ISAI 13:6 - PATHIEN LEKHABU THIENGTHO (BSI)

⁶ Mau vungvung un, Lalpa ni chuh a nai ta ngâl a! Bangkim hihthei apat a hih sietna hungtung ding ahi.

ISAI 13:6 ပူးပေါင်းရင်းမြစ်များ

JOEL 1:15

Zie ni chuh a chung agik hi! Lalpa ni chuh a nai ta ngâl a; Bangakai hihtheipa apat sukmangthaina chuh a hungtung ina. Zie ni chuh bang tienga tizat um ahi ta dem!

ZEPHANIA 1:7

Lalpa ni chuh a nai ta a, Pathien in a nasep ding a hun sepna ding ngêi chuh: zieziekchun, a masang achun thip kêi in um un!

AMOS 5:18

Lalpa ni utchate haw, na chung uh a gik hi! Bangati a, Lalpa ni utcha? vak hilo in thim ahi zaw ngâl a.

ISAI 13:9

Ngaitie, gam hih mangthai ding leh, zie migilote chuh a sung apat a hih mangthai dingin, Lalpa ni chuh lungnatna leh thangtawmna nasatak tawh hungtung ding ahi.

THUPHUON 18:10

“Babulon khuo lopi, khuo det chuh a chung a gik ie! a gik ie! Dâkkâl khat sungin na chungah vaihawmna chuh a hungtung ta ngâl in,” ti’n, a sukgim lauh zieka gamla taka dingin. kahcham kawmin, a âwm uh kichup un au.

JOEL 2:11

Chun, Lalpa chuh a sepaih hawnte thupie’n a kiko a, A sepaih, a thu zawpte chuh a tam u a, a hât u ahi. Lalpa ni chuh a lopi a, a lauh-um mah mah ngâl a; Kuo ahim a thuok thei ding?

JEREMIA 51:8

Babulon chuh thakhat in a puk a, a mangthai ta a; amah chuh hah kah in kah un. Sukdam theih ding a hih chun, thingnai damdawi nuh thawh chi lak sak un.

ISAI 34:8

Zie chuh Lalpa’n, Zion hukdawk a, a melmate chunga phuba a lâkna ni chuh hi ding ahi.

ISAI 2:12

Sepaihte Lalpa chun mi chapote, kingaisangte leh mite chunga kikawih sang te chengcheng do na ding ni a guot tai.

JAKOB 5:1

Tuhin, nanguh mineizote haw, ei na ngaithau in! Na chunguh a lunggimna a hungtun ding ziek hin, kap unla, pêng tuk tuk un!

MALAKI 4:5

“Ngaitiem u, Lalpa ni lopi tak leh lauh-um tak chuh a hungtun masang in, thiemgau Elijah chuh na kawm u ah hun sawl ing ka.

ZEPHANIA 1:14

Lalpa ni lopitak chuh a nai tai! a nai ta a, hungtung vak ding ahi! Lungkhamna ni hi’n tin, zie tak a chun, mi hangsan pên chule lungdawng in mau vungvung ina.

JOEL 2:31

Nisa chuh hung thim intin, tha thisan hungsuok intin; Lalpa ni lopi tak leh minthang tak chuh a hungtun ma’n.

JOEL 1:13

Nang haw thiempute haw, kawlladip puon cheng unla kap un! Pathien Ho-In achun chieh unla, zan khuo vakin sûn un; Na Pathien u In apat chun changbuong lat leh dâwn ding lat chuh khap ahi ta ngâla!

JOEL 1:5

Zukhamte haw, halh unla, kap un; Uain dâwn cheng chengte haw, uain kham in kiko vawk vawk un! na kam uh apat lak mang in a um ta ngâl a.

ISAI 14:31

Aw kawtkhak, pêng luoi luoi in, aw khawpi, kiko in, aw Philistia mite, na bawn un tuimang zo un; mâllam apat in meikhu a hung pawt ngâl a, a hun guotsau achun vaigei tih a um puoi.

JOB LEHKHABU THE BOOK OF JOB 31:23

Pathien a pata vangsietna chuh ka lauh lam tak ahi ngâl a, Amah lopina chuh mu tâk ka hi puoh ngâl a.

JOEL 1:11

Aw nanguh, lonei mite haw, kap un; aw nanguh grep gui enkawlte haw, buh leh buhmanpawlte ziek chun kiko vawk vawk un la; lo a buh ât ding chuh a bei ta ngâl a!

EZEKIEL 21:12

Mihing chapa, kiko inla, pengzâk in; Ka mite chunga mat ding ahi ngâla, Israel hotute chunga le. Ka mite chunga tung ding, lauhna leh chemzâm, Zieziekchun, na malpi bêng mai in.

JEREMIA 49:3

Aw Heshbon, hahpi’n kap inla, Ai chuh a susie zo ta ngâl u a; Rabbah chate haw kap un, saidippuon silh unla, kap unla, a dai sung haw achun taiviel un. Milkom chuh sala puih a um ding ahi ngâla, a thiempute leh a miliente tawh.

ISAI 65:14

Ngaitiem u, ka suokte chun lungthima kipah ziekin lawp takin la sau un tin, nang haw vang chuh lunggil a na lungkham ziekun kap un na tin; thagau a na lungkham ziekun khuoisa vungvung un lau.

ISAI 52:5

Zieziekchun,Lalpa chun zie thu ahin bang ka gen ta die, ka mite chuh aziek beia puihmang ahiu a; a vaihawm teu chula a khuoisa-akhuoisa zieng u a; sun ni tum in ka min chuh a musit u a.

ISAI 23:1

Tura chung a tunung a thil hungtung ding chuh ziehi ahi: Tarshis lawngpute haw, lungkham in kiko un; Tura a na lawng chawlhna mun teu chuh a hawm in a um ta a; a inte leh a lawng chawlhna munte chuh a sie zo tai! Kupra apat a na lawng uh a hungkit phetin, zie thu chuh na za tau a.

JEREMIA 25:34

“Nanguh belampute haw pêng tuntun unla, kap un! nang haw, gan guol enkawlte haw, vut lak ah kibuol un! Thah a na um niu leh, thehzak a na um niu a hih ziekin, belamchal deihum tak bangin puk ding na hiu hi!

ISAI 10:3

Gawtna ni achun bang na hih in gamla tak apat a huihpi a hung nun tieng kuo bel ding na hi? Panpihna mu dingin khawilam ah na tai ta die? Na hauhsaknate chuh khawitak ah na selgu ta die?

ISAI 10:25

Chawmlo kalin ka hun gawtna chuh lipthâk in um ta’ntin, amau haw chuh sumangthai ing ka.

ISAI 14:23

“Sakuhte chênna dingin siem ka ting, tui kitin khawmna dingin siem ing ka, sukmangthaina munphieh in phiet ing ka,” Sepaihte Lalpa chun a tii.

ISAI 34:2

Lalpa chun nam tinte chung leh, a sepaihte cheng chung achun lungnatna a nei ngâl a. Amau haw chuh a sumangthai vek a, thah dingin a pie ta a.

ISAI 47:11

Khutichun, thil phalo na chungah hungtung intin, na dawi thilhih theihna chun dal thei puo’n a. Hatkhat in na chungah sietna hungtung intin; sietna na hêtkhâk loh chuh hungtung phut ina.

ISAI 61:2

Lalpa lungkim kum thu phuong ding leh I Pathien uh phulakna ni a tung tai tih gen ding leh lusûnte thamuon ding leh,

EZEKIEL 13:5

Lalpa ni a galdo a a din detna dingun bâng chipna lai tak achun na va chieh puou a, Israel insung mite dingin bâng chuh na siempha puou hi.

DANIEL 5:9

Ziephet chun leng Belshazar chuh a lungkham mah mah ta a, a mel chuh a duptha zieng ta a, a mipilte chuh le a lungzîng tau a.

DANIEL 5:26

Ziehi a hilhchetna chuh ahi: MENE: Pathien in na lalgam nite chuh a sim zo ta a, a tâwp a tung tai.

ZEKARIA 14:1

Ngaiun, Lalpa ni chuh hungtung ding ahi tai! Zie ni chuleh, Jerusalem chu gâllâk a chawmgam in um intin, gâllâkte chuh, na mitmuh ngêi u a hawp zak in um ina!

ISAI 63:4

Phulak ni chuh ka lunggil ahin ka guot ta a, hukdawkna na ka sep na ding kum chuh a hungtung tai!

JOEL 2:1

Zion achun pengkun mût unla; Pathien tâng thiengtho achun kigalginna thu phuong un. Juda mipite haw, kithingsieu in; Lalpa ni chuh hung tung pai ding ahi ta ngâl a; ahun a nai tai!