ISAI 14:1 - PATHIEN LEKHABU THIENGTHO (BSI)

¹ Lalpa chun Jakob chuh lungsiet intin, Israel chuh tel in amau haw gam ngêi ah umsak ding ahi ngâl a. Amau haw gam ngêi ah chênsak kit intin, gamdang mite chuh a kawm u ah hung un tin, chêng khawm ta’n au.

ISAI 14:1 ပူးပေါင်းရင်းမြစ်များ

SAM LEHKHABU THE PSALMS 102:13

Tho in na tin, Zion tâng chuh lungsiet inla: Amah chuh lungsiet ahun ta ngâl a, a hunbi chu a tung tai.

ZEKARIA 1:17

Bangkim hihthei Lalpa chun hiti hin a tii: “Ka khawpite chuh hauhsakna’n hung lun kit in tin, Lalpa chun Zion chuh lungmuon kit intin, Jerusalem chuh tel kit ina, ti’n va kiko kit ah,” ti’n.

MALAKI 1:11

Ni suohna apat ni tumna tiengin Jentel te lak achun ka min chuh a lopi ngâla. Mun tin a a umnau chengah gimlimte ka kawma hâl in, kithawihna pawmtâkte a lân u a!

JEREMIA 50:33

Sepaihte Lalpa chun hiti hin a tii: “Israel chate leh Juda mite chengcheng chuh sukgim theih in a um gel tau hi, sala puite chun dettak in a tuu a, a pawtdawk sak nuom puou hi.

ISAI 49:13

Aw vante haw, kipaka lasa’n kiko unla, Aw leisiet lâwpin kiko un, tângte chun lasa dawk u hen la; Lalpa chun a mite a thamuon ta a, Gimtheihna thuokte chung achun zahngaihna latsak ding ahi ngâl a.

JEREMIA 29:14

Tichun, nang haw muhin um ing ka, Lalpa’n a tii. Na umdan uh theng ing ka ting, nam chengcheng laka ka hun thehzakna mun apat in hun puikhawm kit ing ka tih hi, Lalpa kamsuok ahi. Sala ka hun tânsakna apat ngêi khan hun puikit ing ka.”

ISAI 66:20

Tichun, Israel chate’n a thillat uh bel thiengtho a Lalpa masanga ahun chawihlut sek bangun, Lalpa kawma thillat dingin namtin apat in na suohpihteu chengcheng chuh sakawl kangtalaite leh kizawnna te, chun, sabiltung chung leh sangawngsau chung haw ah ka tâng Thiengtho Jerusalem achun hun pui un au, Lalpa’n a tii.

ISAI 49:7

Lalpa, Israel Tanpa leh Pathien Mi Thiengtho, a mite nasa taka muhsit a um leh, namte muhdah a umte vaihawm sakpa suok chun hiti hin a tii. “Lengte ‘n na pawt muu untin; ding dawk untin; miliente’n le hun hun chibai hun bûk un au,” ti’n.

ISAI 44:1

Himahleh, tuhin ka suok Jakob, ka mi telte Israel suonte haw ngaithau in!

ISAI 41:8

“Himahlele, nanguh Israel te, ka suok Jakob haw, ka mi tel, ka guolpa Abraham suonte na hiu a.

ISAI 27:6

Hun hungtung ding achun, Jakob chun zung kai untin; Israel chuh hung mûm in, a pak hung um un au. Tichun, lei chung hi gah in sudim un au.

SAM LEHKHABU THE PSALMS 143:12

Na zaidawhna chun ka melma haw chuh hih mangthai inla, Ka hinna hih lungkham haw chengcheng chu hih mangthai inla; Na sawntawlawi ka hi ngâla.

SAM LEHKHABU THE PSALMS 98:3

Israel inkuon te chunga a zaidawhna leh a muon um na a hezing zieng a: Kâwlmawng a micheng inle, ka Pathien uh hukdamna chuh a mu tau a.

ESTHER 8:17

Leng thupiek leh leng thu sukpuk tunna gambung leh khaw tin a lawpna leh kipâk taka guolvakna siem in, um nitna’n a mang tau hi. Tichun, zie gama mite laka tamtak chun Judate chuh a lauh tâk ziekun, Juda’n a kiminvawh tau hi.

LUKE 2:32

Jentel te salhvak ding vak leh, Na mi Israel te lopina ding chuh!” a ti a.

LUKE 1:54

Ei suonte kawma a thutiem chuh a vawp zing a, A suok, Israel te panpih dingin a hung ta a.

ISAI 41:9

Kâwlmawng tâwp apat in ka hun puikhawm a, gam tawppen apat in ka hun sam khawm a, na kawm u ah, ‘Ka suokte na hiu a.’ Ka hun nawlh puoh a, ka hun tel zawk na hiu ui.

ISAI 45:14

Lalpa chun Israel te kawmah, “Aigupta hauhsakna leh, Ethiopia hauhsakna chuh nang haw a hung hi’n tin; Sheba mi sangte chuh na suok un hung um untin, kawlbut pum in hun zui un au; na masang u ah bawkkhup in kiphuong untin, ‘Pathien in a hun umpih a, nanguh kawm chauh ah Pathien a um a, kuomah dang kawmah a um puoi,’ hun ti’n au.

ISAI 49:10

A gil uh kiel ta puo’n tin, a dang uh châk diek puo’n a; huihlum in a sugimthei in, nisa’n ka diek ta puo’n a, amau haw lungsietpa chun puihuoi intin; tichun, lui luong pang haw achun pui intin, tui nak nei mun haw achun pui ding ahi ngâla.

ISAI 49:15

Lalpa chun a dâwng a, “Numei in a cha nawichep lai chuh hengilh in, a sûla pieng a chapa chuh lainat lo in a hengilh thei dem? Amau chun vang hengilh thei maithei ahiu; himahleh, ken vang hun hengilh puo’ng ka.

ISAI 49:25

Lalpa chun a dâwng a, “Zie thil ngêi chuh ahi a hungtung ding chuh, Sepaihte’n suongkul a a khumteu chuh puihdawk in um un tin, migilo gâllâkte chuh mat in um ina. Nang hun dote chuh do ing ka ting, na chate chu hukdawk ing ka.

ISAI 54:3

Na gamgi ning tin chuh keklien in na tin; tichun, na suonte chun namdangte gam chuh hun luoh un tin, na mite chun gam chuh hun la kit ding ahiu a. Khawpi hawmsa nung chuh mipi a hung dim kit ding ahi.

ISAI 55:7

Migilo chun a umdan chuh haihsan hen la, mi diktatlo inle a ngaihtuohna chuh haihsan henla; Lalpa I Pathien kawm uh ah vaikit hen, tichun, amah chun lungsiet intin; a na ngaidam mah mah ding ahi ngâla.

ISAI 56:3

Chun, gamdang mi Lalpa mite tawh kizawmte chun, “Lalpa’n, a mite tawh ei khenchuom ina,” ti kihen la; Mikiget chun le, Entie, thing gaw tawbang ka hi, ti diek kihen.

ISAI 60:10

Chun, gamdang mite chun na kulhbang teu chuh lemto kit un tin; A lengteu in na nau sem un au. Ka lungnat in amau haw ka gawt a; himahleh, tuhin ka lungsietna leh ka deihsakna sulang ing ka.

ISAI 60:14

Chun, nanguh hun sugimthei sekte suonlepak haw chuh hung un intin; na masang u ah khupbawk un au. Tichun, a hun musitte chengcheng khan chibai hun bûk in na kêngpêk nuoi ah khun un au. Zie tieng chuleh nang chuh, “Lalpa khawpi Israel Pathien Thiengtho khawpi, Zion” hun ti’n au.

EZEKIEL 47:22

Chun, hiti hi hi’n tin, na gam chan ding u leh na lak u a nam dang cheng, zi le cha neisate gam chan ding chuh na hawp dinguh ahi. Amau haw chule, Israel cha a piengte banga a um dinguh ahi a, Israel chate lak ah, nangmau haw bang mah a chan a neih dinguh ahi.

SAM LEHKHABU THE PSALMS 102:14

Na suokte’n a suongte chu a ngainau in, A leivui le a lungsiet u a.

ISAI 19:18

A hun, a hungtun phat chuleh, Aigupta gama khawpi nga achun Hebrai pau kimang ina. Zie a mite chun, Sepaihte Lalpa min in kitiemna nei un tin, khawpite laka khat chuh, “Sietna Khawpi” ti a het hi’n a.

ISAI 21:1

Ziehi Babulon chungchâng thu a thuchah chuh ahi: Simlam a chinpei a chiehpai bangin, gamgaw apat in, nam lauh-um tak apat chun a hung hi.

ISAI 47:1

“Aw Babulon chanu, nungak thiengtho, na lalchutphah apat chun hung kum tha’n la, leivui lak ah chu tha’n, Kaldai chanu! tuhin chuh, tino leh deihum hi talo ding na hi ngâla! Tuhin suok in na um zaw tai.

JEREMIA 16:15

Himahleh, “Mâllam leh a delh zakna gam cheng apat Israel chate puidawkpa Lalpa a hin sung chuh,” tih hizaw ta’n a. A pileputeu kawma ka piek, amau haw gam ngêi achun puikit ding ka hi ngâl a.

JEREMIA 30:8

Sepaihte Lalpa chun hiti hin a tii: “Zie ni chuh a hung tun tieng leh, a ngâwng uh a namkawl chuh subawng ing ka ting, a kawlbuhteu chuh phel sak ing ka ting; tichun, gamdang mite suok in um ta puo’n au.

JEREMIA 31:4

Hun tung ding thak kit ing ka ting, tichun, tundin a um ding na hi. Aw Israel, nungak thiengtho khuong neu haw chun kivan kit in na tin lawp a lâmna mun haw achun tel inla!

JEREMIA 51:51

“Gensiet na thu ka zak ziekun ka zakchau a, zahchâkna’n ka mai uh a khuh zo tai; Lalpa in a mun thiengtho achun gamdang mi a hunglut ta ngâl u a.

EZEKIEL 16:60

Ahihziekin na khangdawng laia thuthun ka hun neih pih chuh hezing ing ka ting, na kawmah kumkhaw thuthun siem ing ka.