ISAI 10:24 - PATHIEN LEKHABU THIENGTHO (BSI)

²⁴ Zieziekchun, Lalpa sepaihte Lalpa chun Zion a umte kawmah, “Aigupta gama a hun bawl bang u khan, khetbuk a hun khên in, a mawlh chuh na chungah lek mahleh, Asuria mite chuh lau kiu in.

ISAI 10:24 ပူးပေါင်းရင်းမြစ်များ

ISAI 61:3

Zion a lusûnte chuh vut thasanga pakchavui, lungkhamna sanga kipahna sathaute, nguoina thagau hilo a pahchakna silhlechen te a kawm u a pie ding leh, amau haw chuh diktatna thing Lalpa phuh ngêi, a thil dik hih teu zieka Pathien chuh a lopi theihna dinga sawl ka hi.

ISAI 37:6

Isai chun a kawm u ah, Na puu kawma chuh hiti ahih na gen dinguh ahi: “Lalpa chun hiti hin a tii, ‘Asuria leng suokte apat na thu zak a hun gensietnau kha na lauh loh ding ahi.

ISAI 46:13

Zawhna ni chuh hun hih nai ka ting; gamla lo hiel ding a hi! Ka hukdawkna ni ding chun sawt hal ta puo’n tin; Zion chuh hukdawk ing ka ting, tichun, Ka lopina, Israel te dingin hukdamna chuh Zion achun kawih tang ka,” a tii.

ISAI 37:22

A chungchâng thu Lalpa’n a gen chuh ziehi ahi: Zion chanu, nungak thiengtho chun nang a hun musit a, a hun nuihsan a, Jerusalem chanu chun na nung lam apat in a luchang a hun thinkhum hi.

ISAI 35:4

Lunggil a lauthawng te kawma chun, “Hattak in um inla, lau kiu in! Ngaiun, na Pathien chuh phuba la dingin hung intin, hun hukdawk ding ahi!” tiu in.

ISAI 30:19

Zieziekchun, nang haw Jerusalem a cheng, Zion mipite chuh kap kit ta puo’n lau. Lalpa chuh mi lungsiet thei tak ahi a, panpihna ngên a na kiko tieng u leh hun dâwng ina.

ISAI 27:7

Amah zêpte a zêp bangtak in, Israel te chuh a gawt em? Ahihloh leh, amau thatte chuh a thah vek bangin amau chuh a that sek em?

ISAI 14:29

Aw Philistia gam pumpi, nangmah zêpna mawlh a bawt tâk ziekin, kipâk ki’n; gûl gu nei khat a thih chun, a phalo zawsem hung um kit ding ahi ngâl a. A tûi apat chuh gûl leng thei hung pieng ding ahi ngâl a.

ISAI 12:6

Zion a umte haw chuh ngeih tak in kiko u henla, Israel Pathien Thiengtho, a mite laka cheng chuh a lopi ngâl a,” ti’n.

ISAI 10:5

Nang Asuria lengpa, ka lungnatna khetbuk, ka lunghihlohna mawlh chawipa.

ISAI 9:4

A namkawlteu leh a gawtna mawlh uh a liengko u a kibat zing chuh na sukbawt sak ta a. Na mite sugimthei leh pawngbawl sek namte chuh, Midian sepaihte na zawh guol khan na zo ta a.

ISAI 4:3

Khutichun, Zion a nutsieh a um nalaite leh Jerusalem a a damsung u a um dinga guotte chuh, “Mi thiengtho” tih hi’n au.

PAWTDAWKNA 14:9

Chun, Aigupta mihaw chun sakawl chengcheng leh lengpa kangtalai leh a sakawl chung chuong mihaw leh a sepaihte chu tawh a delh u a. Pi-hahiroth naih Baal Zephon mun a Tuipi San panga a gieknau achun a va delhpha tau a.

PAWTDAWKNA 5:14

Chun, Aigupta mi nasem enkawlte chun Israel chate laka lawiupa dinga a guotteu chuh a zêp u a, “Bangti dana thangni haw leh tuni ahi le tuma a banga cheklei siem hi na zawh loh uh ahi?” ti’n a hawk diek diek u a.

ISAI 7:4

Kigingpha ding leh, thipkêi a um a, lau lo leh buoi lo hiela um dingin hilh in. Leng Rezin leh, Suria te leng Pekah lungnat chuh meikhuoh thi vangvang sanga lauh-um lo zaw ahi a,

ISAI 12:2

Ngaitie, Pathien chuh ka hukdamna ahi a, Amah taksang ing ka ting, lau puo’ng ka. Jehovah chuh ka hatna leh ka thilhih theihna ahi a, amah chuh ka hukdamna ahung hi tai, ti’n ahi.

ISAI 30:32

Lalpa’n amau haw a zêp zui chun, a mite chun thil githei leh khuong khen in zui un au. Pathien ngêi chun Asuria te chuh do ding ahi ngâl a.

ISAI 51:13

Kei Lalpa hi nangmau hun siempa, vante zak palh a, lei kingakna phumpa chuh ka hi tih hengilh na hi tau em leh? Bangti dana nangmau hun nuoi sieh nuomte lungnat lau a um zing na hiu em?

MIKA 5:5

Chun, ziehi I kichamna dinguh hi’n a; Asuria ten I gam uh a hun do u a, I lal In hawu a hung tawh tieng leh amah do dingin belampu sagih leh mi lopi tak tak giet kiteldawk hitiu.

2 LENGTE 19:6

Chun, Isai chun a kawm u ah, “Na puu kawmah hiti hin gen un, na thu zak, Asuria lengpa mite’n ahun gensietnau haw kha lau ki’n.