ISAI 11:4 - PATHIEN LEKHABU THIENGTHO (BSI)

⁴ Mi chagahte phatak in vaihawm sak intin, leia mi thunuoigawlh te a ding chun khenchuom neilo in hilhgaih ina; a kama khetbuk in lei hi khên intin, a mûk a hu pawt in minunsie chuh that ina.

ISAI 11:4 ပူးပေါင်းရင်းမြစ်များ

2 THESSALONIKA 2:8

Zie kilakmang tieng chu leh, Dan bawhsiepa chuh hung kiphuong intin; himahleh, Lalpa Isu’n amah chuh a kama hu’n sulum intin; amah umna vak tak chun sumangthai ina.

THUPHUON 19:15

Chun, a kam apat in chemzâm hiem tak a hung pawt a, zie chuh namtin a satna ding ahi. A chunguh achun thik tiengin vaihawm intin; Pathien, Bangakai hihtheipa lungnatna nasatak grep thawkna khuk achun chilgawp ina.

MALAKI 4:6

Amah chun, pate lungthim chuh chate lam ah, chun chate lungthim chuh pate lama kihei sak ina. Khutilochun hung ing ka ting lei hi hansie’n gawt khang ka ie” ti’n.

JOB LEHKHABU THE BOOK OF JOB 4:9

Amau chuh a nak-hawma hu pawt in Pathien in a sumangthai sek hi.

MATTHAI 5:5

“Nuoilutchuhte chuh a hamphau hi; lei hun luoh ding ahi ngâl u a.

ISAI 61:1

Liengvaite kawma Chanchin Pha gen dinga Lalpa’n thau ei nuh ziekin, Lalpa Pathien thagau chuh ka chungah a um. Amah chun lunggil thasie te sudam ding leh, saltâng te kawma pawt na thu leh, suongkul tângte pawtna thu phuong ding leh,

JAKOB 3:13

Na laku ah kuo a ching a, thu he thei um? Kingainiem tak leh chingthei takin, a thilhih haw chuh umdan phatin latsak hen.

GALATI 5:23

Kingaihniem na haw, kidêk theihna haw ahi zawi. Khutibang kalh lam chun Dan thupiek himhim a um puoi.

JEREMIA 33:15

Zie ni haw leh zie hun achun, diktatna Bâk David apat in seldawk sak ing ka ting, zie gam achun diktak leh diktat takin vaihawm ta’n a.

ISAI 30:33

Tuma lam apat in Asuria leng meia hâlna ding chuh guonggalh khawlsa a hi ta ngâl a. Thuk tak leh lien tak leh, thing kisieh vum velvul a hi a. Lalpa’n zie hâlna ding chun a kawm apat in mei thahdawk in a.

ISAI 9:7

A gam lien zel intin, a vaihawmna leh chamna chun tâwp tik ni nei puo’n a. David lalchutphah leh a lalgam ah chu’n tin, bawt dawk ding leh sudet dingin diktak leh kitûp takin vaihawm ina, tu apat kumlekhuo’n, Sepaihte Lalpa phatchuomngaihna chun zie chuh hih ina.

SAM LEHKHABU THE PSALMS 2:9

Amau haw chuh thik tiengkhut in suphel ing ka ting, Beldengte’n bel a paih gawp tawbang in paih gawp inla,” a ti a.

THUPHUON 2:16

Khutichun, lunghei ah, tichun, na kawmah hung vak ka ting, ziete haw chuh, ka kam apat a chemzâm pawt hin do ing ka.

THUPHUON 1:16

A khut changlam achun aksi sagih a chawi a, a kam apat chun chemzâm, a nih lang tuoka hiem hih a hung pawt a. A mel chuh, nisa sat vanglai tak tawbang hin a vak hi.

TITA 3:2

kuomah gensie lo ding leh, thusie bawl lo ding leh, mi chengcheng kawma kingaihniemna tincheng taklang a, nunnem dingin amau haw hetdawk sak kit ah.

ISAI 32:1

Ngaitie, leng khat chuh diktat takin vaihawm in chu’n tin, a miliente chun vaihawmna diktak in vaihawm un au.

ISAI 29:19

Mi kingainiem te chun Lalpa a kipahna thak chuh nei kit un tin; chun, mi chagahte chuh Israel mi thiengtho achun limbawl in um tan au.

ISAI 16:5

Zie tieng chuleh David suonte khat chuh leng in hung pang intin, a mite chuh ginum tak leh, lungsietna’n vai hun hawmsak ina. Thil dik chuh kintakin hih intin, diktatna hih a a um leh um loh chuh, phatak in entup ina.

THUPHUON 19:11

Chun, van kihawng ka mu a; ngaitie! sakawl kâng leh, a chunga chu, “Taksanum leh Diktak,” a tih uh chule ka mu a; amah chun diktat takin vai a hawm a, a do sek hi.

2 KORINTH 10:1

Kei Paul, na kawm u a um chenga nunnem tak leh zaidam taka um a; na kawm u a ka um loh tienga, nanguh a ding a hahkat taka pang sek pa hin, na kawm u ah ka hun ngên hi.

NASEPTE 9:1

Zie lai chun, Saul in Lalpa sinsak haw chuh, thah dinga vauna thu a siet dawk khum matchet a. Thiempu Lienpen kawmah a chieh a,

MATTHAI 11:5

mitdûkte a mit uh a vak ta a, kêngbâite le keng in a chieh tau in; phâkte a thieng tau, bengngawngten le khuo a za thei tau in; mithi haw le kaihthawh in a um tau a, chagahte kawma le Chanchin pha gen ahi tai.

ZEPHANIA 2:3

Nang haw, leia mi kingainiem chengcheng, a thupiek zuite haw, Lalpa chuh hawl un! Diktatna hawl un la, a masanga chun kingainiem un Tichun, Lalpa lungnatna ni achun na suokcha kha mawh ding u!

JEREMIA 5:28

A hung thau u a, a hung zawl u a. Ahi, a nunsietna thilhih teu chun chintawk a he puou. Pa neilote lamzan na dingin dikna’n vai a hawm puou a, mi gimtheite te dinmun chuh a venbit sak puou hi.

ISAI 3:14

Lalpa’n upate leh a mite chunga lawiupate chuh vaihawmna ah a hun pui a, “Grep huon susie chuh nanguh na hiu a; na Inteu chuh mi chagahte apat na thil lâkteu chun a dim hi!

ISAI 1:17

thilpha hih kisin tau inla, vaihawmna dik hawl un la, sukgimtheih thuokte chuh panpih unla, pa neilote chuh sikgen unla, meithaite chuh genpih un,” a ti ahi.

SAM LEHKHABU THE PSALMS 110:2

Lalpa chun a lopina mawlh chuh Zion tâng apat in a sawldawk a: “Nang in nang mah hun dote lak ah vaihawm inla.”

SAM LEHKHABU THE PSALMS 18:8

A nak apat chun meikhu a zam to a, A kam a pawt mei chun a katum ta a, Amah apat chun mei haw le a kuong puotpuot ta mai a.

2 SAMUEL 8:15

Khutichun David chun Israel mi chengcheng chungah vai a hawm a; a mipite chungah kitûp tak leh dik takin vai a hawm a.

ISAI 13:11

Tichun, khawvel hi a gitlohnau ziekin gawt ing ka ting minunsiete chuh a manlohnau ziekin gawt ing ka; mi chapote pau uong chuh suhai ing ka ting, mi lauh-um uonna chule hihniem ing ka.

ISAI 14:30

Lalpa chuh a mi chagah takte chingpa hi’n tin, amau haw chuh bit takin umsak ina. Himahlele, aw Philistia, na chunga chun kiel tizat-um tak hun sawl intin, na lak uh a khatchale hing puo’n lau.

ISAI 26:6

Kenga tawh den in um intin, gimtheite keng leh chagahte kalsuon ngêi chun.

ISAI 30:28

A hat git chuh luicha a kuong dima luong, ngâwng tieng chup a luong tawbang chuh ahi; namtinte chuh khen dawkna gawdal a sep in, mite’n a puihmang na dingun a kaihheina bulh ta’n au.

ISAI 30:31

Lalpa aw a zak tieng u leh Asuria te chuh lau un tin, a gawtna khauh dân chuh he ta’n au.

ISAI 32:7

Mi gukhah chu phalo tak ahi a, mi chagahte chu zuou thu a hihsie ding in, thil gilo a sawmdawk u a, chagahte le a diknau ale a nang chak kêi sek hi.

ISAI 33:22

Lalpa chuh I vaihawmpau ahi a, Lalpa chuh dân ei piepa ahi a; Lalpa chuh I leng uh ahi a, amah chun ei hukdam ina.

ISAI 40:7

Lalpa hu chun a mût tieng leh, hampa chuh a vuoi a, a pak chuh a pulh sek a: mihing te chuh hampa tawbang chuh ahi him ui.

ISAI 49:2

Ka kam chuh chemzâm hiem tak guolin a siem a; amah khut lim ngêi achun ei na selgu a. Thalpi chang banga hiem in, mat dingin ei na siem ta a.

JOB LEHKHABU THE BOOK OF JOB 15:30

Thim apat in suokcha puo’n tin, Meikuong in a baksamte chuh lieu gaw’n tin, A pakte chuh huih in mût mang in a.

SAM LEHKHABU THE PSALMS 76:10

Thawnlo in mihiem lungnatna hin hun na pakcha tei ina; Lungnat na chuong in kigak in na tin.

ISAI 2:4

Chun, amah chun namte kal ah vaihawm intin, a chemzâmteu chuh lei lehna dingin sêk un tin, a tiengchateu chuh theikung vathahna chemcha dingin sêk un au. Nam khatin nam khat do dingin chemzâm pan ta puo’n tin uh galdo dân le zil diek ta puo’n au.

HOSEA 6:5

Zieziekchun thiemgaute mang in amau chuh ka theuh ngim a, ka kama thu’n ka sulum a, ka vaihawmna chuh vak tawbanga a chiehdawk ahi.