ISAI 15:3 - PATHIEN LEKHABU THIENGTHO (BSI)

³ A khawlai hawu achun kawlladip puon a silh u a, a In chunghawu leh, khawpi ning tin achun mitin chuh nasa taka kap in a kiko vuohvuoh u a.

ISAI 15:3 ပူးပေါင်းရင်းမြစ်များ

MATTHAI 11:21

“Korazin, na chung a gik hi! Bethsaida, na chung a gik hi! nang haw chunga thilmak kihih haw kha Tura leh Sidon khuo a hih hileh, saidippuon silh a, vut laka chu’n a lung uh hêi ta khawp puo’n au.

JEREMIA 19:13

Jerusalem in haw leh Juda lengte in haw chuleh a chunga van lam thilte kawma gimlim na hâlna chengcheng leh, pathien dangte kawma dâwn ding thillat sundawk sekna haw cheng chuh Topheth bang mai in sukbuok hi’n a,” ti’n.

ISAI 22:4

Zieziekchun, ei thahthau inla, ka mite thihna chunga chun thasie takin kap ing ka; ka mite haw chanu gâllâk a lak ahih thuu achun ei lungmuon guo se kiu in, ka ti a.

ISAI 22:1

Ziehi kilâkna guoma tunung thil kigen chuh ahi: Bang thil a hungtung a ahi ta’m? Bang zieka khawpi a mi chengcheng In chung a kalto na hiu hi?

ISAI 15:2

Bajith leh Dibon a mite chuh a mun sang hawu a chuh kap dingin a chieh to tau a. Moab te chun Nebo leh Medaba chuh a kah khum u a, lungkham ziekin a luchang cheng teu leh, a khabemul cheng le a met vek tau hi.

2 LENGTE 6:30

Chun, leng chun zie numei thugen chu a zak chun, lungkham in a puon a bawtthêk a, (kulhpi chunga vakviel lai ahi a) mipi kulh bâng naih a umte chun a puon nuoia kawlladip puon a silh chu a muu a.

2 SAMUEL 3:31

Chun, David chun Joab leh a kawma mipi um chengcheng te kawm achun, “Na puonhawu bawtthêk unla, kawlladip silh unla, Abner thih chu sun un,” a ti a. Chun, David chun thikuong chu a zui ta a.

DAN NIHNA 22:8

“In thak na sak tieng u leh, na In chung u apat mi kie lo a, na In u chuh thisan suohna In ahih lohna dingin na In chung u chuh na ûmkimvel dinguh ahi.

JAKOB 5:1

Tuhin, nanguh mineizote haw, ei na ngaithau in! Na chunguh a lunggimna a hungtun ding ziek hin, kap unla, pêng tuk tuk un!

1 SAMUEL 5:12

Chun, a thilo sun haw chuh âkngawn in a nau a; chun zie khawpi kahlemau git chun van a thawng hiel hi.

ISAI 3:24

Tichun, gimlim a mat sekteu sang chun thil uih um intin, kâwnggak thasang chun khauhuol um ta’n tin, chun, sam bawk phatak thasang chun thik âm a deh sietna um ta’n a.

JEREMIA 48:37

Luchang chengcheng a hietkawlh u a, kha-mul tin cheng met ahi a, khut cheng te chuh ât hi’n tin, a kâwng hawu ah kawlladip a kiveh zo tau hi.

SUNNA LA 2:10

Zion chanu upate chu tuol ah a chuu a; Saidippuon kisilh in a luchang u achun leivui a kibuok khum u a. Jerusalem ngâklakte chu tuol lam ah a kûn tha tau hi.

EZEKIEL 7:18

Kawlladip puon cheng intin un, lauhna’n amau chuh tuom intin, a mel u ah zahchâkna kilang intin, a luchang chengcheng u chuh kawlh vek ina.

AMOS 8:10

Na guolvaknateu chuh lungkhamna suoh sak ing ka ting, na la teu chuh kahna suok hen; kawlladip puon hun chen sak chiet ka ting, luchang met kawlh in, chapa neihsun sun a lungkham bang leh, a tawpna chuh khatna ni bangin siem ing ka,” ti’n.