ISAI 15:2 - PATHIEN LEKHABU THIENGTHO (BSI)

² Bajith leh Dibon a mite chuh a mun sang hawu a chuh kap dingin a chieh to tau a. Moab te chun Nebo leh Medaba chuh a kah khum u a, lungkham ziekin a luchang cheng teu leh, a khabemul cheng le a met vek tau hi.

ISAI 15:2 ပူးပေါင်းရင်းမြစ်များ

JEREMIA 48:1

Moab chung châng thu, Sepaihte Lalpa, Israel Pathien in hiti hin a tii; “Nebo chung a gik na e! Suksiet in a um ta ngâla, Kiriath chuh sukmuolpho in a um tai, mi’n a ki-lak tau a; Misgah chuh sukmuolpho in a um a, suksiet in a um tai.

THIEMPUDANTE 21:5

“Thiempute chun, lusûn etsakna dinga a luchang uh a met kawlh dinguh ei puoh a, a khabemul sik tuoh u le a met dinguh ahi diek puoi; a sapum u le a ât pawp dinguh ei puoi.

JEREMIA 48:18

Dibon chanu, na lopina apat hung kum inla, dangchâk in chutha suk in. Moab sumangpa a hung kalto a a, amah chun na kulhpi haw cheng a susie tai.

ISAI 3:24

Tichun, gimlim a mat sekteu sang chun thil uih um intin, kâwnggak thasang chun khauhuol um ta’n tin, chun, sam bawk phatak thasang chun thik âm a deh sietna um ta’n a.

DAN NIHNA 34:1

Chun, Mosi chuh Moab phai apat in Jerikoh gala Nebo tânga Pisgah tâng sip achun a chieh to a. Chun, Lalpa’n Gilead gam chengcheng, Dan tiengin a etsak a;

KISIMNA 21:30

Tuhin a suonteu chuh sukchimit in a um tau a, Heshbon apat Dibon tieng in, Medeba kawma, Nashim apat Nophah tieng hiel in,” ti’n a sau a.

EZEKIEL 7:18

Kawlladip puon cheng intin un, lauhna’n amau chuh tuom intin, a mel u ah zahchâkna kilang intin, a luchang chengcheng u chuh kawlh vek ina.

JEREMIA 48:31

Zieziekchun, Moab a ding in ka thum in ka tau a. Ahi, Moab a dingin ka kap ka kap hi; ka lungthim in Kirheres ka sun zing hi.

JEREMIA 47:5

Gaza a cheng te luchang a hung kawlh ta a, Ashkelon khuo le a hung mang ta a; a kieng vela cheng haw tawh; Bang chan ahim nang leh nang na ki-ât ding?

JEREMIA 7:29

“Na sam tan inla paihmang in, Aw Jerusalem, munsang haw achun kahla sa’n la, kap in; Lalpa’n a lungnat na chawktho suon te chuh a paih tha a, a nungngat san ta ngâla.

ISAI 22:12

Zie ni chun, Lalpa Sepaihte Lalpa chun kap ding leh âwm kichup ding leh, sam met muih a saidippuon silh dingin a hun sama.

ISAI 16:12

Moab mite chuh tânga pathien ho ding leh, Ho-In a, paucham dinga chiehna’n a kisuchawl u a, himahlele, amau haw dingin phatchuomna bangmah um diek puo’n a.

ISAI 16:7

Zieziekchun, Moab te chuh a thawkna ziekun kiko vawk vawk un tin, Kir-hares a an lim tak a nek sekteu chuh a hetdawk tieng u leh, kap un au.

ISAI 15:3

A khawlai hawu achun kawlladip puon a silh u a, a In chunghawu leh, khawpi ning tin achun mitin chuh nasa taka kap in a kiko vuohvuoh u a.

ISAI 14:31

Aw kawtkhak, pêng luoi luoi in, aw khawpi, kiko in, aw Philistia mite, na bawn un tuimang zo un; mâllam apat in meikhu a hung pawt ngâl a, a hun guotsau achun vaigei tih a um puoi.

JOB LEHKHABU THE BOOK OF JOB 1:20

Tichun, Job chuh a dingdawk a, a puon a bawtthêk a, a luchang a hietkawlh a, tuol ah a bawkkhup a, Pathien a ho a;

DAN NIHNA 14:1

Lalpa na Pathien uh chate na hiu a; mithi sûnna a na ki-ât keh dinguh ahi puoh a, na mit mul u le na met kawlh dinguh ahi puoi;

KISIMNA 32:38

Nebo, Baal-meon, (a min haw hi then ahi tai). Sibmah te a tungdawk kit u a; a khawpi siem teu chuh min thak dang a sau a.

KISIMNA 32:3

“Israel te Lalpa’n panpih a a luoh sak ding khawpi, Ataroth, Dibon, Jazer, Nimrah, Heshbon, Elealeh,

THIEMPUDANTE 13:40

Mi a sam a pulh zawh chun, lukawlh ahi a, a thienglo ahi diek puoi.

KISIMNA 21:28

Khatvei chuh zie Heshbon khawpi a hin, Sihon sepaihte chun mei guol mai in; Moab Ar khawpi chuh a susieu a, Arnon tâng sang te chuh a na susie zo tau hi.

2 SAMUEL 10:4

Ziephet chun Hanun chun David mi sawlte chu a man a, a khabemul uh langkhat a met sak chiet a, a silhlechen hawu chu a lai tak ah a tawbak uh supha phetin a tan sak a, a sawlmang ta a.

JEREMIA 3:21

Tang sang chai velvul chung haw achun thawm a um a, Israel chate kah thawm leh thil nget thawm chuh. Lalpa Pathien a hengilh u a, a umdan uh a thanhuoi tâk ziekin.

JEREMIA 47:2

Lalpa chun hiti hin a tii: “Ngaitiem u, mâllam a kipatin tui a hung lien a, a kuong haw achun tui hung luong let in tin; a gamsung chuh hung chup suok ding ahi, a sunga um chengcheng te tawh; khawpi leh a sunga cheng te leh mi haw chuh hung kap untin, gama mi haw chuh kap in pêng tuk tuk un au.

JEREMIA 48:35

Moab gamsung a kithawih na gancha thilpiekte leh pathiente a dinga gimlim hâlte haw chuh, sukmangthai sak ding ka hi Lalpa’n a tii.

EZEKIEL 27:31

Nang zieka kimet kawlh in, kawlladip puon cheng un au, Thasie kuong kuong a kap in, nasatak in hun sûn in au.

EZEKIEL 30:2

“Mihing chapa, genlawk inla, Lalpa Pathien chun hiti hin a tii: Kiu zak unla, Ehe, zie ni lâwm lâwm chu aw!

AMOS 8:10

Na guolvaknateu chuh lungkhamna suoh sak ing ka ting, na la teu chuh kahna suok hen; kawlladip puon hun chen sak chiet ka ting, luchang met kawlh in, chapa neihsun sun a lungkham bang leh, a tawpna chuh khatna ni bangin siem ing ka,” ti’n.

1 KHANGTHUBU 19:4

Khutichun, Hanun chun David mite chu a man a, a khabemul uh a met muih sak a, a silhlechenteu chu a tawbak kimkhat uh khuh pha hâm in a tan sak a, a sawl kit ta a, tichun, a kipandawk tau a.

JEREMIA 49:3

Aw Heshbon, hahpi’n kap inla, Ai chuh a susie zo ta ngâl u a; Rabbah chate haw kap un, saidippuon silh unla, kap unla, a dai sung haw achun taiviel un. Milkom chuh sala puih a um ding ahi ngâla, a thiempute leh a miliente tawh.