ISAI 1:5 - PATHIEN LEKHABU THIENGTHO (BSI)

⁵ Bang zieka zêpa um a, kiphin nalai ding na him? Luchang chuh a pum in a na a, lunggil chule a pum in a chau zo tai.

ISAI 1:5 ပူးပေါင်းရင်းမြစ်များ

EZEKIEL 24:13

Na thienlohna chuh hûkna hi ahi a, hun sukthien ka guo a, na thien diek loh ziekin na chunga ka lungnatna ka sunthak vek masangsieh bangmah tik na thienlohna apat chun sukthien hita puon la.

JEREMIA 5:3

Aw Lalpa, thutak chuh na muh nawp lam hilo ahim? amau chuh na zêp a, mahleh a lungkham diek puou; amau haw chuh a ne zo u a, thununna chuh a pawm nuom diek puou hi. A mai u chuh suongpi sanga tak zaw’n ahih u a, a kisik nuom diek puou hi.

ISAI 31:6

“Aw Israel mipite haw, nasatak in amah ana do ta mahleu chun, a kawmah hung kileh kit tau in.

JEREMIA 5:31

Thiemgaute chun lepchieh thu ngen a genlawk u a; thiempute chun la a thu thuu in vai a hawm u a; ka mite chun khutibang hih chuh a nawp lam uh ahi. Himahleh, a tâwp a hung tun tieng bangti’n na hih ta ding u le?

JEREMIA 9:3

A lei u chuh thalchang bangin lepchieh in, lepchieh leh thu diklo chun a mang u a, gam ah a khanglien u a, thutak a khang lo in. Gitloh apat gitlohna lam ah a khang zel u a, kei ei helo in, tih hi Lalpa kamsuok ahi.

JEREMIA 2:30

Na chateu ka zêp a la a phachuom puoh a; a phatpih diek puou hi. Sakeibaknei gawlham tak bang mai in na chemzâm teu in thiemgau te a that zo ta a.

NEHEMIA 9:34

Ka lengteu leh ka milien teu, ka thiemputeu leh ka pileputeu inle na dân chuh a zui puou a. Na thupiek leh thu hetsak amau na hilhgaihna haw chule a ngaitha nuom puou hi.

JEREMIA 5:5

Milien te kawma va chieh in va hopih ing ka ting; amau chun Lalpa dân leh a Pathien uh lampi chuh a heu hi, ka ti a. Himahleh, ziete hin a namkawl uh a susieu a; a gâk na khauhuol chuh a sutan tau hi.

ISAI 33:24

Zie khuo a um chun “Ka dam puoi” ti um ta puo’n tin, a sunga mi umte chuh a gitloh uh ngaihdam hi ta’n au.

ISAI 9:21

Manasseh mite leh Ephraim mite chuh kido un tin, a nih u chun Juda do khawm un au. Khuti khawpa a hihsa chun le, Lalpa lungnat chuh a hai diek puoh a, gawt dingin a khut a tha zing nalai hi.

ISAI 9:13

Himahlele, Israel mite chuh a kisik puou a, amau haw gawt mahleh, sepaihte haw Lalpa lam chuh a nga diek puou.

ISAI 1:23

Na miliente chuh mi kiphin nuom, guchate guolpha ahiu a; mi chengin gawlhgukna sum leh thilpiekte a lau a. Pa neilote a panpih sek puou a, meithaite thugente le a ngaihthak sak puou ui.

2 KHANGTHUBU 28:22

A lungzînna a san deuh deuh phet chun, Ahaz hin Lalpa chungah thil a sukhiel deuh deuh mai ta a.

2 LENGTE 1:13

Chun, leng chun a milien khat leh sepaih sawmnga mah a sawl kit zel a. Zie sepaih sawmnga lawiupa pa chu tâng achun a va chieh to a, Elija masang a chun a va khupdin a, a kawmah, “Aw Pathien mi, zahngai inla, ka hinna leh zie ka mi sawmngate hinna hi hawih sak in.

JEREMIA 13:23

Ethiopia mi vawm in a vun a theng thei em? Gielbem inle a zie a theng thei em? Khutichu ahih theih chun nanguh thil gilo hih sek te hin le thilpha hih thei ven na tiu!

JEREMIA 17:9

“Lunggil hi thil chengcheng sanga thep hatpen, sie tâwp khawk a hi a; kuo a hethiem thei ding?

JEREMIA 44:15

Tichun, mi chengcheng, a ziteu in pathien dangte kawmah gimlim a hâl ui tih hete leh, numei zie taka dingte leh Aigupta gama Pathros a mipi tamtak te chun Jeremia chuh a dawng u a, hiti hin a gen u a.

SUNNA LA 5:17

Zieziek hin ka lunggil sung uh a chau a, ka mitthi tui ziekun khuo ka mu thei ta puou hi.

EZEKIEL 34:4

A zawngkhal haw la na suhat puou a, a damlo haw na sudam puou a, a keng bawng haw na tuom puou a, a vakmang haw na hun puikit puou a, a mang haw le na hawl diek puou a; khauh tak leh nunsie takin na enkawl zawu a.

EZEKIEL 34:16

“A vakmangte chuh hawl ing ka ting, nawhmang a um haw chuh puikit ing ka, a liem haw chuh tuom ing ka ting, a zawngkhal haw chuh suhat ing ka; himahleh, a thau leh a hat haw chuh subei ing ka ting; thu dik in chawm ing ka.