ISAI 1:4 - PATHIEN LEKHABU THIENGTHO (BSI)

⁴ E! nam gilo, manlohna a dim, thil phalo tak hih sek leh, migilo na hi! Na gitlohna chun a hun hihniem a Lalpa Israel Pathien thiengtho chuh na deih puoh a, amah chuh na kiheimangsan uh a, na nungchawn tau hi.

ISAI 1:4 ပူးပေါင်းရင်းမြစ်များ

THILSIEMBUL 13:13

Sodom mite chuh Lalpa mitmuh in huoisie taka nunsie leh migilo ahiu hi.

2 LENGTE 21:22

Tichun, Lalpa, a pilepute Pathien chu a taihsan a, Lalpa thupiek chule a zawp diek puoh a.

2 KHANGTHUBU 12:1

Chun, Rehoboam in gam chu ahung kiphuhdet a, mi hattak a hung hih phet chun, amah leh a mipi te chengcheng chun Lalpa dân chu a kiheimangsan tau a, Israel mi cheng inle amah a zui tau hi.

2 KHANGTHUBU 27:2

A pa Uzziah guolin Lalpa kipah lam in thilpha a hih sek a, himahleh a pa guol in Ho-In a gimlim hâl in thil a hih guo puoi. Mipite vang chun gitloh na a hih zawm zing u a.

NEHEMIA 1:7

Na chungah thil phalo tak chuh ka na hih tau a; na suok Mosi kawma na thupiek Dan leh vaihawmna chuh ka na zawp ta puou hi.

SAM LEHKHABU THE PSALMS 58:3

Minunsie te chuh a nuu sunga kipan mawng mawng inle a chieh khiel u a, Pathien apat a khen in a um u a: A suok u akipat in zuou thugen a gen sek ui.

SAM LEHKHABU THE PSALMS 71:22

Tumgit in hun pakcha’ng ka ting, Aw ka Pathien na ginumna ngêi chuh: Aw Israel mithiengtho, Kingkang in nang hun pakcha’n la sa’ng ka.

SAM LEHKHABU THE PSALMS 78:40

Gamgaw akhan amah chungah a kiphin zing u a, Gamgaw achun amah chuh a sulungkham u a!

SAM LEHKHABU THE PSALMS 78:41

A vel velin Pathien a patep u a, Israel mithiengtho chuh a sunuok sek ui.

SAM LEHKHABU THE PSALMS 78:57

Himahleh, a kilehhei u a, a suonteu bangin gukhah takin a hih zaw tau a; Thalpi lung kâwi tawbang in a chieh kâwi u a.

SAM LEHKHABU THE PSALMS 78:8

A suonteu banga, Suon genhak leh kiphin hât; Suon lunggil detlo, Pathien kawma lunggil muon umlo pu a a um loh na dingun.

SAM LEHKHABU THE PSALMS 89:18

Ka phawu hi Lalpa a ahi ngâla; Ka Lal u hi Israel Mi Thiengtho ahi!

PAWTDAWKNA 32:7

Lalpa’n Mosi chuh a hopih a, “Va chieh suk ta’n, mipite Aigupta gam apat a na hun puihdawkte khu a kisusie zo vek tau hi.

ISAI 1:23

Na miliente chuh mi kiphin nuom, guchate guolpha ahiu a; mi chengin gawlhgukna sum leh thilpiekte a lau a. Pa neilote a panpih sek puou a, meithaite thugente le a ngaihthak sak puou ui.

ISAI 1:28

Himahleh, migilo leh thil hihkhielte chuh suksiet khawm in um untin; Lalpa ngaihsak lote chuh sukchimit in um un au.

ISAI 10:6

Gâllâk la ding leh, thil lâksak ding leh khawlai buonthuok banga tawh dingin amah chuh Pathien zahlo nam do dingin sawl ing ka ting, ka lungnatna mite do dingin thu pie’ng ka.

ISAI 12:6

Zion a umte haw chuh ngeih tak in kiko u henla, Israel Pathien Thiengtho, a mite laka cheng chuh a lopi ngâl a,” ti’n.

ISAI 14:20

Na gam na hihsiet a, na khuoletuite na thah ziekin, leng dangte vuih guola vuih in um puo’n la na suonte chuh kumlekhuo’n hing puo’n au.

ISAI 29:19

Mi kingainiem te chun Lalpa a kipahna thak chuh nei kit un tin; chun, mi chagahte chuh Israel mi thiengtho achun limbawl in um tan au.

ISAI 3:8

A lopina mit tunsak dingin, a kamsuok u leh a thilhih u chuh Lalpa deihloh lam ahih ziekin Jerusalem chuh a sie zo a, Judate chuh a puk zo ta ngâl a.

ISAI 30:1

Lalpa chun, “Cha, helchîngte chung chuh a gik hi! Ziete chun mi thu a dawng u a, kei chu vang ei dawng puou a; a gitlohna chung u a gitlohna behlapna dingin khuhna’n a khuh u a, ka thagau thu’n vang a khuh puoh ngâl u a.

ISAI 30:15

Lalpa Pathien, Israel Mi thiengtho chun, “Vaikit un la, muong takin ei gingcha mai leu chun; hukdam in um in na tin un; thipkêi in ei gingcha mai leu chin hung hât un na tin, bit un lau,” a ti a. Himahlele, na nuom ngâl puou a.

ISAI 30:9

Ziehaw chuh mi kiphin chîngte, cha lepchiehte, Lalpa dân ngaitha nuom lote ahi ngâl u a.

ISAI 31:2

Amah chuh a pil a, sietna a tun sak sek a; a thugen chuh a zukkik ngei puoh a, mahleh, thil phalo hihte chuh hun do ngêi ngêi intin; thil phalo lama mi ana panpihte chuh gawt ngêi ngêi ding ahi.

ISAI 37:23

Kuo ahi na sukminsiet a na gensiet chuh? Kuo chungah ahim na aw na suksan a na mit na chung hah? Israel Pathien Thiengtho chung ngêi ah ahi.

ISAI 41:14

Nang tangtel tawbang chauh Jakob, nang ganhing neu tawbang Israel, himahleh, lau kiu inla, hun panpih ding ka hi. Kei, Israel Pathien Thiengtho, a hun hukdawktu chuh ka hi ngâl a.

ISAI 41:16

Buh chil in chil in na tin, asi chuh huih in tawkmang vek intin, huihpi’n muntin ah thehzak intin: Tichun, nang u chuh Pathien achun kipâk un na tin uh, Israel Pathien Thiengtho hi lopina pie ta’n lau.

ISAI 41:20

Chun, zie chuh mi’n a muh tieng u leh, Kei, Lalpa ngêi hin ka hih ahi tih he ta’n au. Tichun, Israel Pathien Thiengtho hin, zie chuh a hun umsak ngêi ahi tih hechien kei ta’n au.” ti’n.

ISAI 5:19

“Hung kinawh hen la, a hih ding chuh hih hen la; vak kimu ngâl leh aw! Israel Mi Thiengtho chuh I het theih na dingun, a thil guonggalh chuh hun hih zo kin leh,” tite haw na chunguh a gik hi.

ISAI 5:24

Zieziekchun, meikuong in buhpawl a kâktum duok duok sek bang leh, hampa gaw chuh meikuong a a tum zungzung sek bangin, a zung haw chuh muot intin, a pak haw chuh leivui bangin lengto lak lak ina; sepaihte Lalpa dân chuh a deihloh u a, Israel Mi thiengtho thu chuh a ngaihdau ziekun.

ISAI 57:17

A gitloh ziek u leh, a huoiham ziekun a chungu ah ka lungna a, ka gawt a, ka kiheisan ta a. Himahleh, genhak takin a um u a, amau lampi chiet ah a kiheimang tau hi.

ISAI 58:2

Amau haw chun ni chengin ei ho sek u a, Ka lampi thute le het a nuom sek u a; diktat taka hih leh, a Pathien uh vaihawmna haihsan ngeilo namte bangin ka kawmah vaihawmna diktak ei ngên sek u a, Pathien hun naih le a utcha sek ui.

ISAI 65:11

Himahlele, nang haw Lalpa nungngat a, ka tâng thiengtho Zion ngaihsak lo a, vang-etna pathien Gad leh Mini hona dawhkhâng bawla, a tupna a tun dem tih hetna dinga dawhkan a uain chawkhel a khawna sung dim sek te haw;

ISAI 65:3

Ka masang ngêi ah ei sulungna zing uh a, huon thiengtho te achun a kithawi u a; milim pathien maichâmte achun gimlim a hâl zing uh a.

ISAI 9:17

Zieziekchun, Lalpa chun, a tangvalteu chuh taihdawk sak puo’n tin, a nauchagahteu leh meithaiteu chule lungsiet diek puo’n a; a bawn u a Pathien zahlo mi leh thil phalo hihte a hih chiet ziekun, kam pau cheng chun la thu manloh a gen chiet ngâl u a. Khuti khawpa a hihsa chun le, a lungnat chuh a hai diek puo a, gawt dinga a khut thâk chuh a châwl diek puoi.

JEREMIA 15:6

Nangin nei paih tha a, na nungtawlh zel a tih hi Lalpa kamsuok ahi. Khutichun, na chungah ka khut ka tha a, ka hun sumangthai a, kisik hi ka chim tai.

JEREMIA 2:13

Ka mite’n thil phalo nih a hih ta ngâl u a, kei hinna tuikhuk ei taihsan u a; tui kitin na ding tuikhuk a lai u a, a tuikhuk laih u chuh a khi, tui kiting theilo ding chuh!

JEREMIA 2:17

Lalpa na Pathien chun lampi a a hun puih laia na taihmang san ziekin, zie chuh na chunga na tunsak hilo ahim?

JEREMIA 2:19

Na gitloh na ngêi chun hun thawk sak intin, na nungchawn sek na haw chun hun hilhgaih ina; ei kihchak na neilo a Lalpa na Pathien na taihsan hih thil gilo tak leh kha tak ahi, tih hi hun hedawk in muchien inla tih hi, Lalpa Sepaihte Lalpa kamsuok ahi.

JEREMIA 2:31

Aw khangthak te haw Lalpa thu hih ngaihsak un, Israel a ding chun gamthip tawbang ka hi a ahim? Bangti dana ka mite chun, ka pawt chien tau a, na kawmah hung vaikit ta puo’ng kau, a tih uh ahim?

JEREMIA 2:33

Ahun deihchate muh theih na dingin na um dân na hih fel a, numei gilo haw kawm ale na umdan na sinsak ta hi.

JEREMIA 2:5

Lalpa chun hiti hin a tii: “Na pileputeu in kei ahin dikloh na bang a muu hi? Kei apat in gamla tak ah a chieh mang u a; thil thulimlo a delh u a, bangmah lo mai a hung hih u hi,

JEREMIA 32:32

Israel chate leh Juda chate ei sulungna dinga a thil phalo hihsateu chengcheng ziekin, amau haw, a lengteu, a milienteu, a thiemgauteu, Juda mite Jerusalem luoh te chengcheng tawh.

JEREMIA 50:29

“Babulon do dinga thal kap thiem, thalpi mang thiem chengcheng chuh samkhawm un: a kimvel ah bûk sau unla, kuomah pawtdawk kiu hen. A thilhih bang zel in din thuk un; a thilhihsa haw cheng chuh a chungah hih un; Lalpa, Israel mi thieng tho chuh a cho ngam ngâla.

JEREMIA 51:5

Israel leh Juda chuh a Pathien uh, Sepaihte Lalpa chun a taihsan puoh ngâla, A gam u achun Israel Mi thiengtho chunga gitloh na dim mahleh.

JEREMIA 7:19

Kei ka hi ei suklungnat uh, Lalpa’n a tii. Amau haw zahchâkna dingin amau haw hizaw lo maw?

JEREMIA 7:26

Himahleh, ei ngaitha diek puou a, a bil u le a dawh diek puou a; a lunggil uh a sukhauh u a, a pileputeu sang khan a gilo zaw tau hi.

EZEKIEL 14:5

A lungthim uh ka mat kit theihna dingin, amau chun a milim hawu ziekin ei nusieh ta ngâl u a.

EZEKIEL 16:33

Nawhchizuok kawmah mi’n aman a pie sek u a, ahihziekin nangin amau na pie zaw sek hi, a hun deihte chuh muntin apat na kawmah hung u a, a hun kuolpih theih na dingun nangin na zawl zaw sek hi.

EZEKIEL 16:45

Na nu, a pasal leh a chate tennu, chanu khah na hi a, suohpihnu lam achun, a pasal leh a chate tennu suohpihnu na hi a: na nu kha Hit mi ahi a, na pa kha Amor mi ahi.

DANIEL 9:11

Ahi, Israel te chengcheng chun na dante bawhsie’n, na thugente chuh a ngaitha nuom puou ui. Na chungah ka na gilo tau a khutichun, na suok Mosi dana kizik hansiete chuh ka chung u ah na hun tun sak ta a.

ZEPHANIA 1:6

Kei ei kiheimangsan a, ei zui lote leh, amau haw pui dinga ei dawng lote chuh sumangthai ding ka hi,” ti’n.

KISIMNA 32:14

Israel te chunga Lalpa lungnatna lauh-um tak behlap in, nang haw suon gilo hin na puteu tha na sang tau a.

MATTHAI 11:28

“Nang haw, semgim leh puokgik puo chengcheng te haw, ka kawmah hung un la, kei man hun chawlh sak ing ka.

MATTHAI 23:33

Nang haw gulte haw, gûl suonte haw, Gehen a vaihawmna chu bangti’n a na pelhthâk theih dinguh?

MATTHAI 3:7

Himahlele, Pharisaite leh Sadukaite tamtak baptistma chang dinga hung a muh phetin a kawm u ah, “Gûl suonte haw! lungnat hung tung ding hi taihsan dingin kuo hun hilh na hiu hi

ROME 8:7

Phehlevo lunggulh lam chuh Pathien dona ahi a, zie chuh Pathien dân ah a um puoh ngâl a, um le a um thei lo him ahi.

1 KORINTH 10:22

A hihloh leh, Lalpa chuh itthik dinga chawhtho I guot uh ahi maw? Amah sangin I hatzawu a ahi?

DAN NIHNA 29:25

Zie tieng chuleh, mite chun, ‘Aigupta gam apat a, a puih dawk laia a thuthun, Lalpa, a pileputeu Pathien thuthun chuh a kiheimangsan u a:

DAN NIHNA 31:16

Chun, Lalpa’n Mosi kawma chun, “Ngaitie, na pilepute kienga ipmu ding na hi ta a, zie mite hi kipan untin, a va umna dingteu gama pathiente chung achun zawl ei saihsan intin un, ei ngaihsak puo’n tin un, amau tawh ka thuthun chuh bawtsie’n au.

DAN NIHNA 32:19

“Lalpa’n zie chuh a muh phetin, A nawlh tai amau chuh, A chanu a chapate’n a chawh lungnat ziekun.

DAN NIHNA 32:5

A chungah phalo takin ahih u a; A chate ahi puou hi, a dem umna ziekun, Khang ngaihnabei leh lungkawi ahiu.

KOLOSSA 1:24

Tu a, nang u dinga ka thuokna ahin ka kipâk hi, Krista’n a sapum sika a dahum thuok bân chuh, ka sapum ahin ka thuok pih zel zawk ahi; a sapum chuh sapchuom haw hi a hi ngâl a.

THUPHUON 18:5

A gitlohna chun van a su hiel ta a, a gitlohna chuh Pathien in a hezing ngâl a.

VAIHAWMTE 10:10

Chun, Israel chate chun, “Ka Pathien u chuh ka na kihei mang san u a, Baal te na chuh ka nasep tâk ziekun na chungah thil ka hihkhiel tau hi,” ti’n Lalpa a sam u a.