ISAI 1:8 - PATHIEN LEKHABU THIENGTHO (BSI)

⁸ Zion chanu chuh grep huon a venbuk bang leh, changmai huon a bûk bang leh khawpi huol kimvel bang mai in nutsieh in a um tai.

ISAI 1:8 ပူးပေါင်းရင်းမြစ်များ

JOB LEHKHABU THE BOOK OF JOB 27:18

A In sak chuh mawmgâng tawbang ahi a, Mi, gâlveng in a bûkcha a siem bang phetin.

SAM LEHKHABU THE PSALMS 9:14

Nangmah pahchak na chengcheng chuh ka hetsak theihna ding in; Zion chanu kawtpi haw achun, Nei hukdamna a hin lawp ing ka.

ISAI 1:7

Na gam u chuh a hawm zo ta a; na khawpiteu chuh mei in a katum zo a, na mit muh ngêi un na gam u chuh gamdang mite’n a la zo u a, a hihsie zo tau hi.

ISAI 1:9

Sepaihte Lalpa chun sukmangthai mâwk tawmcha a na nutsieh sak lo hile chuh, Sodom guolin ana um tai ting un, Gomorra tawbang khah hita ding I hiu hi.

ISAI 10:32

Tuni ngêi hin Nob khawpi ah melmate a um u a; Zion tâng, Jerusalem tângvum chuh khut a thin khum u a.

ISAI 29:3

David guolin hun ûmkimvel ing ka ting, nang hun dona dingin gâlven bûkte sang ka ting; hun buluh ding ka hi.

ISAI 30:17

Mi khat lau in mi sang khat tai un na tin; mi nga lau in, a hawn in taisie dup dup unlau; a tâwp leh, tângsip a piel pak tak bang leh, muol chunga melchikna um bangin nutsieh in um unlau.

ISAI 37:22

A chungchâng thu Lalpa’n a gen chuh ziehi ahi: Zion chanu, nungak thiengtho chun nang a hun musit a, a hun nuihsan a, Jerusalem chanu chun na nung lam apat in a luchang a hun thinkhum hi.

ISAI 37:4

Asuria Leng chun a milien Rabshakeh chuh Pathien hing gensie dingin a hun sawl a. Lalpa Pathien in a gensietnau chuh a za ta a; a thugen dungzui chun gawt tei hen. Zieziekchun, nutsieh a um mipite ding hin Pathien kawmah paucham sak in,” a ti a.

ISAI 4:4

Lalpa’n vaihawmna thagau leh kâkthienna thagau a Zion chanute buokna a silngim a, Jerusalem a thisan suohna zieka buokna cheng a sawpngim tâk ziekin Zion a umte leh Jerusalem a umte chuh “Thiengtho” tih hita’n au.

ISAI 49:21

Zie phat chuleh, na lunggil un, ‘Zie naupangte haw hi kuo’n ei hinsak a hi die aw! Ka chate cheng ka mansak a, ka nei ta puoh ngâl a. Sala puih leh delh manga um ka hi a, zie naupanghaw hi kuo’n a vak let a hi ding u?’” ti’n la.

ISAI 62:11

Ngaitiem u, Lalpa chun kâwlmawng tiengin a phuong ta a; “Zion chanu kawm achun gen inla, Ngaitie, na hukdamna chuh ahung tung ta a, a kipahman chuh na kawmah a um a; na sepman ahun piek ding chuh a masang ah a um hi” ti’n.

ISAI 8:8

Tichun, tuilien in achup guolin Judate gam chanin tum lut zul zul intin; let zung zung intin, chuleh, luong pai zung zung in tin, ngâwng le chup pha hiel ina”; chun, a tha zak chun, Aw Immanuel, na gam dung leh vai huop suok ina.

JEREMIA 4:17

Lo hawng te bang mai in a kimvel achun a um u a, ka chung a a hel ziekun, Lalpa’n a tii.

JEREMIA 6:2

Zion chanu chuh numei melhawih tak leh no tak tawh ka tehkhin ahi.

SUNNA LA 2:1

Bangti dana Lalpa lungnatna meipi chun Zion chanu a khuhkhum a? Israel hawihna chu van apat in lei ah a paih tha ta a. chuleh, A lungnat ni a a kengngakna hezing lo ahi tâm!

SUNNA LA 2:6

Amah I honau Ho-In ngêi chule hiemngam takin huon guolin a susie a: Lalpa chun Zion ah kikhawppi hunbi neite leh Chawlhni te chule hetngilh in a um saka. Lungna takin lengte leh thiempute chu a paih tha tai.

ZEKARIA 2:10

“Aw Zion chanute, lâwpin la sau in! Na lak uh a cheng dingin ka hung ta ngâl a,” Lalpa’n a tii.

ZEKARIA 9:9

Aw Zion chanute haw! lawp un, lawp un nang haw, Jerusalem chanute lâwpin kiko dawk un! En un, na leng chuh na kawmah a hung hi! Amah chuh guolzo leh guol chungchuong in! Kingainiem takin sabiltung chungah a chu a, sabiltungno chung ngêi achun.

JOHAN 12:15

“Lau kih, Zion chanu; Entie, na Leng chuh! Sabiltung no chunga chu’n, Hung ding a hii,” ti a Pathien lehkhabu a zik guol khan.