ISAI 14:4 - PATHIEN LEKHABU THIENGTHO (BSI)

⁴ Zie ênghona thu hi Babulon leng kiko khum in hun gen un tin, “Bangti dana leng gilo chuh a puk ta a! Bangti dân ahi, sana khawpi chuh a dai kei ta na e!

ISAI 14:4 ပူးပေါင်းရင်းမြစ်များ

ISAI 49:26

Nang haw hun bawl gimtheite chu amau leh amau kithah tuoh sak ka ting; lungnatna leh tuolthahna thisan chun uain guolin dâwn kham un au. Khutichun, Kei hi Lalpa, nang haw hun hukdawkpa leh, Jakob mihat chuh ka hi tih micheng in he ta’n au,” ti’n.

THUPHUON 18:20

“Vante haw, amahnu sietna ziek chun kipâk un! Mi Thiengthote leh, sawlchakte leh thiemgaute haw, kipâk un! Nang haw chunga a thilhihte ziek chun Pathien in amahnu chung achun a vaihawm thuk ta ngâl a!” ti’n.

THUPHUON 18:16

“Khawpi lopi tak, patngat puon silh leh, puonsandup leh puon san-au silh a, sana leh khi suongmantam leh, tuikawkchang a kivan nu chuh, a chung a gik ie! a gik ie!

THUPHUON 17:6

Zie numei chuh mi thiengthote thisan leh, Isu min zieka thaha umte thisana kham chun ka mu a. Ka muh phet chun mak ka sa mah mah mai a.

HABAKKUK 2:17

Lebanon chunga na hiemngam na chun hun khuhkhum in tin, a sunga gamsate na sukbeihna achun lînglau takin hun siem ina; mihing thisan na suoh ziek leh gamte, khawpite leh a sunga chêngte thagum a na bawl ziek in.

DANIEL 2:38

Zieziekchun, khawia le mihing chate umna taphawt ah gamsate, chung leng vachate, na khut ah a pie a, a bawn u a chunga vaihawm dingin a hun siem a. Sana luchang chuh nangmah ngêi hi na hi.

EZEKIEL 5:15

“Khutichun, lungna tak leh thangtawm taka, nasa taka hilhgaih a, na chunga vaihawmna ka tunsak tieng chuleh na kimvela nam haw mitmuh achun muhsit um leh kizawnhona, kivaulawkna leh thil tizat-um hung hi’n la. Kei, Lalpa hin ka gen ta hi.

SUNNA LA 4:1

Bangti dana sana chuh muol tha a, bangti dana sana thieng takte chu muoltha zo ahi ta! Mun thiengtho a suonghaw chu ning tin a thehzak in a um zo tai.

JEREMIA 24:9

Gimthei taka lei chung lalgam tina nawh viela um dingin leh, ka nawhmang na gam haw chenga gensiet ding leh, tehkalna leh, gaih leh hansie buok khum hi dingin pie’ng ka!

ISAI 51:23

Tichun, nangmah hun sugimtheite khut achun kawih ing ka; amau chun na hinna kawmah, ‘Na chung ka hawh theih na dingin tuol ah bawk ah,’ a tiu kha! tichun, nangin na chung hawhte kawm achun na nungzang chuh lei bang leh khawlai bang mai in na dawh kha” ti’n.

ISAI 47:5

Lalpa’n Babulon kawm achun, “Thipkei in thim lak ah chu’n la; namtin lengnu hun ti talo ding a hi ngâl u a!

ISAI 14:17

khawvel thalek banga siem a, a khuo umte hih mangthai a, a salmatte a In lam u a chieh kit dinga thahdawk khalo chuh,” ti’n na chanchin hun sut un au.

ISAI 14:6

Mitin, lungna kawma khen sek a, a mi matte châwl lo a sugimthei sek pa chuh.

ISAI 13:19

Chun, Babulon chuh khawpi laka hawihpen leh, a mipite kisuonpih ahi a, himahleh, Kei, Lalpa hin, Sodom leh Gomorra ka sukmangthai bang khan, sumangthai ding ka hi.

2 KHANGTHUBU 36:18

Chun, Babulon leng chun Ho-In chu a buluh a, Ho-In a sumte leh, leng leh a miliente go chengcheng leh thil dang cheng chu a la a, Babulon lam ah apuo mang vek ta a.

ISAI 9:4

A namkawlteu leh a gawtna mawlh uh a liengko u a kibat zing chuh na sukbawt sak ta a. Na mite sugimthei leh pawngbawl sek namte chuh, Midian sepaihte na zawh guol khan na zo ta a.

ISAI 13:1

Babulon khuo puokgik, Amoz chapa Isai in a muh chuh:

ISAI 14:5

Lalpa chun minunsie mawlh chuh a hih bawng tai; vaihawmte lengmawlh ngêi chuh;

ISAI 16:4

Na gam ah ei umsak inla, ei sumangthai dingte apat chun ei hukbit in, a tiu a. Kihawl vielna leh kisuksietna chuh hung tâwp intin, gam susiete le hung hai un au.

ISAI 51:13

Kei Lalpa hi nangmau hun siempa, vante zak palh a, lei kingakna phumpa chuh ka hi tih hengilh na hi tau em leh? Bangti dana nangmau hun nuoi sieh nuomte lungnat lau a um zing na hiu em?

ISAI 54:14

Diktatna a phuhdet hi’n na tin; Sukgimtheihna leh lauhna apat chun bit takin um in na tin; tizatna chuh gamla tak ah um ta’n tin, hun naih talo ding ahi.

ISAI 21:2

Kilâkna lungkham um tak ka kawma het sak ahi tai; lepchieh taka hihpa chun, lepchieh takin a hih a, hihsie sekte chun a hihsieu hi. Elam sepaihte chun a do u a! Media sepaihte chun khawpi chuh a sim tau a! Babulon te’n gimtheihna a bawlteu chengcheng chuh ka suhai vek tai.

JEREMIA 48:17

“Nanguh a kimvel a cheng te leh, amin he chengcheng te chun amah chuh sûn tau in, ‘Bangti a lal mawlh khauh tak leh lopi tak chuh thiek bawt a um a hi ta’m?’ tiu un.