidron lui chu a kân a, a mite chun a zui u a, a bawn u chun gamthip lam zuon chun a chieh tau a.

THILSIEMBUL 19:22

Kin inla, zie tak achun tai ah; zie tak chuh na tun ma cheng bangmah hih theilo ding ka hi ngâla, a ti a. Zieziekchun, zie khuo min ding chun Zoar a sa tau hi.

THILSIEMBUL 14:2

amau chun Sodom leng Bela chuh a do u a, Gomorra leng Birsha, Admah leng Shinab, Zeboiim leng Shemeber, leh Bela leng te chu le a do u a (Bela chuh Zoar ahi).

THILSIEMBUL 13:10

Tichun Lot chuh Zoar khuo lam nga’n a dâk dawk a, Jordan phaicham chengcheng chuh Lalpa huon tawbang, Aigupta gam bang khan gam hing diei duoi, tui tampi umna mun ahi tih a mu ta a Lalpa’n Sodom leh Gomorra khuo a suksiet masang khah ahi ngâla.

KISIMNA 21:29

Aw Moab na chung a gik hi, Kemosh mite haw, na kisazo puoi; A chapate chuh suok in a lut saka, a chanute le Amor lengte sal in tâng u hen,

ISAI 59:7

A kengteu chuh thil phalo lam zuonin a suon u a; kin takin gitlohna neilote thisan a suoh sek ui. A ngaihtuohnau chuh manlohna lungthim ahi seka; a lampiu achun chigapna leh sietna aum hi.

JEREMIA 4:19

Ka lung a gim hi, ka lung a gim hi, ka lungchang tieng in a na a, ka sung ah ka lungthim a buoi zo ta a; ka um hiet hiet thei puoi. Aziek chuh, aw ka hinna, pengkun gi leh kidona heizam na zak ziekin.

JEREMIA 48:3

Ngaitie, Horonaim apat a kiko thawm gi chuh, thil kisusie leh kisumang thawmgi chuh ahi!

JEREMIA 50:46

Babulon puksiet thawm gi chun lei kilîng intin, a kah thawm u chuh namte laka zak hi’n a.”