ISAI 1:31 - PATHIEN LEKHABU THIENGTHO (BSI)

³¹ Chun, mihat tak chule buhpawl bang hita’n tin, a nasep chuh meisi tawbang hi’n a; tichun kâng khawm un tin, a phelh mit ding kuomah um puo’n au.

ISAI 1:31 ပူးပေါင်းရင်းမြစ်များ

ISAI 66:24

“Tichun, chiehdawk sek un tin, ka chunga kiphinte luong chuh mu sek un tin, a than u chuh thi ngei puo’n tin, a mei chule mit ngei puo’n tin; mi chengcheng mitmuh achun thil kihdak-um tak hi ta’n au,” ti’n.

MALAKI 4:1

Ngaitiem u, ni chuh hungtung ding ahi, “Mi kiletsakte leh mi gilote chengcheng buhpawl banga a kâktum ni hungtung ding ahi tai! Zie ni chuleh, katum vek in tin a zung leh a bâkte le sit hiel puo’n a, Bangkim hihthei Lalpa chun a tii.

EZEKIEL 32:21

Sheol a um gâlhât mihatte chun amah leh amah ana panpihte chuh: A hung suk tau ie, chemzâma thah, zektan loh te tawh a kizam khawm tau ie, ana ti’n au.

THUPHUON 20:10

Tichun, amau haw thempa Diabol chuh. sahang leh thiemgau lêm umna, mei leh kât dîl achun a paih tau a; tichun, kumkhuotuong in, a sun a zan a sukgimtheih in um ta’n au.

THUPHUON 19:20

Tichun, sahang chuh a man uh a, thiemgau lêm, sahang melchikna nei leh, a lim note a lepbawl theihna dinga thilmak a mitmuh uh a hihpa khale a man tel uh a. A nih uh chun, mei leh kât a kâng dil achun a hingsan in a paih lut tau a.

MATTHAI 3:10

Tu zieng hin le heicha thing bul tin ah a kawih tau hi; khutichun thing tin, gah pha suoh lo cheng chuh phuk in, mei ah a paih sek ui.

ISAI 50:11

Himahleh, nangmau meisel kidet a, thal kuong thei chawite haw, na thal kuong thei vak uh a chun khawsa himhim tiem u, Lalpa khut na thuok ding u chuh gim-um leh huoisie tak hiding ahi.

ISAI 43:17

Sepaih leh sepaih hawn lopi takte chuh sietna ah a pui a, sakawl leh kangtalaite sepaih haw ngêi chuh, a puk u a, thokit nei ta puo’n au! khuoilu thaumei mût mit banga mût mit in a um tau hi,

ISAI 33:14

Zion a mi gilote chuh a lau tau a, Pathien neilote chuh lau in a kithing sie tau a “Zie tawbang mei mi kangtum thei lak ahin kuo a ding zo ding? Zie tawbang mei kumlekhuo a kuong zing apat hin kuo a hing dawk thei ding?” ti’n.

ISAI 27:4

Grepte chung achun lungna ta puo’ng ka ting, ling leh hamlingneite’n ei hun do u chun amau haw do dingin chieh ing ka ting, mun khat ah hâl tum ding ka hi.

ISAI 26:11

Aw Lalpa, na khut chuh na dawmsang a, himahleh a mu ngâl puou a; amahvang chuh, mite dinga na phatchuomngaihna chuh muu untin, zakcha ta’n au; ahi, nang hun dote chuh mei in kângtum ina.

ISAI 9:19

Sepaihte Lalpa chuh a lungnat ziekin gam chuh a kâng sie a, mihaw chule meia tih ding thing tawbang ahiu a; kuoma’n amah suohpihte a hâwi puou hi.

ISAI 5:24

Zieziekchun, meikuong in buhpawl a kâktum duok duok sek bang leh, hampa gaw chuh meikuong a a tum zungzung sek bangin, a zung haw chuh muot intin, a pak haw chuh leivui bangin lengto lak lak ina; sepaihte Lalpa dân chuh a deihloh u a, Israel Mi thiengtho thu chuh a ngaihdau ziekun.

VAIHAWMTE 15:14

Chun, Lehi mun a hungtun phet un Philistia te’n a na muok u a, a kiko vengvung mai u a; chun, Lalpa thagau chuh a chungah nasa takin a hung tunga, tichun, a khut a kân nau khauhuol haw chuh patzang mei in a kâk tan a bang zieng ta a.

MATTHAI 3:12

A khut in a leipuk a chawi a, a phuol zap thieng kei intin, buhpanga chun a buh khum in tin, a si vang chuh mei mittheilo in hâl tum ina,” a ti a.

ISAI 4:4

Lalpa’n vaihawmna thagau leh kâkthienna thagau a Zion chanute buokna a silngim a, Jerusalem a thisan suohna zieka buokna cheng a sawpngim tâk ziekin Zion a umte leh Jerusalem a umte chuh “Thiengtho” tih hita’n au.

ISAI 24:6

Zieziekchun, lei hi Pathien in hansie a buok khum ta a, a luohte thilhih ziek ngeia thiemloh chansakin a um tai. Zieziekchun, atawm deuh deuh u a, mi tawmcha mai nutsieh in a um tau hi.

ISAI 33:11

Buhsi chuh nau guolin vawp in na tin un, buhpawl hing un lau; na huu a na hat u chuh nang hun katum ding mei ahi.

ISAI 66:17

Huon haw a kithawi dinga amah leh amah kisuthieng leh kithiensak a kizui dup dupte leh, vawksa leh thil kihdak-um te, santhim sa nete chuh mangthai khawm ding ahiu hi, Lalpa’n a tii.

JEREMIA 21:12

Aw David inkuonte haw Lalpa chun hiti hin a tii: “Zingkal in diktakin vaihawm unla, mi sugimtheite khut apat in sukgimtheih a umte chuh hukdawk un la, khutilochun, na thil gilo hih ziek u hin ka lungnatna chuh mei guola kuong in, kuomah phelh theih loh in hung kuong khan a”