ISAI 1:23 - PATHIEN LEKHABU THIENGTHO (BSI)

²³ Na miliente chuh mi kiphin nuom, guchate guolpha ahiu a; mi chengin gawlhgukna sum leh thilpiekte a lau a. Pa neilote a panpih sek puou a, meithaite thugente le a ngaihthak sak puou ui.

ISAI 1:23 ပူးပေါင်းရင်းမြစ်များ

MIKA 7:3

Thil gilo hih chuh a thiem chiet u a. Miliente leh thutante chun gawlhgukna a ngek chiet tau ui. A milienteu chun a hinna’n thil phalo a utchak chuh a gendawk u a; tichun, thil a guonggalh khawm tau ui.

ZEKARIA 7:10

Meithai leh pa neilote, malzin leh mi gimtheite chuh bawlsie kiu in. Kuomah cha’n a lunggil un, a suohpih teu sietna ding chuh ngaihtuoh kiu in,” ti’n.

PAWTDAWKNA 23:8

Gawlhgukna himhim na lâk ding ahi puoi, thiemlohna neilote chungchâng achun gawlhgukna’n mi mit a sudûk sek hi.

LUKE 19:46

a kawm u ah, “Lehkhabu thiengtho ah Pathien in, ‘Ka In chuh pauchamna In ti’n au, a tii,’ tih zik ahi. Himahleh, nang haw’n guchate kisêlna In in na siem zaw tau hi,” a ti a.

MALAKI 3:5

Vaihawm dingin hung kit vak ding ka hi, dawithiemte, zawlsaite, lepchieh a kipautiemte chung leh, meithai leh chagah leh kithalakte lawh suchavai a, bawlsiete leh, gamdang mi nawhmangte leh, ei kihcha lote chung achun hetpihtu diktak hi ding ka hi, tih hi Bangkim hihthei Lalpa kamsuok ahi.

ISAI 3:14

Lalpa’n upate leh a mite chunga lawiupate chuh vaihawmna ah a hun pui a, “Grep huon susie chuh nanguh na hiu a; na Inteu chuh mi chagahte apat na thil lâkteu chun a dim hi!

MARK 11:17

Tichun, a kawm u achun, “Ka In chuh namtin dingin ‘Pauchamna In ti’n au,’ tih zik hilo ahim? Himahlele, nang haw’n guchate kisêlna In in na siem zawu a,” ti’n a sinsak ta a.

MATTHAI 21:13

“Ka In chuh, pauchamna In ti’n au tih zik ahi ngâla; himahleh, nanghaw’n la suommangte kisêlna In in na siem zawu in,” a ti a.

MIKA 3:11

Khawpi a lawiupate chuh gawlhgukna kinem in vai a hawm tau a. Thiempute chun lawh kinem in dân a sinsak u a; thiemgaute chun, dangka muh kinem in kilâkna thu a gen u a, a bawn u chun, Ka kawmah Lalpa a um hi, a ti chiet u a. “Ka chunga ah thil phalo hungtung puo’n a, Lalpa chuh ka kawm u ah a um ngâl a,” a ti tei tei u a.

HOSEA 9:15

A nunsiet nau chengcheng chuh Gilgal ah a bawl pan u a, zie tak achun amau chu ka haw ngâla: a thilhih uh gilote ziek chun ka In apat nawhdawk ing ka: amau haw chuh lungsiet ta puo’ng ka; a lawiupa teu chengcheng chuh helchîng ahi ngâl u a.

HOSEA 4:18

A zu dâwn u chuh a kikhen u a, nawhchizuok in a kisiem u a; a lopinau sangin thil zahchâk um chuh a ngaina zawu a.

JEREMIA 22:17

Himahlele, na huoihamna te, mi dik thisan suohna dingin leh bawl sietna leh pawngbawlna ding mai in, na mit leh na lunggil na mang zo ahi.

JEREMIA 5:5

Milien te kawma va chieh in va hopih ing ka ting; amau chun Lalpa dân leh a Pathien uh lampi chuh a heu hi, ka ti a. Himahleh, ziete hin a namkawl uh a susieu a; a gâk na khauhuol chuh a sutan tau hi.

ISAI 33:15

Kuole thil dik hih a, thudik gente, mi gimtheite min a lawkna deihlo a, gawlhgukna lak sanga a khut thinkhum a; thisan suohna ding thu zak loh na dinga a bil him a; chun, thil phalo en lo dinga a mit vengpha te chuh,

THUCHINGTE 29:24

Kuole, gucha kivawppih chuh amah hinna ngêi deihlo ahi a; mi hansiet khumna aw a za a, mahleh bangmah a gen ngam puoi.

THUCHINGTE 17:23

Vaihawm diklo chun gawlhgukna a la a, thudik a vaihawmna a susie sek hi.

2 KHANGTHUBU 36:14

Zie bân achun Juda lawiupa te leh, thiempute leh mipite chun a kimvel u a namte thilhih gitlohte chu hih in milim te a ho u a. Khutichun Lalpa’n Jerusalem a a sukthienthosa Mun thiengtho chule a hihbuok tau a.

DAN NIHNA 16:19

Thudik heikawi a vai na hawm dinguh ahi puoh a, kuomah panpih chuom na neih dinguh ahi puoi; gawlhgukna na lak loh hiel dinguh ahi; gawlhgukna chun mipilte mit chuh a sudûk seka, mi dikte thu chuh a heikawi sek ngâla.

LUKE 24:27

Tichun, Isu chun, Mosi leh thiemgaute lehkha ah a pan a, Pathien lehkha thu a amah chanchin kizik chuh amau haw a hilh chien ta a.

JAKOB 1:27

I Pathien uh leh, Pa mitmuha sakhuo ho dân thieng leh kisubuoklo chuh ziehi ahi: nauchagah leh meithai a liengvaih lai uh a veh a, amah ngêi zie khawvel sietna lak apat a kisubuok lo a kikiengkawih hi ahi.

ISAI 1:22

Na dangkaguo teu kha a tui-êk zo ta a, na uain u chuh tuisik tawh a kihel zo tai.

ISAI 5:23

Gawlhgukna sum a nek zieka migilo thiemchan sak seka, hihkhelh neilote dikna lâksak sekte haw ngêi chu tawh.

ISAI 30:1

Lalpa chun, “Cha, helchîngte chung chuh a gik hi! Ziete chun mi thu a dawng u a, kei chu vang ei dawng puou a; a gitlohna chung u a gitlohna behlapna dingin khuhna’n a khuh u a, ka thagau thu’n vang a khuh puoh ngâl u a.

ISAI 65:2

Mi genhakte leh helchîng namte ding chun ni tum in ka bân ka zak sek hi; amau chun a ngaihtuoh na bang zel un lam diklo a zui u a.

JEREMIA 4:17

Lo hawng te bang mai in a kimvel achun a um u a, ka chung a a hel ziekun, Lalpa’n a tii.

JEREMIA 32:32

Israel chate leh Juda chate ei sulungna dinga a thil phalo hihsateu chengcheng ziekin, amau haw, a lengteu, a milienteu, a thiemgauteu, Juda mite Jerusalem luoh te chengcheng tawh.

EZEKIEL 12:2

“Mihing chapa, helchîng inkuon, muh na ding mit nei ngâla mu diek lote, zak na ding bil nei ngâla za diek lote laka cheng na hi; helchîng inkuon himhim ahi ngâl u a.

HOSEA 5:10

Juda mi lopite chuh gamgi chawn tawbang ahiu a, a chung u a ka lungnat na chuh tui guolin sung buo ding ka hi.

AMOS 5:12

Na bawhsietna hawu tam dân leh, na gitlohnau a nasat dân ka he ngâl a: mi diktatte na sugimthei u a, gawlhgukna na lau a, kulhkawtkhak a mi gimtheite chanvo ngêi le pie phal lo te haw.

MIKA 3:9

Nang haw Jakob insung mapuitute leh Israel insung vaihawmte, vaihawmna dik deihlo a, dikna tin cheng lehbulhte haw; ziehi ngaitha dingin ka hun ngên hi!

MIKA 6:12

Na mi hausateu chuh pawngbawl na’n a dim u a, mi chagahte chuh diklo takin a guoi u a, a kamsung u a a lei u chuh thephat ahi!

KISIMNA 22:7

Moab upate leh Midian upate chuh phunsân man ding chawi in a pawt tau a; Balaam kawm chuh a va tung u a; Balak thu vaithak chuh a hilh u a.

1 SAMUEL 8:3

Himahlele a chapate’n vang a umdan a la puou a, sumlepai lam a delh u a, gawlhgukna haw a lau a, diklo takin vai a hâwm u a.

ISAI 1:17

thilpha hih kisin tau inla, vaihawmna dik hawl un la, sukgimtheih thuokte chuh panpih unla, pa neilote chuh sikgen unla, meithaite chuh genpih un,” a ti ahi.

ISAI 1:18

Lalpa chun, “Hung tiem u, ngaihtuoh khawm hitiu; na gitloh nau chuh sandup bangin san mahleh, vuk bang in hung vam in tin; san au bangin san ta mahleh belam mul guol in hung vam ina.

ISAI 28:14

Zieziekchun, mi musitte haw, zie mi Jerusalem a umte, vaihawm sakte haw, Lalpa thu hi ngaithau in:

JEREMIA 5:6

Zieziekchun, gammânga sakeibaknei in amau chuh pet intin, gamgaw a ngei haw chun amau chuh ne zo ina. Keite chun a khawpiteu chuh chang intin; a hung pawtdawk tak u leh bawttel ina. A bawhsiet nau chuh a tama, a nungchawnnau haw a nasat ziekin.

EZEKIEL 22:27

A sunga a hotute chuh, Ngei gawlsan a sapeh bawttel zieng tawbanga thisan suoh leh lawkna diklo muhna dinga mi hinna sumangthai zieng tawbang ahiu.