ISAI 11:12 - PATHIEN LEKHABU THIENGTHO (BSI)

¹² Chun, nam tina dingin melchikna tâk dawk intin, Israel nawhdawka um haw chuh puikhawm intin; Juda tai zakte chule kâwlmawng li apat chun puikhawm ina.

ISAI 11:12 ပူးပေါင်းရင်းမြစ်များ

ZEPHANIA 3:10

Ethiopia gam, gamla taka, ka mi dalh zâk te chun le, Kei kawmah thilpiek hun chawi un au.

ISAI 56:8

Lalpa Pathien chun hitihin a tii, “Israel nawhdawk a umte cheng chuh puikhawm kit ing ka ting, puihkhawm sate bân achun midang dang le puikhawm ding ka hi” a ti a.

ISAI 43:6

Mâllam kawm achun, ‘Thahdawk un,’ ti’ng ka ting; sim lam kawm achun, ‘Hên ta kiu,’ ti’ng ka; Ka chapa chuh gamla tak apat in hun pui inla, ka chanute chuh kâwlmawng tâwp apat chun hun pui un, ti’ng ka.

ISAI 11:10

Chun, zie ni chuleh hiti hi hung hi’n tin, Jessai zung, mitin tiemtehna dinga ding chuh, amah ngêi chuh namtin in dawp tau intin; a chawlhna mun chuh lopi ina.

ZEKARIA 10:6

Chun, Juda insung chuh suhat ing ka ting; Joseph insung chuh hukdawk ing ka, puikit ing ka ting, amau haw ka lainat ngâl a. Ka paih thak loh bang mai in, Kei, Lalpa a Pathien u chuh ka hi ngâl a, a pauchamnateu chuh dâwng ing ka.

SAM LEHKHABU THE PSALMS 147:2

Lalpa chun Jerusalem chuh a tungdawk kit a; Israel nawhdawk haw chu a puikhawm kita.

ISAI 27:13

Zie ni chuleh, Asuria leh Aigupta gama nawhdawka umte sap khawm kitna dingin, pengkun lopi tak chuh mût untin, tichun, hung khawm un tin, Jerusalem a Tang Thiengtho achun Lalpa chuh ho ta’n au.

SAM LEHKHABU THE PSALMS 68:22

Lalpa’n a gen a, “Bashan gama kipatin puikit ing ka ting, Tuisuohgiet lithuk tak apat chu puikit ing ka.

THUPHUON 5:9

Chun, amau haw chun, “Nang, lehkhabu chuh laa, A tiemtehna te phel tâk na hi ie; Thah in na um ta a, Chitin a mite, namtin a mite, Pathien dingin na thisan in na chaw a,

JAKOB 1:1

Jakob, Pathien leh Lalpa Isu Krista sawntawlawi apat: Nam sawm leh nam nih, khawvel a vakchekte kawm achun chibai.

JOHAN 7:35

Ziephet chun, Judate chuh a kiho u a, “I muh loh dingun zie pa hi hawia chieh ding a hi? Grik khawpite a I miteu chênna a chuh chieh in, Grikte chuh a va sinsak ding a hi die?

ISAI 62:10

Nang haw, Jerusalem a umte haw, khawpi apat hin pawtdawk unla, Na mipite, a hung vaikitte dingin lamlien siem un la, Lam tuongpi siemphau un la, suongte thielngim un! Namte’n a hêt theihna dingun, melchikna tâk dawk un.

ISAI 59:19

Tichun, tumlam a chêngte chun Lalpa min chuh lau tau intin, suohlam a chengte chun a lopina chuh lau un un au. Amah chuh huih hattak leh tuipi hattak guolin hung ding ahi ngâla.

ISAI 18:3

Khawvela um chengcheng leh, lei chung luohte haw, tâng hawa melchikna a takdawk tieng u leh en un; pengkun a mût tieng u leh ngaithau un.

DAN NIHNA 32:26

‘Nawhzak vek ing ka ting, Mihing laka amau hetzingna subei kêi ding ka hi,’ ti mai ding hi veng,

THUPHUON 7:1

Zie nung chun, lei chung leh, tuisuohgiet chung leh, thing tin cheng chunga huih a nun lohna dinga tutâng dinga vânsâwlchâk li, lei ning li a ding ka vak mu a.

SAM LEHKHABU THE PSALMS 60:4

Nang hun kihchate chuh puonzak na zak saka, Thutak ahih zieka zak a hih theih na dingin. Selah

SAM LEHKHABU THE PSALMS 107:3

Gamtin apat a puikhawm a, Sak leh thang sim leh mâl haw apat chun.

ISAI 24:16

Kâwlmawng tâwp apat chun, DIKTATNA PATHIEN pahchakna la chuh zak in a um a. Himahlele, kei dingin kinepna a um diek puoi! Ka gawng deuh deuh a! Mi themte chun ei thêm zing u a, a chalaknau chuh a nasa deuh deuh ngâl a.

ISAI 49:5

Chun, a nasem dinga sûl apat a ei siem Lalpa chun, Jakob te a kawma puikit ding leh Israel chate chuh a kawma puikhawm ding ahi a, Lalpa mitmuh a limbawla ka um theih na dingin, Lalpa chuh ka hatna bulpi ahi ngâla.

ISAI 49:22

Lalpa Pathien chun a mite kawmah, “Namte chungah ka khut zak ing ka ting; tichun, na chapateu chuh In lam ah hun pui un au.

ISAI 54:7

“Mitphetkal sung cha ka hun taihsan a; himahleh, lungsietna lien tak pum in hun puikit ing ka.

ISAI 60:4

Khawdak in la, en kimvel in! Na mite chuh a chiehkhawm u a, na kawmah a hung ui! Na chapate chuh gamla tak apat in hung un tin; Na chanute chuh nau dawnte chun hun pawm un au.

ISAI 66:19

Chun, a lak u ah tiemtehna siem ing ka ting, tichun, a lak u a gawtna a suokcha namte Tarshis te, Pul te, thalpi luoi zing Lud namte kawmah Tubal leh Javan te ka minthan dân za khalo leh ka lopina mu khalo tuikuol gamla taka umte kawmah sawl ing ka ting; amau chun Jentel te kawmah ka lopina phuongzak un au.

JEREMIA 23:3

Tichun, ka ganguol umsunte chuh ka delhzak na gam haw apat chun pui khawm kit ing ka ting, a huong sung u ah hâwi khawm ing ka ting, gah nuom takin um un tin uh, hung pung un au!

JEREMIA 30:17

Hun sudam kit ing ka ting, na liemna apat chuh hun sudam ing ka, Lalpa’n a tii: ‘Na melmateu in nawhdawk a um, kuomah ngaihsak loh Zion ahi,’ hun ti mahleu le.”

JEREMIA 50:4

“Zie ni leh zie hunhaw achun, Israel leh Juda mipite chuh kap kawmin hung un tin uh, Kei, a Pathien uh hi ei hun hawl un au,” tih hi Lalpa kamsuok ahi.

EZEKIEL 28:25

“Lalpa Pathien chun hiti hin a tii: Israel inkuon chuh thehzak a a umnau mite lak apat ka puihkhawma, Jentel te mitmuha a lak u a ka thienthona ka taklat tieng leh Ka suok Jakob kawma ka piek, amau gam ngêi achun cheng ta’n au.

HOSEA 1:11

Tichun Juda mite leh Israel mipite chuh hung kizawm khawm kit untin; khatvei chuh a gam uh ahin hung paklun kit ding ahiu ui. Ahi, Jezreel ni chuh lopi ding ahi ngâl a.

JEREMIA 51:12

Babulon khawpi do na’n puonzak tâk dawk un la, gâlven na hih hat un, gâl veng ding kawih un; lambut na ding siem unla; Babulon chungchâng thu a Lalpa’n a gen kha a ngaihtuoh a, a hih zo ta ngâla.

HOSEA 2:2

Na nuu hi bawl diek diek un; amah hi ka zi ahi puoh ngâl a, kei le a pasal ka hi diek puoi. A melput mawngmawng apat a nawhchizuok mel a put hi kawihtha hen la, a anglaia kipatin a zawlsaih zawngsak hi haihsan hen.

ZEKARIA 8:7

Ngaiun, ka mite chuh suohlam akipat te leh, tumlam akipat haw chun hukdawk ding ka hi, Lalpa chun a tii.