ISAI 10:25 - PATHIEN LEKHABU THIENGTHO (BSI)

²⁵ Chawmlo kalin ka hun gawtna chuh lipthâk in um ta’ntin, amau haw chuh sumangthai ing ka.

ISAI 10:25 ပူးပေါင်းရင်းမြစ်များ

DANIEL 11:36

“Chun, leng chun a nawp nawpin thil hih intin, amah kichawisang intin, pathien dangte sanga lienzaw leh, pathiente Pathien sanga lienzaw’n hung kikawih in a. Zie tawbang thil chu Pathien in a gawtna hun a tun macheng chu hih thei in a. Pathien in a thil guonggalh lawksa chu hun hih ngêi ding ahi ngâl a.

HEBRAI 10:37

Pathien lehkha thu’n: “Chawmkhat hal leh, A hung ding pa chuh hung ding ahi ngâl a, Sawt hal ta puo’n a.

2 LENGTE 19:35

Tichun, zie zan chun, Lalpa vânsâwlchâk chu Asuria te giehmun achun a va chieh a, sepaih nuoi khat leh singgiet leh sangnga a that a. A zing, zingkal mataka a va thawh u chun, ngaitie, mi thi luong ngen cha ahi mai ta a!

ISAI 54:7

“Mitphetkal sung cha ka hun taihsan a; himahleh, lungsietna lien tak pum in hun puikit ing ka.

ISAI 10:5

Nang Asuria lengpa, ka lungnatna khetbuk, ka lunghihlohna mawlh chawipa.

SAM LEHKHABU THE PSALMS 37:10

Chawmkhat hal leh mi nunsie haw chuh um ta puo’n tin uh: Ahi, a umna mun chuh en en leh chinle, um ta puo’n a.

ISAI 13:6

Mau vungvung un, Lalpa ni chuh a nai ta ngâl a! Bangkim hihthei apat a hih sietna hungtung ding ahi.

ISAI 26:20

Aw ka mite haw, hung unla, na indan sung u ah lut un, na kawtteu chuh kikhakkhum un; lungnatna hi a beih ma chengin hun chawmchah mai va kisel un.

HAGGAI 2:6

“Khatvei chuh, hun chawmchakhat sung, vante, leite leh gam leh tuipite chu hun sulîng ding ka hi, Sepaihte Lalpa chun a tii.

THUCHINGTE 22:8

Kuole manlohna tuh chun lungkhamna ât intin, tichun, a lungnatna mawlh chuh lawhsam in a.