ISAI 11:16 - PATHIEN LEKHABU THIENGTHO (BSI)

¹⁶ Tichun, Aigupta gam apat a a chieh toh niu a, Israel te dinga lamlien a na um bang khan, a mite a suokcha sunte ding chun, Asuria gam apat in lamlien hung um ina.

ISAI 11:16 ပူးပေါင်းရင်းမြစ်များ

PAWTDAWKNA 14:22

Chun, Israel chate chuh tuipi sung lei hul achun a chieh tau a; tui haw chuh a changlam pang u leh a veilam pang u achun a mau dingin bâng ahi ta mai a.

ISAI 1:9

Sepaihte Lalpa chun sukmangthai mâwk tawmcha a na nutsieh sak lo hile chuh, Sodom guolin ana um tai ting un, Gomorra tawbang khah hita ding I hiu hi.

ISAI 10:20

Zie ni chun mi tawmcha mai vaikit un au. Israel te a na umsunte leh, a suokcha sunte chun amau haw sumangthaite chuh gingcha ta puou untin, Israel Mi thiengtho chuh tihtakzet in gingcha zaw ta’n au.

ISAI 11:11

Zie ni a hungtun tieng chuleh, Lalpa’n a mite sukmangthai loh a na umsunte Asuria gam apat te, Aigupta gam apat te, Pathros gam apat te, Kush gam apat te, Elam gam apat te, Shinar gam apat te, Hamath khuo apat te, Tuisuohgiet tuikuol apat te chuh la kit dingin, a thilhih theihna khut hun zak kit ina.

ISAI 19:23

Zie ni chun Aigupta gam apat in Asuria gam tiengin lamlien um intin, tichun, Asuria mite chuh Aigupta gam ah chieh untin, Aigupta mite chule Asuria gam ah chieh un au. Aigupta mite chun, Asuria mite tawh Pathien ho khawm ta’n au.

ISAI 27:13

Zie ni chuleh, Asuria leh Aigupta gama nawhdawka umte sap khawm kitna dingin, pengkun lopi tak chuh mût untin, tichun, hung khawm un tin, Jerusalem a Tang Thiengtho achun Lalpa chuh ho ta’n au.

ISAI 49:11

“Tichun, tâng lien takte kantan in lam tuongpi siem ing ka ting, ka mite zin vielna dingin lamliente siem ing ka.

ISAI 49:12

Entie, ka mite chuh gamla tak apat in hung untin; mâllam leh thanglam apatte leh, simlam a Sinim gam apatte’n hung ding ahiu ui,” ti’n.

ISAI 51:10

Tuisuohgiet thuk tak leh lien takte hih kang a, Hukdam sate chieh galkaihna dinga, tui laka lampi siempa kha nang hilo na hi?

ISAI 57:14

Lalpa chun, “Ka mite chuh ka kawmah hung vaikit tau hen. Lampi a a nangte cheng chuh ladawk unla! lampi siemphau un la, hih zang un.

ISAI 62:10

Nang haw, Jerusalem a umte haw, khawpi apat hin pawtdawk unla, Na mipite, a hung vaikitte dingin lamlien siem un la, Lam tuongpi siemphau un la, suongte thielngim un! Namte’n a hêt theihna dingun, melchikna tâk dawk un.

ZEPHANIA 2:7

Tichun, Tuipi pang gam chuh Juda inkuon umna lai sunte’n luoh un tin, zie tak achun a belam hawnteu chuh tau un tin, nitâk lam leh Ashkelon khuo hawa chun giek un au. Lalpa a Pathien u chun amau haw chuh hun tawhtha kit intin, a saltannau apat chun tungdawk kit ina.