ISAI 13:9 - PATHIEN LEKHABU THIENGTHO (BSI)

⁹ Ngaitie, gam hih mangthai ding leh, zie migilote chuh a sung apat a hih mangthai dingin, Lalpa ni chuh lungnatna leh thangtawmna nasatak tawh hungtung ding ahi.

ISAI 13:9 ပူးပေါင်းရင်းမြစ်များ

MALAKI 4:1

Ngaitiem u, ni chuh hungtung ding ahi, “Mi kiletsakte leh mi gilote chengcheng buhpawl banga a kâktum ni hungtung ding ahi tai! Zie ni chuleh, katum vek in tin a zung leh a bâkte le sit hiel puo’n a, Bangkim hihthei Lalpa chun a tii.

NAHUM 1:6

A lungnat tieng leh kuo a ding zo ding? A lungnatna nasa tak chuh kuo a thuok zo ding? A lungnatna mei chuh a thahdawk a, Suongpite chuh A masanga chun a phel zo tai.

ISAI 13:6

Mau vungvung un, Lalpa ni chuh a nai ta ngâl a! Bangkim hihthei apat a hih sietna hungtung ding ahi.

NAHUM 1:2

Lalpa chuh thikthusie Pathien leh phuba la Pathien ahi. Lalpa chun phuba a la a, lungnatna a dim ahi. Lalpa’n a melmate chungah phuba la’n tin, chun, a melmate dingin lungnatna a khawlkhawm hi.

SAM LEHKHABU THE PSALMS 104:35

Migilo haw chuh lei apat in sukmang in um u hen la, Minunsiete chuh um ta kiu hen. Aw ka hinna, Lalpa chuh pakcha’n. Lalpa chuh pakchau un.

THUCHINGTE 2:22

Amahvang chuh minunsiete chuh leichung a kipatin lakdawk hiu intin, migukhah te chuh a zung puma bawhdawk in um in au.

THUPHUON 18:8

Zieziekchun, ni khat thu’n natna te, gawtna, thihleman, thûmlemauna te leh kiellechâkte chun hun pha phut ina. Khutichun, mei in kangtum ina, Lalpa Pathien, a chunga vaihawmpa chuh a hât ngâl a.”

ISAI 9:19

Sepaihte Lalpa chuh a lungnat ziekin gam chuh a kâng sie a, mihaw chule meia tih ding thing tawbang ahiu a; kuoma’n amah suohpihte a hâwi puou hi.

EZEKIEL 13:5

Lalpa ni a galdo a a din detna dingun bâng chipna lai tak achun na va chieh puou a, Israel insung mite dingin bâng chuh na siempha puou hi.

JOEL 1:15

Zie ni chuh a chung agik hi! Lalpa ni chuh a nai ta ngâl a; Bangakai hihtheipa apat sukmangthaina chuh a hungtung ina. Zie ni chuh bang tienga tizat um ahi ta dem!

JOEL 2:31

Nisa chuh hung thim intin, tha thisan hungsuok intin; Lalpa ni lopi tak leh minthang tak chuh a hungtun ma’n.

NAHUM 1:8

Himahleh, tui kinawk nasa tak guolin, a melmate chuh a sumangthai vek a; Amah dodal taphawtte chuh thimna’n a delhzui sek hi.

ZEKARIA 14:1

Ngaiun, Lalpa ni chuh hungtung ding ahi tai! Zie ni chuleh, Jerusalem chu gâllâk a chawmgam in um intin, gâllâkte chuh, na mitmuh ngêi u a hawp zak in um ina!

ISAI 2:12

Sepaihte Lalpa chun mi chapote, kingaisangte leh mite chunga kikawih sang te chengcheng do na ding ni a guot tai.

ISAI 34:8

Zie chuh Lalpa’n, Zion hukdawk a, a melmate chunga phuba a lâkna ni chuh hi ding ahi.

ISAI 63:4

Phulak ni chuh ka lunggil ahin ka guot ta a, hukdawkna na ka sep na ding kum chuh a hungtung tai!

ISAI 66:17

Huon haw a kithawi dinga amah leh amah kisuthieng leh kithiensak a kizui dup dupte leh, vawksa leh thil kihdak-um te, santhim sa nete chuh mangthai khawm ding ahiu hi, Lalpa’n a tii.

EZEKIEL 30:3

Ni chuh a nai ta ie, Lalpa ni chuh a nai ta ie, Meipi zin ni, Jentel te sietna ding ni chuh.

JOEL 2:1

Zion achun pengkun mût unla; Pathien tâng thiengtho achun kigalginna thu phuong un. Juda mipite haw, kithingsieu in; Lalpa ni chuh hung tung pai ding ahi ta ngâl a; ahun a nai tai!

ZEPHANIA 1:15

Zie ni chuh lungnatna ni hi’n tin, lungkhamna leh gimtheihna ni, sietna leh hawm na ni, thimna leh khawnîm ni, mei leh thim sah tak ni hi’n a.