ISAI 1:9 - PATHIEN LEKHABU THIENGTHO (BSI)

⁹ Sepaihte Lalpa chun sukmangthai mâwk tawmcha a na nutsieh sak lo hile chuh, Sodom guolin ana um tai ting un, Gomorra tawbang khah hita ding I hiu hi.

ISAI 1:9 ပူးပေါင်းရင်းမြစ်များ

THILSIEMBUL 18:26

Chun, Lalpa chun, “Sodom khuo sung ah mi diktat sawmnga tieng le ka muh chun, amau haw zal chun khuo pumpi chuh hâwi ing ka,” a ti a.

THILSIEMBUL 18:32

Amah chun, “Aw Lalpa lungna hiel ki’n la, khatvei hun gen kit ing ka; zie tak achun sawmkhat mai na mu kha mawh die” a ti a. Amah chun, “Sawmte ziek chun le sumangthai puo’ng ka” a ti a.

THILSIEMBUL 19:24

Tichun, Lalpa’n Sodom leh Gomorra chung achun van a Lalpa kawm apat chun mei leh kât a zuk sak ta a.

1 LENGTE 19:18

Himahlele Israel gam ahin Baal maa khupdin ngeilo leh, a lim uh châwp ngeilo mi sangsagih kei a dingin ka kawih nalai hi,” a ti a.

2 LENGTE 19:4

Asuria leng in Pathien hing gensie dingin Rabshakeh a hun sawl a. Lalpa na Pathien chun zie ho sietna thu leh gensietna thu chu hun za’n, zie tawbanga gente chu gawt hen. Zieziekchun, Pathien kawmah, ka mipite hinhawih a umsunte ding chun paucham in,’ a tii,” a tiu a.

ISAI 1:8

Zion chanu chuh grep huon a venbuk bang leh, changmai huon a bûk bang leh khawpi huol kimvel bang mai in nutsieh in a um tai.

ISAI 11:11

Zie ni a hungtun tieng chuleh, Lalpa’n a mite sukmangthai loh a na umsunte Asuria gam apat te, Aigupta gam apat te, Pathros gam apat te, Kush gam apat te, Elam gam apat te, Shinar gam apat te, Hamath khuo apat te, Tuisuohgiet tuikuol apat te chuh la kit dingin, a thilhih theihna khut hun zak kit ina.

ISAI 11:16

Tichun, Aigupta gam apat a a chieh toh niu a, Israel te dinga lamlien a na um bang khan, a mite a suokcha sunte ding chun, Asuria gam apat in lamlien hung um ina.

ISAI 17:6

Himahleh, olive thing, lawh zawh kêi nunga, a zîk pi sangpen lêk a gah nih ahim, thum ahim leh thinggah tak mai bâk zik zum a gah li ahim, nga ahim a um sek bangin, tawmcha nutsieh in um ina, Lalpa Israel te Pathien chun a tii.”

ISAI 24:13

Lei chunga mi chengcheng chungah, hiti bang hin hung um ding ahi ngâl a, olive thing khet nunga a gah a na um sek bang leh, grep lawh nunga muh khelh a na um sek bang hi hi’n a.

ISAI 24:6

Zieziekchun, lei hi Pathien in hansie a buok khum ta a, a luohte thilhih ziek ngeia thiemloh chansakin a um tai. Zieziekchun, atawm deuh deuh u a, mi tawmcha mai nutsieh in a um tau hi.

ISAI 37:4

Asuria Leng chun a milien Rabshakeh chuh Pathien hing gensie dingin a hun sawl a. Lalpa Pathien in a gensietnau chuh a za ta a; a thugen dungzui chun gawt tei hen. Zieziekchun, nutsieh a um mipite ding hin Pathien kawmah paucham sak in,” a ti a.

ISAI 46:3

Aw Jakob insung mite leh Israel insung a nutsieh a um tawmchah te, gilpi apat a ka puok a, sûl apat a ka kipawlpihte haw, ka thu hi ngaithau in!

ISAI 6:13

A sunga mite hi sawm laka khat a um lai chanin sukmangthai zawhin um un tin! himahlele, dawl thing leh gangpi thing a kiphuk nunga a bulsum a um zing bangin, chi thiengtho chuh a bul a na um zing ina,” ti’n.

ISAI 65:8

Lalpa chun hiti hin a tii, “Grep tui chuh a gah apat kithawk dawk ahi a, susie kiu in, zie chun vangsakna a um hi” a tih guol un. Ka suokte ziekin sumangthai vek puo’ng ka ting; a bawn un sumangthai lo ding ka hi.

JEREMIA 23:14

Jerusalem thiemgaute chunga le, thil zahhuoi tak ka mûi. Zawl a sai uh a, lepchieh in a khuosau a; thil gilo hihte khut chuh a suhat uh a, mite’n a nunsietnau a kisik loh lawh tau a, Kei dingin Sodom khuo a mite bang a hung hi vek tau hi! A khuo sunga mite cheng le Gomorah khuo mite bang a hung hi vek tau!

JEREMIA 42:2

Thiemgau Jeremia kawmah, “Na masanga ka nget nau hi pawm hi henla, kei uh zie a nutsieh a umte a ding hin, Lalpa na Pathien kienga ei paucham sak dingin ka hun ngên ui. Nei muh bang in mi tamtak laka pat in tawmchah mai nutsieh a um ka hi ngâl u a.

JEREMIA 50:20

Zie ni leh hun achun Israel thulimlohna chuh hawl untin uh, mahleh mu puo’n au. Juda thilhihkhelh le muh ding um diek puo’n a; a um dinga ka sîtte chuh ngaidam ding ka hi ngâla, tih hi Lalpa Pathien kamsuok ahi.”

SUNNA LA 3:22

Lalpa lungsietna zieka sukmangthai a umlo I hiu hi; a zahngaihna chu a bei ngei puoh a.

SUNNA LA 4:6

Ka mite chanu gitlohna gawtna chu; Sodom gitlohna gawtna sangin a huoisie zaw a, Pathien khut apat in thakhat in a chungu ah sietna a hung tung tai.

EZEKIEL 14:22

Ahihziekin, ngaitie, puih dawka um ding, a suokcha sun haw chuh, chanute le chapate le, a sunga chun nutsieh in um in au; matheilo in na kawm u ah hung pawt intin un, a umdan u leh a thilhih hawu phatloh zie chuh mun na tin uh, Jerusalem chunga sietna ka tunsak chuh hethiem ta’n lau, ka na tun saksa chengcheng haw le,

EZEKIEL 6:8

“Ahihziekin, na lak u a khenkhatte chuh hinghawih ing ka; gamtina thehzak a na um tieng u leh na lak u a khenkhat in nam haw laka chuh chemzâm a pumpelh theihna dingun.

JOEL 2:32

Chun, tihi hi’n tin, kuole, Lalpa min sam tapohte chuh hukdam hin au: Lalpa’n a gen bang khan, ‘Zion tâng leh Jerusalem a khenkhat chuh suokchau un tin; ka telte chauh chuh hing dawk un au,’ ” ti’n.

AMOS 4:11

“Sodom leh Gomorra khuo Pathien in a sukchip lai bang khan, na lak uh a khenkhat ka suchim a, meikuong laka thingkhuoh lâkdawk bang na hiu a: khutisa chun le ka kawmah na hung vaikit puou ui,” Lalpa chun a tii.

HABAKKUK 3:2

Aw Lalpa, na thilhihte chuh ka na heta a, maksakna’n ka dim tai. Thil lopi takte na hih sek kha, zie kum haw hun sung hinle hih kit in. Na lungnat inle, ka chungu ah zahngai tei in.

ZEPHANIA 2:9

Khutichun, Sepaihte Lalpa, Israel Pathien chun, “A hi’n a ka hin sung chuh, Moab chuh Sodom tawbang hung hi’n tin, Ammon te chuh Gomorra mite bang hung hi’n au; thakhai mun leh chi khuk leh kumkhuo luoh loh hung hi’n a. Ka mi a na um nalaite chun amau haw chawmgam un tin, a gam u chuh luoh un au.”

MATTHAI 7:14

Hinna a chiehna kawt chuh a chîp a, a lampi le a tiek a, a mute le tawmcha ahiu hi.

ROME 9:27

Isai inle Israel mite thu kikopih in, “Israel mite chuh tuisuohgiet pîlnel zat in tam mahleu le, a gawt mâwkte mai chuh hukdam in um un au.

ROME 9:29

Isai mah in, “Mipite Lalpa chun chi sep zak ding ei na nutsieh lo hi le chuh, Sodom khuo guolin ana um tai ting uh, Gomorra khuo guolin siem in ana um tai tiu,” ti a a gen guol mah khan.

DAN NIHNA 29:23

Gam pumpi chuh chi leh kât a dim, bangmah kichîn lohna, bangmah cha keh lohna leh hampa nasan le a keh lohna hi’n a. Gam chuh Lalpa’n lungna leh hachangthaka a suksiet Sodom leh Gomorra leh Admah leh Zeboiim khawpi haw tawbanga kha suksiet hi’n a.

2 PETER 2:6

Pathien in Sodom leh Gomorra khawpi chuh thiemmawh chan sak in, mei in a sumangthai ta a, tichun, Pathien khawksaklote chunga thil hungtung dingte etsakna dingin a hun mang ta a.

THUPHUON 11:8

Tichun, a luong u chuh a Lalpau a khetdênnau, khawpi lien tak khawlai dung achun kital ina. Zie khawpi etsakna min ding chun, Sodom leh Aigupta a tih uh a hii.