ISAI 13:22 - PATHIEN LEKHABU THIENGTHO (BSI)

²² A insangteu leh leng In teu sung chuh si-âl leh ngei hâm chun thawng gi zung zung ina. Babulon gawtna hun a hungtung ta a, A nite chuh a tâwp ding kuon ahi ta ngâl a”.

ISAI 13:22 ပူးပေါင်းရင်းမြစ်များ

JEREMIA 51:33

Sepaihte Lalpa, Israel Pathien chun hiti hin a tii: Babulon chanu chuh buhchil na phuol tawbang hi’n tin, chawmlo kalin buhchil hun a chunga hung tung ding ahi.

ISAI 35:7

Tichun, pîlnel satak mun chuh dîl hung suok intin; gamgaw munte chuh tuinak in dim ta’n tin; Si-âlte chênna, a kuol nau achun hampa, phailuong kung leh pumpengte kek dim ta’n a.

ISAI 25:2

Khawpite chuh leisai kawih vum maimai na suoh saka; kulhpi nei khuo le khuo sie nung na suok sak veka; gamdang mite leng In le bangmah lo na suok saka, bangmah tika sakkit hita puo’n a.

2 PETER 2:3

Chun, sumduh ziekin, lepchieh thu’n sumkawlveina’n hun mang un tin; himahlele, masang apat a a chungthuu tanna ding chuh guot zawhsa ahi ta a, amau haw hihsie ding pa chu le a ipmu diek puoi!

HABAKKUK 2:3

Zie kilâkna chuh hun guot sung a ding chauh ahih ziekin, a tâwp chuh tung pai ding ahi a, thâwn puo’n a. Chanchûm tak guolin kilang mahleh, ngak in, hungtung ngêi ngêi ding ahi a, sawt hal ta puo’n a.

ISAI 34:13

Chun, a leng In teu achun hamlingneite kek intin, a kulhpiu sunghaw achun thakhai leh lingte kek dim intin; si-âlte leh simbute a sunga chun cheng un au.

DAN NIHNA 32:35

Phubalak leh ditthuk chuh Kei hih ding ahi; a kalbiu ateu tieng leh, A sietna ding niu chuh a nai tai, Thil hung tung ding haw chuh a chung u ah tung pai ta’n a.

SAM LEHKHABU THE PSALMS 44:19

Nangin Si-âl haw umna ah nei sawisa ek a, Thihna lima nei khuh na dingin.

ISAI 32:14

Leng In chuh taihsan a um in, mipi a dim sek khawpi ngêi chu nutsieh ahi ta a, In lopi tak tak leh a gâlven bûkte chu gamsate chênna mun hung hi’n tin; gam sabiltung leh belam hawnte chuh muong takin ta ta’n au.

ISAI 43:20

Ka mi, ka telte ei pahchaknau sulang dinga kei dinga ka mi siemte chuh tui dâwn ding ka piek theih na dingin thaleka tuite ka um saka.

JEREMIA 9:11

“Chun, Jerusalem chuh thilsie kawihkhâwm bang mai in siem ing ka ting; si-âlte chênna mun hi’n a. Juda khawpite chuh luoh loh in suhawm ing ka,” a ti a.

JEREMIA 48:16

Moab sietna chuh hung tung ding ahi ta a, a thawkna ding ni chuh a nai tai.

SUNNA LA 4:3

Si-âlte’n bawn a noteu a nawi uh a chep sak u a, a noteu a vak u a; Himahleh, ka mite chanute chu thalek a vacha lien chi bang mai in, a ningkhel zo tau hi.

MIKA 1:8

“Zieziek hin kap ing ka ting, kiko vuohvuoh ing ka ting, keng ngawnin leh sangawn in um ing ka: si-âlte bangin kiko ka ting, ostrich vacha bangin mau ing ka!

ISAI 14:23

“Sakuhte chênna dingin siem ka ting, tui kitin khawmna dingin siem ing ka, sukmangthaina munphieh in phiet ing ka,” Sepaihte Lalpa chun a tii.

ISAI 34:14

Chun, gamthip a gamsate chuh si-âlte tawh kituok untin, sakelte chuh kisam tuoh det dut untin, ahi, zan thil lauh-um te chuh chawlhna ding hawl in hung untin, kichawldam tan au.

ZEPHANIA 2:14

Tichun, a sung achun gan hawnte leh ganhing chi tinte giek un tin, Simbute chuh thilsie lak achun cheng un tin, a tukvan haw achun hâm un au! Chun, vangawngsau leh sakuh te chuh a pindan chungnung ah giek un tin, Sidar thinga In kisa haw chuh suksiet hiding ahi ngâl a.