ISAI 13:2 - PATHIEN LEKHABU THIENGTHO (BSI)

² Miliente kawtkhak haw a chuh a lut theihna dingun, tâng kawlh vel vul achun melchikna takdawk unla, ngeih tak in amau haw chuh sam unla, khut in hui un.

ISAI 13:2 ပူးပေါင်းရင်းမြစ်များ

JEREMIA 51:58

Sepaihte Lalpa chun hiti hin a tii: Babulon kulh bâng sah tak te chuh chim vek intin, a kawtpi sang tak te chuh mei in ka-tum vek ina; a mite chun a thâwn in a sem u a, namte chuh mei a hâl ding maia kisuchawl ana hiu ui.” ti’n.

ISAI 5:26

Gamla taka namte a dingin melchikna takdawk intin, kâwl mawng tawpa umte chuh saisilit in sam in tin. Tichun, ngaitie, amau haw chuh chan-gang tak leh hât takin hung khawm un au.

JEREMIA 50:2

“Nam tin lak achun gen un la, phuong un! puonlap khâi unla, phuong unla, îm kiu in. Babulon chuh lak a hi tai! Bel chuh a zahhuoi ta a, Merodak chuh a taisie, a milim pathiente chuh a zahhuoi ta a, a sie zo tai!”

JEREMIA 51:25

Ngaitiem u, lei chung pumpi susie, Aw susiepa tâng lien ka hun do na hi tih hi Lalpa kamsuok ahi. Na chungah ka khut tha’ng ka ting, kâwl lêk sang apat in hun lik tha ding ka hi; tâng katum sa’n hun siem ing ka.

ISAI 10:32

Tuni ngêi hin Nob khawpi ah melmate a um u a; Zion tâng, Jerusalem tângvum chuh khut a thin khum u a.

ISAI 18:3

Khawvela um chengcheng leh, lei chung luohte haw, tâng hawa melchikna a takdawk tieng u leh en un; pengkun a mût tieng u leh ngaithau un.

ISAI 11:15

Tichun, Lalpa chun Aigupta Tuisuohgiet ningkawite chuh hihsie vek intin; Euphrates luipi chule a huih lum peppup chun hih kang ina. Luicha sagih suoh theih khawp in zêp intin, mite chuh kêngpêk le chek lo in chieh kaih sak ina.

ISAI 11:12

Chun, nam tina dingin melchikna tâk dawk intin, Israel nawhdawka um haw chuh puikhawm intin; Juda tai zakte chule kâwlmawng li apat chun puikhawm ina.

SAM LEHKHABU THE PSALMS 60:4

Nang hun kihchate chuh puonzak na zak saka, Thutak ahih zieka zak a hih theih na dingin. Selah

ISAI 19:16

Zie ni chuleh, Aigupta te chuh, numei tawbanga dawilawk hiu un tin, Sepaihte Lalpa khut chuh amau haw gawt dinga, a chung u a a tun ziekin, lau in kilîng un au.

ISAI 31:9

Chun, a kulhpiu chuh lau in taimang intin; a milienteu chuh tiemtehna ziekin lungzîng tan au,” ti’n, Lalpa’n a mei Zion a um leh a hâltuina mei Jerusalem a um chun a tii.

JEREMIA 50:41

“Ngaitiem u, mâllam apat in mi a hung ui. Lei mawng tâwp apat in nam lopi tak leh leng tamtak a hung pawt ui.

JEREMIA 51:12

Babulon khawpi do na’n puonzak tâk dawk un la, gâlven na hih hat un, gâl veng ding kawih un; lambut na ding siem unla; Babulon chungchâng thu a Lalpa’n a gen kha a ngaihtuoh a, a hih zo ta ngâla.