ISAI 11:13 - PATHIEN LEKHABU THIENGTHO (BSI)

¹³ Tichun, Ephraim te itthîkna chuh bei ta’n tin, Judate subuoi haw chuh sukmangthai in um ta’n au, Ephraim in Judate itthik ta puou un tin, Judate’n le Ephraim subuoi diek ta puo’n au.

ISAI 11:13 ပူးပေါင်းရင်းမြစ်များ

JEREMIA 3:18

Zie nihaw achun Juda inkuon te chuh Israel inkuon te tawh umkhawm untin, mâllam apat in nanguh hun suonte kawmah goluoh dinga ka piek gam achun hung pawt khawm tan nau.”

HOSEA 1:11

Tichun Juda mite leh Israel mipite chuh hung kizawm khawm kit untin; khatvei chuh a gam uh ahin hung paklun kit ding ahiu ui. Ahi, Jezreel ni chuh lopi ding ahi ngâl a.

ISAI 9:21

Manasseh mite leh Ephraim mite chuh kido un tin, a nih u chun Juda do khawm un au. Khuti khawpa a hihsa chun le, Lalpa lungnat chuh a hai diek puoh a, gawt dingin a khut a tha zing nalai hi.

JEREMIA 33:24

“Zie mipite hin a gen uh, Inkuon nih Lalpa’n a telte chuh a paihmang tai, ti a zie mite hin a gen u hi na ngaihtuoh kha puou em? A mitmuh u a nam tih kham ahih loh na ding un hitibang hin ka mite chuh a musit ui.

JEREMIA 50:4

“Zie ni leh zie hunhaw achun, Israel leh Juda mipite chuh kap kawmin hung un tin uh, Kei, a Pathien uh hi ei hun hawl un au,” tih hi Lalpa kamsuok ahi.

EZEKIEL 28:25

“Lalpa Pathien chun hiti hin a tii: Israel inkuon chuh thehzak a a umnau mite lak apat ka puihkhawma, Jentel te mitmuha a lak u a ka thienthona ka taklat tieng leh Ka suok Jakob kawma ka piek, amau gam ngêi achun cheng ta’n au.