ISAI 10:26 - PATHIEN LEKHABU THIENGTHO (BSI)

²⁶ Oreb suongpi a Midian te a thah lai u bang khan, Sepaihte Lalpa chun amah gawtna dingin sepna chuh chawktho intin, a mawlh chuh tuisuohgiet chunglam ah lâm intin, Aigupta gama a lap bang khan zêp ina.

ISAI 10:26 ပူးပေါင်းရင်းမြစ်များ

ISAI 9:4

A namkawlteu leh a gawtna mawlh uh a liengko u a kibat zing chuh na sukbawt sak ta a. Na mite sugimthei leh pawngbawl sek namte chuh, Midian sepaihte na zawh guol khan na zo ta a.

VAIHAWMTE 7:25

Chun, Midian te leng nih Oreb leh Zeeb chuh a man u a; chun Oreb chuh Oreb suongpi a chun a that u a, chun Zeeb chuh Zeeb grep thawkna khuk ah a that u a; Midian te chuh a delhzui zel u a, tichun, Oreb leh Zeeb luchang chuh Jordan luigal a Gideon kawmah a hun puo tau hi.

2 LENGTE 19:35

Tichun, zie zan chun, Lalpa vânsâwlchâk chu Asuria te giehmun achun a va chieh a, sepaih nuoi khat leh singgiet leh sangnga a that a. A zing, zingkal mataka a va thawh u chun, ngaitie, mi thi luong ngen cha ahi mai ta a!

PAWTDAWKNA 14:16

Himahleh, nangin na tiengkhut kha hun chawi inla, chun, tuipi chungah na tiengkhut dawm inla, tui chuh hung kikhen u hen; tichun, Israel suonte chuh tuipi sunga lei hul ah chieh in au.

THUPHUON 19:15

Chun, a kam apat in chemzâm hiem tak a hung pawt a, zie chuh namtin a satna ding ahi. A chunguh achun thik tiengin vaihawm intin; Pathien, Bangakai hihtheipa lungnatna nasatak grep thawkna khuk achun chilgawp ina.

THUPHUON 11:18

Namte chuh lungnatna’n a dim tau a, Na lungnatna ni a hungtun tâk ziek leh, Mithi te chunga vaihawmna ni a hungtun tâk ziekin. Na sawntawlawi, na thiemgaute kipahman leh, nang hun ho, na mite chengcheng, a lien a neute kawma kipahman piek ni a hungtung ta ngâl a. Leisiet sumangthaite sukmangthaina ding hun le a hungtun ta ngâl a,” ti’n, Pathien a ho uh a.

ISAI 11:16

Tichun, Aigupta gam apat a a chieh toh niu a, Israel te dinga lamlien a na um bang khan, a mite a suokcha sunte ding chun, Asuria gam apat in lamlien hung um ina.

ISAI 10:24

Zieziekchun, Lalpa sepaihte Lalpa chun Zion a umte kawmah, “Aigupta gama a hun bawl bang u khan, khetbuk a hun khên in, a mawlh chuh na chungah lek mahleh, Asuria mite chuh lau kiu in.

SAM LEHKHABU THE PSALMS 83:11

A milien hawu chuh Oreb leh Zeeb guol khan siem inla; Ahi, a lal hawu chengcheng chuh Zebah leh Zalmuna bang in bawl in.

SAM LEHKHABU THE PSALMS 35:23

Ka Pathien leh ka Lalpa, kisuhalh in la, ka chung a vaihawm ding leh, Ahi, ka thu a ei panpih dingin hak in.

ISAI 30:31

Lalpa aw a zak tieng u leh Asuria te chuh lau un tin, a gawtna khauh dân chuh he ta’n au.

ISAI 9:3

Chun, namte chuh na supung a, a kipahnau le na sukpun sak ta a. Buh ât laia a kipah guol un na thilhih achun a kipâk u a, gâllâk thilte a kihawp lai bangun.

ISAI 30:30

Khutichun, Lalpa chun a aw lopi tak chuh zak sak ta’n tin, a lungnatna thilhih theihna huoisie tak tawh, Mei kuong leh vangi te, guohpi huihpi leh giel in a khutthak dân chuh sulang in.

ISAI 30:32

Lalpa’n amau haw a zêp zui chun, a mite chun thil githei leh khuong khen in zui un au. Pathien ngêi chun Asuria te chuh do ding ahi ngâl a.