ISAI 11:10 - PATHIEN LEKHABU THIENGTHO (BSI)

¹⁰ Chun, zie ni chuleh hiti hi hung hi’n tin, Jessai zung, mitin tiemtehna dinga ding chuh, amah ngêi chuh namtin in dawp tau intin; a chawlhna mun chuh lopi ina.

ISAI 11:10 ပူးပေါင်းရင်းမြစ်များ

LUKE 2:32

Jentel te salhvak ding vak leh, Na mi Israel te lopina ding chuh!” a ti a.

ISAI 11:1

Jessai bulsum chuh hung seldawk in tin, a zung apat in a bâk khat hung seldawk ina.

JOHAN 12:32

Chun, kei lei apat a khaihkang a ka um chun, mi chengcheng ka kawmah hîp vek ing ka,” a ti a.

MATTHAI 12:21

Amah min chuh Jentel te’n kineppih un au,” ti a a gen kha a hung guitun theihna dingin.

MATTHAI 8:11

Ka hun hilh na hiu hi, suohlam leh tumlam apat in mi tamtak hung untin, van gama guolvakna achun Abraham te, Isak te leh Jakob te chu tawh chu khawm un au.

NASEPTE 11:18

Chun, zie thu haw chuh a zak phât un, thamuong takin a um tau a, “Khuti a hih le chuh, Pathien in Jentel te le hinna dinga lunghei a phalsak ahi ta chu,” ti’n Pathien a pakcha tau a.

THUPHUON 22:16

“Kei, Isu hin, sapchuom haw kawmah, zie thu hi hettuoksak dingin, na kawm u ah ka vânsâwlchâk chuh ka hun sawl ahi. David bulpi leh a suon, aksi vak tak chuh ka hi,” a ti a.

HAGGAI 2:9

Zie In lopi nunung zaw hi a masa sang khan lopi zawn tin, zie tak achun chamna leh thamuonna pie’ng ka” Lalpa’n a tii.

ISAI 49:22

Lalpa Pathien chun a mite kawmah, “Namte chungah ka khut zak ing ka ting; tichun, na chapateu chuh In lam ah hun pui un au.

SAM LEHKHABU THE PSALMS 91:1

Chungnung pên Pa kisêlna a nei a, Bangakai hihtheipa lîm a umte chun.

ISAI 60:3

Tichun, na vak achun namtin hungkhawm un tin; lengte le na zingkal phal vak nino zuon in hungkhawm un au!

THILSIEMBUL 49:10

Leng mawlh chuh Juda apat chun mang puo’n tin, Vaihawmna mawlh chule a kengkal apat in mang diek puo’n a; Shiloh hung masangsieh chun; chun, namtin in amah thu awi un au.

1 PETER 5:10

Chun, lungsietna Pathien, a kumsawt lopina chang dinga Krista a nanguh hun sampa chun, chawmkhat na thuok nung uh leh, hun siempha bukim in, hun sudet in, hun suhat ina.

HEBRAI 4:1

Zieziekchun lau hitiu, khutilochun, a chawlhna lutna ding thutiem chuh ana um zing ngâl in, na lak uh a khatto ting lo in hung um kha vei un lau.

NASEPTE 28:28

“Zieziekchun, Pathien hukdamna thu hi, Jentel te kawma sawl ahi tai, tih zau in, amau haw chun vang a na ngaitha ding ahiu hi!” a ti a.

ISAI 66:19

Chun, a lak u ah tiemtehna siem ing ka ting, tichun, a lak u a gawtna a suokcha namte Tarshis te, Pul te, thalpi luoi zing Lud namte kawmah Tubal leh Javan te ka minthan dân za khalo leh ka lopina mu khalo tuikuol gamla taka umte kawmah sawl ing ka ting; amau chun Jentel te kawmah ka lopina phuongzak un au.

ISAI 60:5

Zie chuh mu’n na tin, kipâk in dim in na tin; na lungthim chuh kipâk in kithing in la. Namte hauhsakna chuh na kawmah puok in um in tin; Tuipi apat a hauhsaknate chuh na kawmah hungtung ina.

ISAI 59:19

Tichun, tumlam a chêngte chun Lalpa min chuh lau tau intin, suohlam a chengte chun a lopina chuh lau un un au. Amah chuh huih hattak leh tuipi hattak guolin hung ding ahi ngâla.

ISAI 28:12

“Zie tak hi chawlhdamna mun ahi, thachawlte chuh chawlhdam sak un; zie tak hi kisukhalhna mun” ti’n a kawm u ah gen mahleh, a ngaihsak nuom puou hi.

ISAI 2:11

Zie ni chuleh mi kingaisangte chuh sukniem in um untin, mi chapote chuh tawh niemin um in au; Lalpa chauh chuh chawihsân in um ina.

SAM LEHKHABU THE PSALMS 149:5

Mithiengtho haw chuh lopina ah kipâk takin um u henla, A zâlkhun chung hawu ale lâwpin lasau hen.

SAM LEHKHABU THE PSALMS 116:7

Aw ka hinna, na chawlhna achun vaikit in; Lalpa chun na chungah phatak in a hih ta ngâl a.

SAM LEHKHABU THE PSALMS 91:4

A tha’n hun khuh intin, A thanuoi achun bitna mu’n na tin; A thutak chuh phaw neu leh phaw lien ahi.

JEREMIA 6:16

Lalpa chun hiti hin a tii, “Lampi pang haw achun ding unla en un. Lampi pha umna lamluite chuh dawng un la, zie tak achun chieh unla, na thagau u a dingin chawlhna mu’n lau,” ti’n. Himahleh, amau in vang, “Zie lampi chuh hawh puo’ng kau,” a tiu a.

ISAI 14:3

Chun, na lungkhamna haw apat leh na buoina haw apatte, nasep haksa tak ahun sepsak nau haw apat chuh Lalpa’n a hun chawlhsak ni chuleh hiti hi hi’n tin;

THUPHUON 5:5

Ziephet chun, upa laka khat chun ka kawmah, “Kap kih, ngaitie! Keipi bakkai, Juda nam a um, David phung guipi khan, lehkhabuziel chuh phel ding leh, a tiemtehna sagihte chuh phel dingin a zo ta ie,” ei ti a.

KISIMNA 10:33

Khutichun, Lalpa tâng apat a ni thum lam achun a chieh u a; Lalpa Thuthun bawm chuh a giehbuk mun ding uh lemchâng hawl chun a masang u achun a chieh zel a.

ISAI 11:12

Chun, nam tina dingin melchikna tâk dawk intin, Israel nawhdawka um haw chuh puikhawm intin; Juda tai zakte chule kâwlmawng li apat chun puikhawm ina.

ISAI 62:10

Nang haw, Jerusalem a umte haw, khawpi apat hin pawtdawk unla, Na mipite, a hung vaikitte dingin lamlien siem un la, Lam tuongpi siemphau un la, suongte thielngim un! Namte’n a hêt theihna dingun, melchikna tâk dawk un.

ZEKARIA 6:13

Amah chuh Ho-In hun tungdawk kit ding pa chuh ahi a, leng tawh a kal achun kilimbawlna um intin, mipite chungah vai hun hawm ina. Chun, thiempute chuh a lalchutphah kawma chun ding un tin, nuom tak leh kituok takin na sem khawm un au.’

1 KHANGTHUBU 2:12

Chun, Boaz chu Obed pa ahi a, Obed chu Jessai pa ahi.

SAM LEHKHABU THE PSALMS 145:11

Na lalgam lopi zie thugen in, Na thilhih theihna thu chun holim un au.

ISAI 2:2

Ni nunung haw achun hiti hi hung hi’n tin, Lalpa Ho-In dinna tâng chuh tâng lien chung haw a sukdet hi’n tin, tâng dang cheng sanga sangpen hung hi’n tin, Nam tamtak a sung ah lut un au.

ISAI 2:3

Tichun, mi tamtak te chuh hung un tin, “Hung tiem u, Lalpa tângah, Jakob Pathien In achun chiehto hitiu, tichun, a lampite I zuih theih na dingun amah chun ei sinsak ina; Zion apat in dân hung pawt in tin; Jerusalem apat in Lalpa thu hung pawt ding ahi ngâl a,” ti’n.

ISAI 42:4

Leichung a thutanna dik phuhdet a a um masang sieh chuh chau puo’n tin, a lung le kie diek puo’n a; tuikuol gamte chun a dân thu chuh ngaklah takin a um ngâl u a,” ti’n.