ISAI 10:5 - PATHIEN LEKHABU THIENGTHO (BSI)

⁵ Nang Asuria lengpa, ka lungnatna khetbuk, ka lunghihlohna mawlh chawipa.

ISAI 10:5 ပူးပေါင်းရင်းမြစ်များ

ZEPHANIA 2:13

Lalpa chun Asuria te sukmangthaina dingin a thilhih-theihna suoh in tin, Ninevi khuo chuh khawpi siesa leh taihsansa leh thalek, tui um lohna bangin siem in a,

ISAI 30:30

Khutichun, Lalpa chun a aw lopi tak chuh zak sak ta’n tin, a lungnatna thilhih theihna huoisie tak tawh, Mei kuong leh vangi te, guohpi huihpi leh giel in a khutthak dân chuh sulang in.

ISAI 14:25

Ka gama chun Asuria mite chuh hihsie’ng ka ting, ka tânghaw achun chil diek ing ka. Zie nung chuleh, Asuria te namkawl chuh amau haw apat bei ta’n tin, a puokgik puok sak u chuh amau haw apat chuh bei ta’n a.

ISAI 10:15

Himahlele, Lalpa chun, “Heicha chun a mang pa chuh a uon khum dinga ahim? Thing-âtna chun a ât pa chuh a nuoisieh dinga ahim? Khetbûk in a dawm pa chuh a dawm zaw dinga ahim? mawlh in mi a mang thei puo a, mi’n mawlh a dawp zawk uh ahi ngâl a,” ti’n.

ISAI 66:14

Tichun, zie chuh mu’n na tin na lungthim kipâk intin; na guhhaw chule ham hing guolin hing dup dup intin; Lalpa khut chuh a suokte chungah a uma, a lung-awih lohna chuh a melmate chungah a um hi tih het hita’na.”

ISAI 13:5

Amau haw, Lalpa leh a lunghihlohna hiemmatte chuh, gam gamla tak, kâwlmawng tâwp apat a hung ahiu ui. Lalpa’n a lungnatna zieka, gam cheng cheng hihsie dinga hung ahi.

ISAI 8:4

Naupang chun, ‘Henu,’ ‘Hepa,’ tihna châng a hun het ma’n le, Damaska hauhsak nate leh, Samari gâllâk sumte chuh Asuria leng chun kipuok mang ding ahi ngâl a,” a ti a.

SAM LEHKHABU THE PSALMS 125:3

Minunsie lal tiengkhut chuh mi diktat gam chan chung achun kinga ding ahi puoh ngâl a; Mi diktat chun a khut hawu a manlohna a khawih loh na dingun,

SAM LEHKHABU THE PSALMS 17:14

Aw Lalpa, na khut in mihiemte lak ah, Khawvel mihiemte lak ahin, humbit inla; Amau chanvo chuh tu damsunga a neih u hi a hi a, A gilpiu chuh na go in na sukdim sak sek a: Cha lungkim na kham set a nei u a, A sum mat val u chuh a chasen teu a taihsan sek ui.

THILSIEMBUL 10:11

Zie gam apat chun a pawt a, Asuria gam ah a lut a, Ninevi, Rehoboth-Ir leh Kalah khuo te chuh a siem a,

2 LENGTE 19:25

“Ziehaw chengcheng chu, malai pek a ka phuh ei tai tih, helo na him? Tuhin, ka kiko dawk ta ahi! Khawpi kulh neite chu, suongchang kisiekhawm bang hiela susie thei dingin thilhih theihna ka hun pie a.

ISAI 7:17

Ephraim in Juda a taihsan ni apat a thil tung ngeilo nite chuh, Lalpa’n na chunga leh, na khuo leh tuite chunga leh, na pa inkawte chunga chun tunsak in a, Suria Leng ngêi chuh hun pui ding ahi.

ISAI 7:20

Zie ni chuleh Lalpa’n sakawlbakcheh kikhel, Luipi gâl lama Asuria leng um chuh mang in, khabemul leh luchang a sam leh taksa chunga mul chengcheng le met nâm vek in a.

ISAI 8:7

Ngaitie, Lalpa chun, Luipi tui khauh takte leh tamtak, Asuria Leng leh a thahatna chengcheng chuh Juda chungah luon sak ka ting, tichun, Euphrates luipi lien, a lui panga let zui zui bangin hung um ina.

ISAI 10:25

Chawmlo kalin ka hun gawtna chuh lipthâk in um ta’ntin, amau haw chuh sumangthai ing ka.

ISAI 14:24

Sepaihte Lalpa chun hitibang a hi gen in, a kipautiem a: “Thawnlo in, ka ngaihtuoh bang tak hin hungtung intin, ka guot bang tak hinle hungtung ina,

ISAI 23:13

Kaldai te gam hi entie! Zie hi a mipite chuh ahi a; Asuria mite chun gamthip a gamsate dingin a mudawk tai; gâlven bûk sangte a sau a, zie a leng In te chuh a phieu a, a susie tau hi.

ISAI 26:20

Aw ka mite haw, hung unla, na indan sung u ah lut un, na kawtteu chuh kikhakkhum un; lungnatna hi a beih ma chengin hun chawmchah mai va kisel un.

ISAI 30:27

Ngaitie! Lalpa thilhih theihna leh a lungnat na mei khu kitung chuh gamla tak apat in a hung hi! A mûk chuh lung-awihlohna’n a dima, a lei chuh mei guola mi katum thei ahi.

ISAI 34:2

Lalpa chun nam tinte chung leh, a sepaihte cheng chung achun lungnatna a nei ngâl a. Amau haw chuh a sumangthai vek a, thah dingin a pie ta a.

EZEKIEL 7:10

Ngaitie, ni chuh, ngaitiem u, a hung tung tai! Na sietna a hung tai, thu dikloh na chuh a pak lun a, uonna chuh a mûm a.

EZEKIEL 22:31

Zieziekchun, ka lungnatna chuh a chung u ah ka buntha ta a; ka thangtawmna mei chun amau chuh ka hâltum ta a; a umdan chiet uh a lu chung u a ka hun tunsak ahi, Lalpa Pathien chun a tii, ti’n,” a ti a.

HABAKKUK 1:12

Aw Lalpa ka Pathien, ka mi Thiengtho, Nang chuh kumsawt kumsawt a ka Pathien hilo na him? Na thi ngei puoh a, Aw Lalpa amau chuh nangin vaihawm dingin na guot a. Aw nang ka Suongpi, amau haw hih nangin thunun na dinga na tundawk ahiu hi.

KISIMNA 24:24

Himahleh, Kittim gam apat in lawng haw chuh hung kitawl in tin, Ashur leh Eber chuh sugimthei untin, Himahleh, amau haw chuh kumsawt a dingin mangthai un au,” ti’n.

2 LENGTE 18:25

Chun, Lalpa thu lo a, na gam hi hun do a, hihsie ding hin nei ngaihtuoh ahim? Lalpa ngêi chun, do ding leh hihsie dingin ei hilh ahi,” a ti a.

ISAI 29:2

Ahih ziekin, Ariel chuh subuoi ding ka hi; Zie tak achun kahna leh mauna um intin, Jerusalem chuh keia dingin Ariel tawbang hung hi’n a.

ISAI 30:9

Ziehaw chuh mi kiphin chîngte, cha lepchiehte, Lalpa dân ngaitha nuom lote ahi ngâl u a.

DANIEL 11:36

“Chun, leng chun a nawp nawpin thil hih intin, amah kichawisang intin, pathien dangte sanga lienzaw leh, pathiente Pathien sanga lienzaw’n hung kikawih in a. Zie tawbang thil chu Pathien in a gawtna hun a tun macheng chu hih thei in a. Pathien in a thil guonggalh lawksa chu hun hih ngêi ding ahi ngâl a.

NAHUM 1:1

Zie hi Ninevi chungchâng a hilhlawkna, Elkos mi, Nahum in kilâkna a muh chuh ahi: