ISAI 11:9 - PATHIEN LEKHABU THIENGTHO (BSI)

⁹ Ka tâng thiengtho achun kisuknatna himhim um ta puo’n tin; kisuksiet le um ta puo’n a; tui haw hin tuisuohgiet a khuh zing bang hin, leichung hi Lalpa hetna chun dim suok vek ding ahi.

ISAI 11:9 ပူးပေါင်းရင်းမြစ်များ

HABAKKUK 2:14

Himahleh, tuipi a tui a dim bangin, Lalpa lopi zie hetna chun leichung hi luoh dim vek ding ahi.

ISAI 52:10

Lalpa’n namte mitmuh in a khut thiengtho chuh a hun zak dawk ta a, tichun kâwlmawng tawpa cheng te’n le a hukdamna chuh mu ta’n au.

SAM LEHKHABU THE PSALMS 72:19

Amin lopi tak chu kumlekhuo’n pahchak in um henla, Lei chung pumpi hi a lopina’n luoh suok hen. Amen, Amen.

JOB LEHKHABU THE BOOK OF JOB 5:23

Gamlak a suongte chu tawh kithutuok in na tin, Gamsate chun hun kichampih in au.

ZEKARIA 14:9

Khutichun, Lalpa chuh lei chung pumpi a Lal hung hi ta’n tin; zie ni chuleh mitin in Pathien khat ho un tin, tichun, Min khat chauh a het in um ta’n a.

ISAI 59:19

Tichun, tumlam a chêngte chun Lalpa min chuh lau tau intin, suohlam a chengte chun a lopina chuh lau un un au. Amah chuh huih hattak leh tuipi hattak guolin hung ding ahi ngâla.

ISAI 49:6

Lalpa’n ka kawmah, “Jakob namte tundin na ding leh Israel chate laka bitna a um kitna dinga suok a ka hun siem hi thil neucha ahi; Jentel te salhvak dingin le hun guot ing ka ting; khutia chuh ka hukdamna hih kâwlmawng tieng ale atun theih na dingin” a ti a.

ISAI 45:6

Ni suohna lama mite leh, tumlam geia mite’n Kei hi Lalpa chuh ka hi tih a het theihna dingun leh, Keilo chuh Pathien dang him a um puoi tih a het theihna dingun zie hi ka hih ahi.

THUPHUON 21:27

Himahlele, thil buok himhim khawpi achun lut puo’n tin, thil muhdahum hihte leh, lepchieh gente le lut diek puo’n au. Belamno Hinna Lehkhabu a min a zikteu maicha lut un au.

ISAI 35:9

Zie tak achun sakeibakneite um puou untin; gamsa lauh-um te’n le hawh diek puou in tin; muh ding le um puo’n a. Himahleh, Lalpa tatsate vang chuh zie chun chieh un au.

ISAI 30:26

Zielo chun le, Lalpa’n a mite liemna a tuom sak ni, a liemmateu a sukdam ni chun, tha chuh nisa guolin vak ta’ntin, nisa chuh a leh sagih in, ni sagih a kigawm bang hielin vak ta’n a.

ISAI 11:13

Tichun, Ephraim te itthîkna chuh bei ta’n tin, Judate subuoi haw chuh sukmangthai in um ta’n au, Ephraim in Judate itthik ta puou un tin, Judate’n le Ephraim subuoi diek ta puo’n au.

ISAI 2:4

Chun, amah chun namte kal ah vaihawm intin, a chemzâmteu chuh lei lehna dingin sêk un tin, a tiengchateu chuh theikung vathahna chemcha dingin sêk un au. Nam khatin nam khat do dingin chemzâm pan ta puo’n tin uh galdo dân le zil diek ta puo’n au.

1 THESSALONIKA 5:15

Kuoma’n, kuo gitloh le, gitloh a dinthuk lo dingin chingthei un, na thil kihih sak tuoh na lam uh leh, mi chengcheng chunga na hih sakna lam uh ale, a phata delh zing zawu in.

SAM LEHKHABU THE PSALMS 78:54

Chun, a mun thiengtho chu a puitung a, Zie tâng chu a khut changlam a a châwk ahi.

ISAI 11:8

Chun, nausen nawichep laite chuh gûl gu nei kawmah kichiem un tin, suknat in um diek puo’n au.

ISAI 33:6

Amah chuh na hun leh phat kingakna, hukdamna buting, chitna leh hetna haw um kihkeih ina. Tichun, Lalpa limbawl chuh a gochan hi ta’n a.

ISAI 54:5

Nang hun Siempa chuh na pasal hi’n tin; A min chuh Bangakai hihthei Lalpa ahi ngâl a! Israel Pathien Thiengtho chuh na Hukdampa ahi, Amah chuh khawvel pumpi Pathien ahi ngâl a.

ISAI 56:7

“Amau haw ngêi chuh ka tâng Thiengtho Zion achun pui ing ka ting, Ka pauchamna In achun kipâk takin um un au; hâlmanga a thillat teu leh, a kithawihnateu chuh, ka maichâm achun ana pawm ing ka; Ka In chuh mitin a dingin pauchamna In tih hi ding ahi ngâl a,” ti’n.

ISAI 65:25

Ngei leh belamno te chuh takhawm tau intin, sakeibakneite chun bâwngchal guolin buhpawl neu intin, chun, leivui chuh gûl an hi’n a. Ka tâng Thiengtho Zion achun kisuknatna leh, kisuksietna himhim um ta puo’n a” Lalpa’n a tii.

ISAI 66:18

A thilhih teu leh a thil ngaihtuoh teu chuh ka he vek a. Namtin leh pau tinte sam khawm ding ka hi. Tichun, hungkhawm un tin, ka lopina chuh mu ta’n au.

ISAI 66:20

Tichun, Israel chate’n a thillat uh bel thiengtho a Lalpa masanga ahun chawihlut sek bangun, Lalpa kawma thillat dingin namtin apat in na suohpihteu chengcheng chuh sakawl kangtalaite leh kizawnna te, chun, sabiltung chung leh sangawngsau chung haw ah ka tâng Thiengtho Jerusalem achun hun pui un au, Lalpa’n a tii.

JEREMIA 31:34

Kuoma’n, amah inveng leh, amah suohpihte chuh Lalpa he dingin hilh ta puou un tin, a neupen apat a lienpen tiengin, a bawn un ei he chiet ta ding ahi ngâl uh a, tih hi Lalpa kamsuok ahi. A manlohnau chuh ngaidam ing ka ting, a gitlohna hawu chuh hezing zing ta puo’ng ka.

EZEKIEL 34:25

Chun, amau tawh kichamna thuthun siem ing ka ting, gamsung apat chun gamsa haw chuh subei ing ka, thalek ale bit takin cheng intin un, gammâng nuoi ale bit takin ip tan au.

EZEKIEL 47:5

Chun, tawng sangkhat a teh kit a, ka palkaih zawh loh luipi a hung hi ta a, tui chuh a hung khang zel a, a pala pal guol loh, a zap a zap khawp hiel luipi ahung hi ta a.

DANIEL 11:45

Chun, tuipi leh tâng thiengtho kikal, temple dinna mun achun a leng puon-In lien tak chuh zak in tin, himahleh, a tawpna tung hi’n tin, kuoma’n kithuohpih puo’n au.”

DANIEL 12:4

“Himahleh, nang Daniel, lehkhabu chuh khâk chak kêi inla, tawpna a tun masang chengin châl den in, a tawpna hun chan in, mi tamtak asuk atung in taiviel un tin, hetnate pung ding ahi” a ti a.

HOSEA 2:18

Zie ni chu leh gamsate, chung leng vachate leh leia bawkvak te tawh thugawlh siem ing ka ting; thalpite, Chemzâmte leh kidonate hi lei apat in sumangthai ka ting; tichun bit takin hun kuol sak ing ka.

JOEL 3:17

Khutichun, Lalpa na Pathien uh, tâng thiengtho Zion a cheng ka hi tih hun he ta’n lau: Jerusalem chuh khawpi thiengtho hi’n tin; malzin kuoma’n a sung tawh ngei ta puo’n au.

ISAI 32:16

Zie ni chuleh, gam thip achun thudika vaihawmna chuh um ta’n tin, muntin ah diktatna um zing ta’n a.

JEREMIA 31:23

Israel Pathien, sepaihte Lalpa chun hiti hin a tii: “A saltannau apat a ka puihkit tieng leh Juda gam leh a khawpi teu achun zie tawbang paukam hi mang kit un au, ‘Aw dikna umna mun, aw tâng thiengtho, Lalpa’n hun vangsak hen,’ tih hi.”

ZEKARIA 8:3

Lalpa chun hiti hin a tii, ka khawpi thiengtho, Zion lam ah hung kihei kit ka ting, Jerusalem lailung achun cheng ing ka, tichun, Jerusalem chuh THUTAK KHAWPI, ti a het hi’n tin, Lalpa tâng chuh, Tang thiengtho tih hi ta’n a.