ISAI 1:26 - PATHIEN LEKHABU THIENGTHO (BSI)

²⁶ Chun, na sunga vaihawmte chuh a tûnga a um bang u khan umsak kit ing ka ting, na sunga lemguotte chule a masapen a a um bang u khan umsak kit ing ka ting, zie zawh chuleh Jerusalem chuh, ‘Dikna khawpi, khawpi ginum’ tih hung hi kit ina.”

ISAI 1:26 ပူးပေါင်းရင်းမြစ်များ

ZEKARIA 8:3

Lalpa chun hiti hin a tii, ka khawpi thiengtho, Zion lam ah hung kihei kit ka ting, Jerusalem lailung achun cheng ing ka, tichun, Jerusalem chuh THUTAK KHAWPI, ti a het hi’n tin, Lalpa tâng chuh, Tang thiengtho tih hi ta’n a.

JEREMIA 33:7

Chun, Juda saltanna leh Israel saltanna apat in puikit ing ka ting, a tunga ka siem bang khan siem dawk kit ing ka.

THUPHUON 21:27

Himahlele, thil buok himhim khawpi achun lut puo’n tin, thil muhdahum hihte leh, lepchieh gente le lut diek puo’n au. Belamno Hinna Lehkhabu a min a zikteu maicha lut un au.

ZEKARIA 8:8

Chun, hun puikhawm ing ka ting, Jerusalem ah cheng tan au, Tichun, ka mite hiu in tin, Kei a Pathien uh hi’ng ka.”

ZEPHANIA 3:13

Israel mi, a suokcha te chun, kuomah diklo takin bawl puou un tin; lepchieh gen ta puou un tin, mi thep le guo diek ta puo’n au. Kiphathei tak leh bit takin um un tin; kuoma’n sulau ta puo’n au” ti’n.

EZEKIEL 45:8

Zie chuh vaihawm miliente’n Israel gamsunga a chanvo dinguh hi’n tin, khutichun leng chate chun mipite chuh sugimthei ta puou intin, Israel mipite chun a nam dungzui in gam nei un au.

JEREMIA 33:11

Lawpna aw te moneipa aw te, mo aw te tawh, Lalpa In a kipahthu genna thilpiek hun chawi kawm in “Sepaihte Lalpa chuh pakchau un, Lalpa chuh apha ngâla, A zahngaihna chuh kumlekhuo’n um ding ahi ngâla” ti a hun gen ding ahiu a, A tunga a um bang bang in gam chuh tungdawk kit ding ka hi ngâla, tih hi Lalpa kamsuok ahi.

JEREMIA 31:23

Israel Pathien, sepaihte Lalpa chun hiti hin a tii: “A saltannau apat a ka puihkit tieng leh Juda gam leh a khawpi teu achun zie tawbang paukam hi mang kit un au, ‘Aw dikna umna mun, aw tâng thiengtho, Lalpa’n hun vangsak hen,’ tih hi.”

ISAI 60:21

Na mipite le a bawn un mi diktat hiu intin; kumlekhuo’n gam hi luoh un au. Mitin kawma ka lopina sulang dingin Amau haw chuh ka phut a, ka siem ahi ngâl uh a.

ISAI 60:14

Chun, nanguh hun sugimthei sekte suonlepak haw chuh hung un intin; na masang u ah khupbawk un au. Tichun, a hun musitte chengcheng khan chibai hun bûk in na kêngpêk nuoi ah khun un au. Zie tieng chuleh nang chuh, “Lalpa khawpi Israel Pathien Thiengtho khawpi, Zion” hun ti’n au.

ISAI 33:5

Lalpa chuh a lopi na e! Thil bangkim chungah thu a nei a. Zion chuh thudik leh dikna’n a hih dim ta a,

ISAI 1:21

Bangti dana khawpi ginum tak chuh nawchizuok hung suok ahi ta die aw! Thudik a vaihawm sek, diktatna a dim ahih maizen tawh, tuhin vang chuh tuolthatte a chêng tau hi.

KISIMNA 12:3

Mosi chuh lei chunga mihing cheng lak a mi kingainiem pên ahi a.

ZEPHANIA 3:9

“Zie ni chuleh mite chuh pau thiengtho pie’ng ka ting, lungthim munkhat pu a, Lalpa min a sap uh a, a na a sep vek theih na dingun.

KISIMNA 16:15

Tichun Mosi chuh a lung a na a, Lalpa kawmah, “A thilpiekteu chuh pawm ki’n; a sabiltung hawu khat chale ka la puoh a, kuomah le diklo tak, in ka bawl diek puoi,” a ti a.

ISAI 54:14

Diktatna a phuhdet hi’n na tin; Sukgimtheihna leh lauhna apat chun bit takin um in na tin; tizatna chuh gamla tak ah um ta’n tin, hun naih talo ding ahi.

MIKA 4:8

Aw nang Zion chanu kulh dettak, gan guolte venna In sang, na kawma hung ding ahi; masang laia vaihawmna masa chuh hungkit ding ahi. Jerusalem chanu lal chuh!

ISAI 2:3

Tichun, mi tamtak te chuh hung un tin, “Hung tiem u, Lalpa tângah, Jakob Pathien In achun chiehto hitiu, tichun, a lampite I zuih theih na dingun amah chun ei sinsak ina; Zion apat in dân hung pawt in tin; Jerusalem apat in Lalpa thu hung pawt ding ahi ngâl a,” ti’n.