ISAI 1:21 - PATHIEN LEKHABU THIENGTHO (BSI)

²¹ Bangti dana khawpi ginum tak chuh nawchizuok hung suok ahi ta die aw! Thudik a vaihawm sek, diktatna a dim ahih maizen tawh, tuhin vang chuh tuolthatte a chêng tau hi.

ISAI 1:21 ပူးပေါင်းရင်းမြစ်များ

THUPHUON 11:8

Tichun, a luong u chuh a Lalpau a khetdênnau, khawpi lien tak khawlai dung achun kital ina. Zie khawpi etsakna min ding chun, Sodom leh Aigupta a tih uh a hii.

THUPHUON 11:2

Ho-In sung pawlam dai sung vang chuh teh ki’n, zie chuh Jentel te kawma piek dawk ahi ta ngâl a, amau haw chun Khawpi Thiengtho chuh tha sawmli leh tha nih tawhden un au.

HEBRAI 12:22

Nang haw vang, Zion tâng leh, Pathien hing khawpi, Angel sang tamtak te umna a chuh hung na hi zaw ngâl u a.

NASEPTE 7:52

Nanguh hun suonte’n, thiemgaute laka kuo a, a bawlsiet loh uh um? Mi Diktat hung ding thu hilhlawkte khah a that u a; zie Mi Diktat chuh matsakte leh thatte chuh nangmau hi na hiu apuo!

LUKE 13:34

“Aw Jerusalem, Jerusalem, thiemgau haw that, na kawma thupuo a hun sawlte suong a sep lum! Akpi’n amah note a tha nuoia a awp khum guolin, na chate bang zat vei a awp khum ka guot tâk kha! Himahleh na ut ngâl puou a.

ZEKARIA 8:3

Lalpa chun hiti hin a tii, ka khawpi thiengtho, Zion lam ah hung kihei kit ka ting, Jerusalem lailung achun cheng ing ka, tichun, Jerusalem chuh THUTAK KHAWPI, ti a het hi’n tin, Lalpa tâng chuh, Tang thiengtho tih hi ta’n a.

HOSEA 11:12

Lalpa chun, “Israel chate chuh lepchieh leh thepna’n a ûmkimvel a; Juda mipite chuh Kei, Pathien ginum leh thiengtho do in a kiphin zing uh ahi.

JEREMIA 3:1

“Mi’n a zi ma hen la, amah taihsan in pasal dang nei leh; a pasal masa chun a na pawm kit dem? A gam chuh buok lawh hiel lo ding ahim? Nang chuh tamtak kawmah nawhchizuok bangin na khawsa a; khutisa chun ka kawmah na hung vaikit die? tih hi Lalpa kamsuok ahi.

ISAI 48:2

Khawpi Thiengtho a mi, a min Bangakai hihthei Israel Pathien chunga ginna ngate ti’n na kisuong mah mah uh a.

ISAI 5:7

Sepaihte Lalpa grep huon chuh Israel Inkuon hi ahi a, Juda mipite hi a grep phuhte chuh ahiu hi. Thu dik a kineppih a, himahleh thisan suohna’n a dim a; diktatna kineppih mahleh lungkham taka kiko aw zak ahi tai!

SAM LEHKHABU THE PSALMS 48:8

Sepaih hawnte Lalpa khawpi ah, I Pathien khawpi achun, Bil a ka zâk bang ngêi in ka mu tau hi: Pathien in zie khawpi chuh kumlekhuo a dingin hih det ina. Selah

SAM LEHKHABU THE PSALMS 48:1

Lalpa chuh a lopi a, nasa taka pahchak ding ahi. I Pathien uh khawpi ah, a tâng thiengtho achun

SAM LEHKHABU THE PSALMS 46:4

Lui khat aum a, zie ka haw chun Pathien khawpi chuh a sukipak sek hi, Chungnung pên pa um na mun thiengtho chuh.

NEHEMIA 11:1

Tichun, mipite laka vaihawm te chuh Jerusalem ah a cheng u a, midang te chuh sawm laka khat zel khawpi thiengtho Jerusalem a cheng ding leh, sawm laka kuo te chuh amau khuo chieta cheng dingin phun a san u a.

2 KHANGTHUBU 19:9

“Lalpa kihcha kawmin ginum takin, lunggil diktak pu’n na hih ding uh ahi.

2 SAMUEL 8:15

Khutichun David chun Israel mi chengcheng chungah vai a hawm a; a mipite chungah kitûp tak leh dik takin vai a hawm a.

THUPHUON 17:1

Chun, vânsâwlchâk sagih, belhbu sagih chawite laka khat chuh ka kawmah a hung a, ka kawmah, “Hung tie, luipi tamtak panga kisa, khawpi lopi taka nawchizuok lopitak nu gawtna ding chuh hun etsak ding ka hi.

ISAI 1:22

Na dangkaguo teu kha a tui-êk zo ta a, na uain u chuh tuisik tawh a kihel zo tai.

ISAI 59:3

Na khutteu chuh thisan a sukbuok in a um a, na khutzungteu chule manlohna a sukbuok in a um a; na mûk teu chun lepchieh a gen a, na lei u chu gitlohna thugen in a phun mulmul sek hi.

ISAI 59:14

Dikna chuh nawhmang in a um ta a, chun, diktatna chuh gamla tak ah a ding ta a; Mipite lak achun thudik chuh a kipawl pal ta a, ginumna chun mun himhim a nei ta puoi.

ISAI 59:15

Ahi, thutak atawm ta a, thil gilo haihsan taphawt chuh thah in a um zaw ta a. Thudik a um ta puoi tih chuh Lalpa’n a mu a, a lung-awi ta puoh a.” Lalpa’n zie chuh a mu a, diktat lohna achun kipahna a nei puoi.

HOSEA 2:5

A nuu chun nawhchi a zuok a; amau haw vawpnu chuh zahchâk-um takin a um a, “Ka an leh ka tui te, ka samul leh ka pat te, ka sathau leh ka dâwn dingte ei pie sek ka deihchakte chuh delhzui zel ing ka,” a ti sek a.

HABAKKUK 1:4

Zieziekchun, dân chuh ngaihkhawk ahi ta puoh a, mattakloh a suok tai! Thudik a vaihawmna a um ta puoh a. Mi gilote chun mi diktat te chan changin, thu dik chuh heikawi ahi tai!

ISAI 26:10

Minunsie chuh deihsak in um mahleh, thil dik sin diek puo’n a: dikna gam achun diklo takin hih intin, Lalpa lopina chuh mu diek puo’n a.