ISAI 12:2 - PATHIEN LEKHABU THIENGTHO (BSI)

² Ngaitie, Pathien chuh ka hukdamna ahi a, Amah taksang ing ka ting, lau puo’ng ka. Jehovah chuh ka hatna leh ka thilhih theihna ahi a, amah chuh ka hukdamna ahung hi tai, ti’n ahi.

ISAI 12:2 ပူးပေါင်းရင်းမြစ်များ

PAWTDAWKNA 15:2

Lalpa chuh ka hatna leh la ahi, Amah chuh ka hukdamna le a hung hii; Ka Pathien ahi a, amah chuh pakcha’ng ka. Amah chuh chawisâng ing ka.

SAM LEHKHABU THE PSALMS 27:1

Lalpa chuh ka vak leh ka hukdamna ahi; kuo ahi ka kihchak ding? Lalpa chuh ka hinna insang ahi; kuo ahi ka lauh ding?

SAM LEHKHABU THE PSALMS 118:14

Lalpa chuh ka hatna leh ka la ahi; Amah chuh ka hukdamna a hung hii.

THUPHUON 7:10

Ziete haw chun aw ngeih tak in, “I Pathien uh, Lalchutphah a chu pa kawm leh, Belamno kawm apat hukdamna a hung tung tai,” ti’n, a kiko uh a.

JONA 2:9

Himahleh, ken vang, na kawmah kipah thugen ing ka, Na kawmah kithawihna lân ing ka ting: ka thutiem chuh hih guitung ing ka. Hukdamna chuh Lalpa a ahi ngâl a!” ti’n.

ISAI 45:17

Himahleh, Israel chuh Lalpa’n a hukdam a, a zawhna chuh kumlekhuo’n um in tin; a mite chuh muolpho in um ngei puo’n au,” ti’n.

JEREMIA 23:6

A hun sungin Juda chuh hukdam hiu un tin, Israel chuh bit takin um ina. Chun, ziehi a min a sapna dinguh chuh a hi: ‘LALPA CHUH I DIKTATNAU AHI’ tih hi.

JEREMIA 3:23

Tang haw apat a hukdamna kinep chuh a thâwn ahi a, tâng chunga thawm gi hum hum te haw chuh. A diktakin Israel hukdamna chuh Lalpa I Pathien u a um ahi.

SAM LEHKHABU THE PSALMS 83:18

Nang mah mai hi JEHOVAH min pu, Lei chung chengcheng chunga Chungnung pên na hi, tih a het theihna dingun.

1 TIMOTHE 3:16

Chun, I Pathien ngaihsakna thuguk chuh, niel guol loh a lopi ahi ngâl a: “Phehlevo a hung kiphuong a, Thagau a thiem chang a; Vânsâwlchâkte’n le a muh uh, Jentel te laka tângsappih a, Khawvel pumpi a mite ginchak a, Lopina a puih toh takpa chuh.”

ROME 1:16

Chanchin Pha chuh ka zahchâkpih puoh ngâl a; kuole a gingcha tapohte dingin hukdamna dinga Pathien thilhih theihna ahi ngâl a, a tûngin Juda mite dingin ahi a, chun, Grik mite dingin a hung hi kit a.

HOSEA 1:7

Himahleh, Juda inkawte chuh vang lungsiet ka ting, thalpi ahim chemzâm ahim, kidona ahim, sakawl ahim sakawl chung chuong mi ahim a amau haw hukdawk lo in, kei Lalpa a Pathien u hin hukdawk ing ka,” a ti a.

ISAI 62:11

Ngaitiem u, Lalpa chun kâwlmawng tiengin a phuong ta a; “Zion chanu kawm achun gen inla, Ngaitie, na hukdamna chuh ahung tung ta a, a kipahman chuh na kawmah a um a; na sepman ahun piek ding chuh a masang ah a um hi” ti’n.

ISAI 32:2

Amah chu huihpi laka kisêlna, guohpi laka kisêlna mun bang hi’n tin; thalek gama luicha tui luong leh, gam haksa a suongpi lim tawbang hi’n a.

ISAI 7:14

Zieziekchun, Lalpa ngêi chun melchikna hun pie’n tin, ngaitiem u, nungak thiengtho chuh gai intin chapa hing intin, a min dingin Immanuel sa’n au.

1 SAMUEL 2:1

Chun, Hannah chu a paucham a: “Lalpa chungah ka lunggil a kipâk mah mah a, Ka ki chu Lalpa ah chawihsân in a um a; Ka melmate chungah ka kam suklet in a um a, Na hukdamna a chu ka kipah mah mah ziekin.

JOB LEHKHABU THE BOOK OF JOB 13:16

Amah chuh ka hukdamna ding chuh ahi a, A masanga chun mi lepchieh te chuh hung lo ding ahiu hi.

SAM LEHKHABU THE PSALMS 112:8

A lungthim chu a det a, lau puo’n a, Amah dote chunga a duhthusam a muh masang sieh.

ISAI 10:24

Zieziekchun, Lalpa sepaihte Lalpa chun Zion a umte kawmah, “Aigupta gama a hun bawl bang u khan, khetbuk a hun khên in, a mawlh chuh na chungah lek mahleh, Asuria mite chuh lau kiu in.

ISAI 17:10

Israel Pathien, nang hun hukdawkpa leh, suongpi dettak guola nang hun vengbitpa chuh na hengilh ta a. A thasang in, gamdang pathien hona dingin huon thiengtho poh na kisiem zaw ta a.

ISAI 27:5

Khutichu ahih loh chun, ei tuzing u henla, ka humbitna a deih u chun, ka angsung ah hung puklut u henla; ahi, ei kichampih u hen.”

ISAI 49:5

Chun, a nasem dinga sûl apat a ei siem Lalpa chun, Jakob te a kawma puikit ding leh Israel chate chuh a kawma puikhawm ding ahi a, Lalpa mitmuh a limbawla ka um theih na dingin, Lalpa chuh ka hatna bulpi ahi ngâla.

ISAI 50:10

Na lak uh a kuo a Lalpa kihcha a, a suok thugen zawp a, thim laka chieh a, khutisa a chule Lalpa min gingcha a, a Pathien chunga kinga chuh?

ISAI 61:10

Lalpa achun nasa takin kipâk ing ka ting, ka lungthim le ka Pathien chung ah kipâk in a; amah chun hukdamna puon ei silh saka, diktatna puonâk chuol in ei thuom ta ngâla. moneipa chuh pakchavui a a kithuom a, mo chuh sana khite a a kichei bangin.

ISAI 65:18

Himahleh, ka thilsiem a chun kumlekhuo’n lawp leh kipâk in um un. Jerusalem thak ka siem chuh lawpna’n dim intin; a mite le kipâk takin um un au.

DANIEL 3:28

Chun, leng Nebuknezar chun thu a gen a, “Shadrak, Meshak leh Abednego te Pathien chuh pahchak in um hen: Amah chun a vânsâwlchâk a hun sawl a, a suokte, amah taksang leh nasemte chu a hukdawk a; zie mite hin a Pathien uh tihloh chuh pathien dang mawngmawng na a sep loh u a, chibai a bûk lohna dingun leng thupiek nasan le khawksa lo in amau hinna a pie ngam uh ahi.

JOEL 2:23

“Nanguh, Zion chate haw, kipâk un! Nang haw dinga Lalpa thilhihte ziek chun kipâk un. Guoh masa chu a hun takin nanguh a hun pie ta ngâl a. Nanguh dingin guoh a zuk sak a, chavang guoh masa leh guoh nunung chuh.

HABAKKUK 3:18

Lalpa achun kipâk zel ing ka ting ka hukdamna Pathien achun kipâk takin um zel ing ka.

2 SAMUEL 7:24

Khutichun na mi Israel te chu kumlekhuo a na mi a hung hihtheihna dingun nanga dingin na hihdet ta a; chun, Lalpa, nang chu a Pathien uh na hung hita a.

SAM LEHKHABU THE PSALMS 65:6

Thilhih theihna a tai a kigak a, Nangmah hatna a tâng te hihdet sek chuh na hi.

SAM LEHKHABU THE PSALMS 68:20

Pathien chuh ei u dingin Tandawkpa Pathien ahi a; Thihna apat a suohchak na chuh Lalpa, JEHOVAH ahi.

SAM LEHKHABU THE PSALMS 68:21

Himahlele Pathien in amah dote luchang chuh sat phel phawk in a, Gitlohna lampi a chieh zel sambuoh taka chieh te chuh.

SAM LEHKHABU THE PSALMS 118:21

A kawmah kipahthu gen ing ka, Nang in nei dâwn ziekin, Nang chuh ka hukdampa na na hi a.

ISAI 33:22

Lalpa chuh I vaihawmpau ahi a, Lalpa chuh dân ei piepa ahi a; Lalpa chuh I leng uh ahi a, amah chun ei hukdam ina.

ISAI 38:20

Lalpa! nei sudam ta a, kingkangte tawh la sa’n, hun pakcha’ng ka ting, Ka damsung chengin na Ho-In a chun na pahchak na la sa’ng ka,” ti’n.

ISAI 51:12

Kei hi nangmau haw hun lungmuonpa chuh ka hi a, mihing thi kit pai zieng ding hampa bang phet hi bang zieka lau na hiu a?