ISAI 1:25 - PATHIEN LEKHABU THIENGTHO (BSI)

²⁵ Chun, na chungah ka khut nga kit ing ka ting, na tui-êk na haw chuh thieng takin thiek ngim ing ka ting, nang hun tuom thik chengcheng chuh la mang ing ka.

ISAI 1:25 ပူးပေါင်းရင်းမြစ်များ

MALAKI 3:3

Dangkaguo hâltui pa leh hih thiengthopa bangin chu’n tin, Levi chate chuh hih thiengtho in tin, amau haw chuh sana leh dangkaguo hih thieng bangin amau haw hih thieng ina; diktatna thillat te Lalpa masanga lat masang un.

JEREMIA 9:7

Zieziekchun Sepaihte Lalpa chun hiti hin a tii, “Ngaitie, amau chuh sutui ing ka ting, patep ding ka hi. Ka mi, ka chanu ziek chun bang danga ka hih naklai ding le?

ISAI 4:4

Lalpa’n vaihawmna thagau leh kâkthienna thagau a Zion chanute buokna a silngim a, Jerusalem a thisan suohna zieka buokna cheng a sawpngim tâk ziekin Zion a umte leh Jerusalem a umte chuh “Thiengtho” tih hita’n au.

ISAI 1:22

Na dangkaguo teu kha a tui-êk zo ta a, na uain u chuh tuisik tawh a kihel zo tai.

ZEPHANIA 3:11

Zie phat chuleh, nang haw chuh, ka chunga na kiphin na ziek u a na zahchâknau chuh um ta puo’n a. Mi chapo leh kiletsak taphawt chuh ladawk ka ting; Ka tâng thiengtho ahin ka chungah kiphin ngei kit ta puo’n lau.

EZEKIEL 22:22

Hâltuina thuk a tangkaguo a tui guolin nang u le zie tak achun hung tui in lau, kei, Lalpa hin na chung u a ka hachangthakna ka sunthak ahi tih hun he ta’n lau,” a ti a.

EZEKIEL 20:38

Chun, na lak u apat a helte leh ka chunga bawhsiete chuh thit thieng ing ka ting, a umna gam u apat in puidawk ing ka ting, ahihziekin Israel gam achun lut hiel puo’n au: khutichun, Lalpa chuh ka hi tih hun he ta’n lau.”

JEREMIA 6:29

Pum in a zap âm hut hut a, mei lak achun ngên chuh a tuimang a, Sukthientho na chuh a thawn in a chieh a. Nunsiet na chuh paih dawk ahi diek puoi.

THUPHUON 3:19

Ka hehpih tak cheng chuh ka hilhgaih a, ka thunun sek hi. Khutichun. gunchuh inla, lunghei ah.

MATTHAI 3:12

A khut in a leipuk a chawi a, a phuol zap thieng kei intin, buhpanga chun a buh khum in tin, a si vang chuh mei mittheilo in hâl tum ina,” a ti a.

EZEKIEL 22:20

Tangkaguo, sumeng, langva, kahpathik leh suon hâltuina thuk a a kawihkhâwm u a, hâltui dinga a chunga mei a tih guol un, lungna leh hachangthak in hun puikhawm ing ka ting, zie chun hun kawih ing ka ting, hun hâltui ding ka hi.

DAN NIHNA 32:43

“Aw, nanguh namtin te haw, a mite tawh kipâk un; A suokte thisan phuba chuh la ding ahi ngâla; Amah dote chungah phuba la ding ahi, A gam leh a mite dingin kichamna bukim siem ina.”

SAM LEHKHABU THE PSALMS 119:119

Lei a mi nunsie haw chengcheng chuh bangkhat tui-êk tawbang in na hih mang sek a; Zieziekchun na thu hetsak haw chu ka ngaina ahi.

ISAI 27:9

Zieziekchun, Jakob te manlohna chuh zie hin sawp thien hi’n tin, ziehi a gitloh nau gah ngen ahi, Asher leh nisa limte chuh thokit talo ding khawp in, maichâm suong chengcheng chuh phel lemlum a bawl ahiu ui. (Himahlele, milim pathien maichâmte chuh, leia suongnip banga suknel leh, gimlim hâlna maichâm ahim, Asher pathien lim melchiknate chuh suksiet a hih ma’n, Israel te gitlohna chuh ngaihdam hi puo’n a.)

EZEKIEL 22:19

Zieziekchun, Lalpa Pathien chun hiti hin a tii: Thik-ek tawbang chauh na hih tâk ziek u hin, ngaitiem u, Jerusalem a hun puikhawm ding ka hi.

JEREMIA 9:6

Na chênna chuh kithepna lak ahi a, kithepna ziekin ka mite’n kei ei he nuom puou hi, tih hi Lalpa kamsuok ahi.