ISAI 10:6 - PATHIEN LEKHABU THIENGTHO (BSI)

⁶ Gâllâk la ding leh, thil lâksak ding leh khawlai buonthuok banga tawh dingin amah chuh Pathien zahlo nam do dingin sawl ing ka ting, ka lungnatna mite do dingin thu pie’ng ka.

ISAI 10:6 ပူးပေါင်းရင်းမြစ်များ

ISAI 9:17

Zieziekchun, Lalpa chun, a tangvalteu chuh taihdawk sak puo’n tin, a nauchagahteu leh meithaiteu chule lungsiet diek puo’n a; a bawn u a Pathien zahlo mi leh thil phalo hihte a hih chiet ziekun, kam pau cheng chun la thu manloh a gen chiet ngâl u a. Khuti khawpa a hihsa chun le, a lungnat chuh a hai diek puo a, gawt dinga a khut thâk chuh a châwl diek puoi.

ZEKARIA 10:5

Tichun, mi hattak bang hung hiu un tin, kidona kawtthêl buonthuok lak achun a melmateu tawhden un au. Lalpa chuh a kawm u a a um ziekin do un au: sakawl chung chuongte chuh zo ngêi ding ahiu hi.

JEREMIA 34:22

Ngaitiem u, zie khawpi a hi hung vaikit ding thu pie’ng ka ting, tih hi Lalpa kamsuok ahi. Tichun, zie khuo hi hun do untin, mei in hâl un au, ti chun, a luoh ding umlo in Juda khawpite chuh a hawm in um sak ding ka hi.”

JEREMIA 25:9

ngaitiem u, mâllam a nam chengcheng chuh sam ding ka hi, Lalpa’n a tii. Ka suok Babulon leng Nebuknezar le sam ing ka ting, amanhaw chuh zie gam leh, a sunga mite leh, a kimvel a nam chengcheng hi do ding leh sumangthai vek dingin hun pui ing ka.

ISAI 19:17

Lalpa’n Judate dinga a thil guonggalh chuh a het tieng u leh, Aigupta mite chuh suklauh in um un au.

MATTHAI 15:7

Nang haw, gukhah te haw, na chungchâng thuu Isai hin a na gen dik na hi.

MIKA 7:10

Zie phat chuleh, ka melma, ka kawma, “Lalpa na Pathien chuh khawitaka um a?” ti a ei dawng te khan zie chuh muu in tin, zakcha ta’n au. Ka mitte chun amahnu chuh en intin, tuhin chuh khawlai buonthuok guola tawhden hita’n a.

JEREMIA 4:14

Aw Jerusalem, gitloh na apat in na lunggil sawp thieng inla, ti a chuh hukdam na hih theih na dingin. Bang chana na ngaihtuoh na gilo chuh na vawp ding?

JEREMIA 3:10

Khutisa chun le a suohpihnu ginumlo Juda chun a lungthim takin ka kawma hung vaikit lo in, pawlawng mai in a hung vaikit a, tih hi Lalpa kamsuok ahi.”

ISAI 63:6

Tichun, mipite chuh ka chilgawp a, ka thangtawmna chun amau chuh ka gawt nêl a; a hinnau thisan chuh leituol ah ka sung tha vek ta a,” ti’n.

ISAI 63:3

“Namte chuh grep bang mai in ka chil a, himahleh, kuomah ei panpih ding a hung puou ui. Ahi, amau haw chuh ka lungnat in ka tawh gawp a, tichun, a thisan hawu chuh ka silhlechen chung ahin a bêk a, ka puon cheng hi a subuok ta ahi.

ISAI 41:25

“Mâllam apat in mi khat ka chawktho a, tichun, a hung ta a, ni suohna lam apat in amin in a sama. Amah chun vaihawmtute chuh buonthuok bang phetin a chil nawi a, bêldêngte’n tung a mêk bang phet un.

ISAI 33:14

Zion a mi gilote chuh a lau tau a, Pathien neilote chuh lau in a kithing sie tau a “Zie tawbang mei mi kangtum thei lak ahin kuo a ding zo ding? Zie tawbang mei kumlekhuo a kuong zing apat hin kuo a hing dawk thei ding?” ti’n.

ISAI 29:13

Lalpa chun, “Zie te haw hin, a kam un ei naih u a; a mûk un ei limbawl u a, himahlele, a lunggil un la ei gamlat ngâl u a, ei ho sek u hi mihiem thupiek a a sinsak maimai bang uh ahi.

ISAI 22:5

Kilâkna guom achun, Lalpa sepaihte Lalpa apat chun, buoina leh tawhden a umna ni leh, lungkhamna ni ahi ngâl a, kulhpi bang hihsietna leh, tâng te kawma panpih ngetna ni tunsak ding ahi.

ISAI 9:19

Sepaihte Lalpa chuh a lungnat ziekin gam chuh a kâng sie a, mihaw chule meia tih ding thing tawbang ahiu a; kuoma’n amah suohpihte a hâwi puou hi.

ISAI 5:29

A thawm u chuh sakeibaknei hâm bang mai hi’n tin, sakeibaknei vanglai in a sa mat ding a ngîk a a mat bangin; amau chuh chieh mang pih untin, kuoma’n hukdawk puo’n au.

2 SAMUEL 22:43

Ziephet chun leia leivui bang mai in ka khen nêl a, Khawlai buonthuok bang mai in ka tawh zuon a, ka theh zak vek a.

ISAI 5:5

“Tuhin, ka grep huon chunga ka hih ding chuh hun hilh ing ka; a ling dai chuh lamang ing ka ting, nek zawhin um in tin, a suong pal chuh suchim ing ka ting, gamsate tawhden in um ina.

ISAI 5:25

Zieziekchun, Lalpa lungnatna chuh a mite chungah a kuong dawk a, gawt dingin a khut chuh a chungu ah a tha a, amau haw chuh a zêp a, tichun, tângte chuh a kilîng dul dul a, a thi luongteu chuh khawlai dung vel achun ninpa bangin a um lemlum a. Khuti khawpa a bawlsa chun le, a lungnat chuh a hai diek puoh a, a khut a tha tei tei nalai hi.

ISAI 7:17

Ephraim in Juda a taihsan ni apat a thil tung ngeilo nite chuh, Lalpa’n na chunga leh, na khuo leh tuite chunga leh, na pa inkawte chunga chun tunsak in a, Suria Leng ngêi chuh hun pui ding ahi.

ISAI 8:8

Tichun, tuilien in achup guolin Judate gam chanin tum lut zul zul intin; let zung zung intin, chuleh, luong pai zung zung in tin, ngâwng le chup pha hiel ina”; chun, a tha zak chun, Aw Immanuel, na gam dung leh vai huop suok ina.

ISAI 24:5

Lei hi a chunga chêngte ziekin a pawlhcheh zo ta a; Pathien danhaw chuh a bawhsieu a, kumlekhuo a thugawlh chuh a bawhsiet tâk ziek un.

ISAI 32:6

Mingawl chun ngawl takin thu gen dawk intin, thil phalo hih ding chu guonggalh khawl ina. Lalpa sukmuolpho na ding lam ngen gen in, gilkielte chuh an a pie ngei puou a, dangchâkte kawm ale dâwn ding a pie diek puou hi.

ISAI 33:1

Ehe! nang suom tuokkhalo pi a, mi suoma pang, chitgil taka bawl tuokkhalo pi a, chitgil taka thilhih, na chung a gik hi! Mi suom na haih tieng leh suomna hun tuok in na tin, chitgil taka hih na haih tieng leh chitgil taka bawl in hung um inla.

ISAI 49:17

“Na gam âwng leh luoh loh a umte, mat loh a umte chuh na chênna dingun neu taluo ta ding ahi. Nanguh hun valh zote kha gamla taka um ta ding ahih ziekun.

ISAI 49:25

Lalpa chun a dâwng a, “Zie thil ngêi chuh ahi a hungtung ding chuh, Sepaihte’n suongkul a a khumteu chuh puihdawk in um un tin, migilo gâllâkte chuh mat in um ina. Nang hun dote chuh do ing ka ting, na chate chu hukdawk ing ka.

EZEKIEL 29:20

Ka na a sep ziekun, Aigupta gam hi a lawh dinga amah chuh ka piek ahi, Lalpa Pathien chun a tii.

EZEKIEL 38:12

Gâllâk thil leh thuomphuo haw la ding leh mun nutsiehsa haw luoh kitte leh namte lak apat puihkhawmsa, gancha leh thuomphuo hau a, lei lailung a chêngte chung achun na khut thak guon la.

EZEKIEL 38:13

Sheba leh Dedan leh Tarshis sumkawlveite leh a sakeibaknei vanglaiteu chengcheng chun na kawmah, “Gâllâk thil la dinga hung na hi maw? Mi suom dinga na sepaihte chuh na hun puihkhawm ahi maw? Tangkaguote, sanate, gancha leh thuomphuo haw tamtak kilak ding na hi maw?” hun ti’n au, ti’n.

HABAKKUK 1:12

Aw Lalpa ka Pathien, ka mi Thiengtho, Nang chuh kumsawt kumsawt a ka Pathien hilo na him? Na thi ngei puoh a, Aw Lalpa amau chuh nangin vaihawm dingin na guot a. Aw nang ka Suongpi, amau haw hih nangin thunun na dinga na tundawk ahiu hi.

2 LENGTE 18:25

Chun, Lalpa thu lo a, na gam hi hun do a, hihsie ding hin nei ngaihtuoh ahim? Lalpa ngêi chun, do ding leh hihsie dingin ei hilh ahi,” a ti a.

ISAI 8:4

Naupang chun, ‘Henu,’ ‘Hepa,’ tihna châng a hun het ma’n le, Damaska hauhsak nate leh, Samari gâllâk sumte chuh Asuria leng chun kipuok mang ding ahi ngâl a,” a ti a.