ISAI 11:1 - PATHIEN LEKHABU THIENGTHO (BSI)

¹ Jessai bulsum chuh hung seldawk in tin, a zung apat in a bâk khat hung seldawk ina.

ISAI 11:1 ပူးပေါင်းရင်းမြစ်များ

JEREMIA 23:5

“Ngaitiem u! David dinga bâk diktak ka seldawk sak hun ding chuh hungtung ding ahi, tih hi Lalpa kamsuok ahi. Amah chuh leng in chu’n tin, chingthei takin hih ina. Chuleh, gamsung ah dikna leh kitûpna um sak ina.

THUPHUON 22:16

“Kei, Isu hin, sapchuom haw kawmah, zie thu hi hettuoksak dingin, na kawm u ah ka vânsâwlchâk chuh ka hun sawl ahi. David bulpi leh a suon, aksi vak tak chuh ka hi,” a ti a.

ZEKARIA 6:12

Chun, a kawma chun, Bangkim hihthei Lalpa chun hiti hin a tii: ‘Ngaitie, mi, a min Abak kiti chuh a uma; a mun apat in hung khang dawk intin, Lalpa Ho-In chuh hun sa’n a.

THUPHUON 5:5

Ziephet chun, upa laka khat chun ka kawmah, “Kap kih, ngaitie! Keipi bakkai, Juda nam a um, David phung guipi khan, lehkhabuziel chuh phel ding leh, a tiemtehna sagihte chuh phel dingin a zo ta ie,” ei ti a.

ZEKARIA 3:8

Zieziekchun, nang thiempu Lienpen Joshua, ngaitha’n! Nang haw thiempu naseppihte haw, ngaithau in, masang hun lama thilpha hungtung ding etsakna na hi ngâl u a: Ka suokpa, a Bakpi kiti chuh hun sulang ding ka hi.

JEREMIA 33:15

Zie ni haw leh zie hun achun, diktatna Bâk David apat in seldawk sak ing ka ting, zie gam achun diktak leh diktat takin vaihawm ta’n a.

ISAI 53:2

Amah chuh lei gaw tak apat a thil zung kek guola, a suok khan dawk chuh Lalpa phasak lam ahi ngâla. Pienken phatna leh mel hawihna himhim a nei puoh a; amah I muh u a I deih na dingun hawihna himhim a nei puoi!

ISAI 9:7

A gam lien zel intin, a vaihawmna leh chamna chun tâwp tik ni nei puo’n a. David lalchutphah leh a lalgam ah chu’n tin, bawt dawk ding leh sudet dingin diktak leh kitûp takin vaihawm ina, tu apat kumlekhuo’n, Sepaihte Lalpa phatchuomngaihna chun zie chuh hih ina.

ROME 15:12

Chun, Isai in, “Jessai zung chuh um intin, Jentel lenga um dingin A hung pawt ding chule um ina; Amah chuh, Jentel te chun kineppih un au,” a ti kit a.

ISAI 4:2

Zie ni chuleh Lalpa bâk chuh hawih tak leh lopi tak hung hi ta’n tin, a gam gahte chuh Israel chate laka suokcha ana umsunte a dinga kithang-at pih leh a lopinau hung hi ta’n a.

ISAI 11:10

Chun, zie ni chuleh hiti hi hung hi’n tin, Jessai zung, mitin tiemtehna dinga ding chuh, amah ngêi chuh namtin in dawp tau intin; a chawlhna mun chuh lopi ina.

1 SAMUEL 17:58

Chun, Saul chun a kawmah, “Kuo chapa na hi, tangval?” a ti a. Chun, David in a dâwng a, “Bethlehem mi, na suok Jessai chapa ka hi,” a ti a.

RUTH 4:17

Chun, a inveng numeihaw chun a min a sau a, “Naomi a ding in chapa a hung pieng a,” ti’n a min dingin Obed a sau a; amah chuh David pa Jessai pa ahi.

MATTHAI 1:1

Isu Krista hun suontute Abraham leh David suonte khanggui kizawt zie chuh:

HEBRAI 7:14

I Lalpau chuh Juda phung apat a hung pieng a hii tih a kichien ngâl a, zieziekchun, Mosi’n thiempu haw chanchin a gen lai khan ziehi a gen kha.

2 SAMUEL 23:3

Israel Pathien chun a gen a; Israel te suongpi chun: “Mi chunga diktaka vaihawm sek, Pathien kihcha kawma vaihawm sek chu dik ngêi ina.

ISAI 6:13

A sunga mite hi sawm laka khat a um lai chanin sukmangthai zawhin um un tin! himahlele, dawl thing leh gangpi thing a kiphuk nunga a bulsum a um zing bangin, chi thiengtho chuh a bul a na um zing ina,” ti’n.

ISAI 9:6

Ei u dingin naupang a hung pieng a, Chapa piek in I um tau a! Vaihawmna chuh a liengko ah um intin; Amin chuh “Mak, Lemguottu, Pathien Hat, Kumsawt Pa, Chamna Lal Cha,” tih hi ding ahi ngâla.

EZEKIEL 37:25

Na pileputeu ana chênna. ka suok Jakob kawma ka piek gam achun cheng intin un: zie tak achun kumkhuo’n cheng un tin, amau leh a chateu, a chateu chate le: ka suok David chuh kumkhuo’n a leng uh hizing ta’n a.

MIKA 5:2

Himahleh, Aw nang Bethlehem Ephrathah, Juda gamsung a khawpi te laka neupen na hi a, himahlele, nang apat in Israel te vaihawm ding tungdawk ing ka, a phunggui malai pek apat a sût a um ngêi chuh.

1 KHANGTHUBU 2:12

Chun, Boaz chu Obed pa ahi a, Obed chu Jessai pa ahi.

SAM LEHKHABU THE PSALMS 145:11

Na lalgam lopi zie thugen in, Na thilhih theihna thu chun holim un au.

EZEKIEL 17:22

Lalpa Pathien chun hiti hin a tii: “Sidar sang tak zikpi nah dâwng chuh kei ngêi hin lang ka ting, phut ing ka; A zikpi pên zik dâwng chuh thiek ing ka ting, Tang sang kichawi tak ah phut ing ka.