ISAI 10:3 - PATHIEN LEKHABU THIENGTHO (BSI)

³ Gawtna ni achun bang na hih in gamla tak apat a huihpi a hung nun tieng kuo bel ding na hi? Panpihna mu dingin khawilam ah na tai ta die? Na hauhsaknate chuh khawitak ah na selgu ta die?

ISAI 10:3 ပူးပေါင်းရင်းမြစ်များ

LUKE 19:44

Chun, nang leh na cha-na naute chuh tuol khetna’n hun nei un tin uh, na sunga suong kitieng himhim hi hâwi puo’n au, ahun vilthak viel lai uh na hetloh ziekun, khutibang ni haw chuh na chung u ah hungtung ina.” a ti a.

HOSEA 9:7

Gawtna ni a hungtung ta a, mipite chun ditthukna chuh mun au. Zie chuh a hungtun tieng leh Israel te chun he ta’n au. “Zie thiemgau pa hi a ngawl ahi; thagau hatkhum a um mi hi a ngawl ahi!” na tiu a. Na gitlohnau chuh a nasat bêk ziekin nei haw zawu ahi.

JOB LEHKHABU THE BOOK OF JOB 31:14

Pathien a hung kipat tieng leh banga ka lawh ding? A hun dawtchet tieng leh bangin ka dâwng ta die?

1 PETER 2:12

Jentel te, laka na tawihzieu chuh kilawm tak hi hen, khutichun, thil gilo hihte guola a hun gensiet sek nau achun, na thilhih phat uh a muh hawu ziekin, veh a a um tieng u leh Pathien sulopi thei un au.

ZEPHANIA 1:18

Lalpa lungnatna ni chun, a sana teu, a dangkaguoteu ahim in la amau haw hukdawk thei puo’n tin; gam pumpi hi a lungnatna mei chun ka zo vek in a. Gamsung a um chengcheng sumangthai ding ahi a, ahi, manthaina huoisie tak tung ding ahi ngâla.

ISAI 26:21

Ngaitiem u! Lalpa chuh leichung a mite gitloh ziek a gawt dingin, a umna apat in hung pawt ding ahi. A gûka thisan a suoh teu chuh lei in sulang ta’n tin, lei hin a mi thahteu chuh sel ta puo’n a.

ISAI 20:6

Tichun, zie ni chun Philistia tuisuohgiet panga chêngte chun, ‘Ngaitie, ka kinep pên uh, Asuria leng apat a ei hukbit ding leh ei panpih dinga I zawt pên uh chuh hiti hi ahi ta ngâl a; eihaw hi bangti’n I suokcha thei ta ding u?’ hun ti’n au,” a ti a.

ISAI 5:26

Gamla taka namte a dingin melchikna takdawk intin, kâwl mawng tawpa umte chuh saisilit in sam in tin. Tichun, ngaitie, amau haw chuh chan-gang tak leh hât takin hung khawm un au.

THUCHINGTE 11:4

Thihna na tuok ni chun sumlepai in phatchuomna nei puo’n tin; himahlele ginumna chun na hinna hukdawk in a.

DAN NIHNA 28:49

Gamla tak apat, kâwlmawng apat in, mupi kisukkhawh guola chan-gang, a pau le na hetloh uh nam chuh nang u hun do dingin Lalpa’n hun pui intin;

JEREMIA 5:31

Thiemgaute chun lepchieh thu ngen a genlawk u a; thiempute chun la a thu thuu in vai a hawm u a; ka mite chun khutibang hih chuh a nawp lam uh ahi. Himahleh, a tâwp a hung tun tieng bangti’n na hih ta ding u le?

ISAI 39:3

Zielai chun thiemgau Isai chuh Hezekia kawmah a chieh a, a kawmah, “Na kawma hungte kha khawitak apat a hung ahiu hi? Banga a hung gen uh?” a ti a. Hezekia chun, “Gam gamla tak, Babulon apat a ka kawma hung ahiu hi,” a ti a.

ISAI 33:14

Zion a mi gilote chuh a lau tau a, Pathien neilote chuh lau in a kithing sie tau a “Zie tawbang mei mi kangtum thei lak ahin kuo a ding zo ding? Zie tawbang mei kumlekhuo a kuong zing apat hin kuo a hing dawk thei ding?” ti’n.

ISAI 30:16

“Nang u chun la, hilo e, sakawl chunga chu’n taimang ung kau,” na ti zaw ngâl u a, zieziekchun, zie chun taimang ngêi un na tin; chun, “Thil hattak chungah chu’ng kau,” na tiu a; zieziekchun, a hun delh dingte chu, nang haw sanga hât zaw hi’nau.

ISAI 5:14

Zieziekchun, thihna khawvel chun a an duhna chuh a na supung a, a kam chuh teh theih loh khawp in a na ka ta a. Tichun, Jerusalem a miliente leh a mi lopite, a mipite leh a masanga khawhelo khawpa thawm pha leh a laku a a kiletsakpih teu cheng chuh a lut suk sausau tau hi.

2 LENGTE 7:15

Tichun, Jordan lui tiengin a va delh u a; chun, ngaitie, Suria te’n a kinawh bêk ziek u a, a paihmang uh, silhlechen leh thuomphuo te chu lam tungtawna um chu a muu a. A mi sawlte chu a hung vaikit u a, leng chu a hilh tau a.

THILSIEMBUL 31:1

Chun, amah chun Laban chapate’n, “Jakob in ka pau neih chengcheng a lâksak vek a, ka pau apat a hauhsakna a muh ahi,” a tih thuu chuh a hun za ta a.

HOSEA 5:13

Ephraim in a damlohnate mu a, Juda chun a liemnate a muhdawk tieng chu leh, Ephraim chuh Asuria gam vaipawpa kawmah panpihna ngên in chieh intin, himahleh a natna ahim, a liemna ahim chuh sudam thei diek puo’n a.

ISAI 13:6

Mau vungvung un, Lalpa ni chuh a nai ta ngâl a! Bangkim hihthei apat a hih sietna hungtung ding ahi.

ISAI 17:4

Zie ni chuleh hiti hi hi’n tin, “Jakob lopina tâwp ni chuh hungtung intin, a hauhsakna chuh chatgahna’n hun vukdim ta’n a.

ISAI 26:14

Amau haw chuh a thi tau a, hingkit ta puo’n au; a bei tau a, thokit ta puo’n au; a ziek chuh, nangin amau haw chuh a tawpna dingun, na gawt in, na sumangthai ta a.

ISAI 29:6

Van gite, inling te, thawm nasatak te, chinpei te, huihpi te, leh thil katum sek meikuong te mang in Sepaihte Lalpa’n hun gawt ding ahi.

ISAI 30:5

Mipite chuh nam kingakna tâk lo leh, panpih thei lote chunga a kingak ziek u chun muolpho un au.”

ISAI 30:7

Aigupta te chun la bangmah panpih theihna a nei puou a. Zieziekchun, Aigupta min ding chuh, ‘Mi suna lo Gulpi,’ ka sa ta a,” ti’n.

JEREMIA 4:30

Chun, buluh a na um tieng leh bangti’n na um ta die? Puon sandâng silh in, sana te a kichei in, na mit haw chuh nuh theih chin nuh leh chin le na kihawihsakna chuh a thâwn ahi. Na ngaihzawng te chun a hun musit tho u a, na hinna lak guon a hawl ui.

JEREMIA 9:9

Zie thil haw ziek chun amau chuh gawt lo ding ka him, tih hi Lalpa kamsuok ahi. Hiti bang namte chung ahin phuba la lo ding ka him?”

JEREMIA 22:7

Nang hun sumangthai dinga gâlvan chawi chiet in guonggalh ing ka ting, na sidar thing deihchuom haw chuh phuk un tin, mei ah tik un au.

HOSEA 9:5

Khutichun, guntaka kikhawppi ni leh Lalpa limbawlna dinga guolvakna hunbi a hungtun tieng chu leh bang na hih ta ding u?

MIKA 7:4

Tichun, a lak u a mi phapen chuh hampa tawbang ahi a, mi dik pên chuh hamlingnei tawbang ahiu. Pathien in thiemgaute manga a genlawk masak guol khan, a mite a gawtna ding ni chuh a hungtung tai! Tuhin, a buoi na niu chuh a hungtung tai.

ISAI 28:20

Zalkhun chuh kithuon na dingin chawm taluo’n tin, puon chule kikhuh dingin chawm taluo’n a.

AMOS 5:19

Sakeibaknei lau a taimang a, savawm kituokpih mi bang leh, ina lut a, bang chunga khut nga a, gul in a chuk bang chuh ahi.