ISAI 14:12 - PATHIEN LEKHABU THIENGTHO (BSI)

¹² Aw Lucifer, Zinglam chapa, Zingsawl Aksi, bangti dana van apat a kie tha na hi ta! Namtin supukpa bangti dana leia sat thak a um na hi ta’m?

ISAI 14:12 ပူးပေါင်းရင်းမြစ်များ

LUKE 10:18

Chun, amah chun a kawm u ah, “Kawlphe guola Setan van apat a hung kie kha ka mu apuo!

THUPHUON 8:10

Chun, vânsâwlchâk thumna chun a pengkun chuh a vak mût a. Tichun, aksi lienpi, meisel tawbanga kuong, van apat in a hung kie a; zie chun luipi leh tuinakte chuh a delh khum ta a.

THUPHUON 22:16

“Kei, Isu hin, sapchuom haw kawmah, zie thu hi hettuoksak dingin, na kawm u ah ka vânsâwlchâk chuh ka hun sawl ahi. David bulpi leh a suon, aksi vak tak chuh ka hi,” a ti a.

2 PETER 1:19

Zieziekchun, thiemgaute thu genlawk haw akhan muonna det zawsem ka neih uh ahi. Zie chuh, na lunggil uh a Zingsawl aksi a hung vak masang sieh in, khawvak ma a thaumei vak tawbang in zie thu chuh na lungthim uh salhvakna’n mang leu chin pha ding ahi.

ISAI 34:4

Nisate, thate leh aksite khu sukmang in um intin, van khu lehkhabu ziel bangin kiziel mang intin; a sunga um chengte chuh, grep nah kau a vuoi a, a pulh sek bangin leh, theipi gahhut a pulh sek bangin, vuoi zo untin, pulh vek un au.

THUPHUON 2:28

Chun, zingsawl aksi chule a kawm u ah pie ding ka hi.

2 PETER 2:4

Chun, Vânsâwlchâkte’n thil a sukkhelh lai uh khan, Pathien in a hâwi puoh a, gawtmun ah a paih lut vek a, a chungthuu chuh vainung leh tan sak dingin a sit a, kawkhuk thim ah a khum tai.

THUPHUON 9:1

Chun, vânsâwlchâk ngana chun a pengkun chuh a vak mût a, tichun, aksi, leia kie sa hi ka mu a, thampikuo-âwng chabi chuh a kawmah a pieu a.

JEREMIA 50:23

Khawvel pumpi sek chuh a phel a, a kek zak nasa na e! Namte lak ah Babulon chuh mi chen loh na a hung hi tai.

ISAI 13:10

Van aksite leh sihzuchote chun a vakuh suoh puou untin, nisa chuh a suokna ah sukthim in um intin, thapi’n le a vak chuh suoh diek puo’n a.

JEREMIA 51:53

Babulon chuh van dawt hiel in sang hen la, a kulhbang te chuh sudet mah leh; ka kawm apat in a chungah sietna hung tung tho tho ding ahi tih hi Lalpa kamsuok ahi.”

SUNNA LA 2:1

Bangti dana Lalpa lungnatna meipi chun Zion chanu a khuhkhum a? Israel hawihna chu van apat in lei ah a paih tha ta a. chuleh, A lungnat ni a a kengngakna hezing lo ahi tâm!

EZEKIEL 26:17

Chun, nang hun sûnna la phuok intin un, na kawmah: ‘Khawpi minthang, tuipi chunga hât, Tui laka khawsa mite chênna! Nang leh na sunga chêngte chengcheng, Na kimvela te’n a hun lauh maizen u tawh, Na hah siet na lâwm lâwm e.

OBADIA 1:4

Mupi bangin sang takin lengto in la, na bu chuh aksite laka sieh mahleh chin, zie apat chun hun luoi tha ding ka hi, Lalpa’n a tii.