ISAI 13:19 - PATHIEN LEKHABU THIENGTHO (BSI)

¹⁹ Chun, Babulon chuh khawpi laka hawihpen leh, a mipite kisuonpih ahi a, himahleh, Kei, Lalpa hin, Sodom leh Gomorra ka sukmangthai bang khan, sumangthai ding ka hi.

ISAI 13:19 ပူးပေါင်းရင်းမြစ်များ

DANIEL 4:30

a mah chun, “Zie Babulon khuo lopi tak hi keimah hatna ngêi leh, thilhih theihna a ka chênna ding leh, ka lopina leh ka thupi na suklatna dinga ka siem hilo ahim?” ti’n a gen a.

THILSIEMBUL 19:24

Tichun, Lalpa’n Sodom leh Gomorra chung achun van a Lalpa kawm apat chun mei leh kât a zuk sak ta a.

ZEPHANIA 2:9

Khutichun, Sepaihte Lalpa, Israel Pathien chun, “A hi’n a ka hin sung chuh, Moab chuh Sodom tawbang hung hi’n tin, Ammon te chuh Gomorra mite bang hung hi’n au; thakhai mun leh chi khuk leh kumkhuo luoh loh hung hi’n a. Ka mi a na um nalaite chun amau haw chawmgam un tin, a gam u chuh luoh un au.”

AMOS 4:11

“Sodom leh Gomorra khuo Pathien in a sukchip lai bang khan, na lak uh a khenkhat ka suchim a, meikuong laka thingkhuoh lâkdawk bang na hiu a: khutisa chun le ka kawmah na hung vaikit puou ui,” Lalpa chun a tii.

JEREMIA 51:41

Bangti dana Sheshak chuh lak ahi ta? Lei chung pumpi pahchak sek chuh mat in a um ta hi! Nam te lak ah Babulon chuh hawmngawn in a um ta hi!

JEREMIA 50:40

Pathien in Sodom leh Gomorra leh a kimvel a khuo te a suksiet bang tak khan; zie tak achun kuomah cheng ta puou intin, mihing cha kuomah cha’n tawh ta puo’n au. Lalpa’n a tii.

JEREMIA 49:18

Sodom leh Gomorra leh a kimvel a khawpi te chuh suksiet a hih bangun, kuomah cheng ta puou intin, mihing cha kuomah zie chun um ngei ta puo’n au, Lalpa’n a tii.

DAN NIHNA 29:23

Gam pumpi chuh chi leh kât a dim, bangmah kichîn lohna, bangmah cha keh lohna leh hampa nasan le a keh lohna hi’n a. Gam chuh Lalpa’n lungna leh hachangthaka a suksiet Sodom leh Gomorra leh Admah leh Zeboiim khawpi haw tawbanga kha suksiet hi’n a.

ROME 9:29

Isai mah in, “Mipite Lalpa chun chi sep zak ding ei na nutsieh lo hi le chuh, Sodom khuo guolin ana um tai ting uh, Gomorra khuo guolin siem in ana um tai tiu,” ti a a gen guol mah khan.

THUPHUON 18:11

Chun, leia sumkawlveite chun amahnu chuh kah in, a sûn uh a, kuoma’n a thuomphuo teu a châwk tâk loh ziek un;

THUPHUON 18:19

Chun, kap leh mau kawmin, “Khawpi lopi tak nu, a neihzawhna zieka tuipi a kuong neite chengcheng hung neihzawhna chuh a chung a gik ie! a gik ie! Dâkkâl khat sung mai in, bangmahlo mai a hung suok mai tâk hi!” ti a kiko in, a lu chung u ah leivui a buok uh a.

THILSIEMBUL 19:25

Tichun, zie khawpi haw chuleh phaicham chengcheng leh khuo a mi cheng cheng leia thil kekhaw chuh a sumang suok kêi ta a.

ISAI 13:1

Babulon khuo puokgik, Amoz chapa Isai in a muh chuh:

ISAI 21:9

Ngaitie! thakhat in, mihing hawn, sakawl chung chuong, a kawp kawpa chieh a hung ui,” ti’n. Amah chun, “Babulon khawpi chuh a chim tai! A chim tai; a pathien uh, milim siemkawmte chengcheng chuh lei ah suknel in a um tai,” ti’n a dawng a.

ISAI 47:5

Lalpa’n Babulon kawm achun, “Thipkei in thim lak ah chu’n la; namtin lengnu hun ti talo ding a hi ngâl u a!

ISAI 48:14

Na bawn un hung khawm unla, ngaithau un! Ka mi teldawkpa chun Babulon do intin; hih ding ka tihte chuh hih ina tih pathien dang khatcha’n le a genlawk thei puou ui.

JEREMIA 25:12

Khutichun, kum sawmsagih a beih tieng leh, Babulon te leh a lengteu chuh a gitloh ziekun gawt ing ka ting, kumlekhuo’n suhawm ing ka, tih hi Lalpa kamsuok ahi.

JEREMIA 51:26

Na kawm apat in a ning a suong ding leh suong phum ding lâkdawk hi ta puo’n a; kumlekhuo’n a hawm in um zaw ta’n la tih hi Lalpa kamsuok ahi.

JEREMIA 51:29

Zie gam chuh lungkham in a kilîng a, Babulon gam, a sunga cheng umlo a a hawm a um sak dingin, Babulon chunga Lalpa thiltup chuh a ding zing hi.

JEREMIA 51:62

‘Aw Lalpa, zie namte chungchâng ahin, kuomah mihing hileh gamsa hileh a chen lohna dinga gawt manga um in, kumlekhuo a a hawma um dingin thu na gen tai,’ hun ti’n.