ISAI 1:18 - PATHIEN LEKHABU THIENGTHO (BSI)

¹⁸ Lalpa chun, “Hung tiem u, ngaihtuoh khawm hitiu; na gitloh nau chuh sandup bangin san mahleh, vuk bang in hung vam in tin; san au bangin san ta mahleh belam mul guol in hung vam ina.

ISAI 1:18 ပူးပေါင်းရင်းမြစ်များ

ISAI 44:22

Na bawhsietna teu chuh meipi sah lieiluoi bangin ka mût mang ta a; ka kawmah hungkit un, nang haw hun Tandawkpa ka hi ngâl a,” ti’n.

THUPHUON 7:14

Kei chun a kawmah, “Hepu, ka he puoi, nangin na he’i” ka ti a. Amah chun ka kawmah, “Ziehaw hi, gimtheihna nasatak apat a pawtte khah ahiu a, Belamno thisana a puon uh sawp vamte ahiu hi.

SAM LEHKHABU THE PSALMS 51:7

Husop in ei hih thieng inla, tichun, thieng ing ka. Ei silthieng inla, tichun, vuk sangin vam zawng ka.

ISAI 41:21

Na thuu chuh hun gen tiem u leh, Lalpa’n a tii. Adik hi ti a na pansaknau chuh hun pawdawk un, Jakob Pathien chun a tii.

ISAI 41:1

Aw, tuikuol gamte haw, ka masangah thipkêi in um un! mitin in a hâtnau la thak u hen la, hun naih u henla, thu gen sak un; vaihawm dingin kinaih tuoh dii tiu.

ROME 5:20

Chun, sukkhelh kilat zawk theihna’n, Dan a hung um a. Himahlele, gitloh punna chengah lungsietna chule a pung zaw diek sek hi.

NASEPTE 18:4

Chun, Chawlhni cheng leh kikhawpna In achun guntak in thu a gen sek a, Judate leh Grikte chuh thuzawh a guo hâm sek a.

1 SAMUEL 12:7

Zieziekchun tuhin thipkêi in ding unla, Lalpa masang ahin nang u leh na puteu chunga Lalpa’n thil a na hih dik sek zie thu chu hun sut pih ing ka.

NASEPTE 17:2

Chun, Paul chuh a hihdan ngeina’n, kikhawpna In achun a lut a. Zie tak achun, Chawlhni thumvei, Pathien Lehkha Thu apat in guntaka sut pih in,

JEREMIA 2:5

Lalpa chun hiti hin a tii: “Na pileputeu in kei ahin dikloh na bang a muu hi? Kei apat in gamla tak ah a chieh mang u a; thil thulimlo a delh u a, bangmah lo mai a hung hih u hi,

NASEPTE 24:25

Chun, Paul in, diktatna thu haw, kidêkna thu haw, Vaihawmna Ni hung tung ding thute guntaka a gen lai in, Felix chun lauh-um a sa ten a, “Chieh kit tadih tie, hun lemchâng ka neih tieng leh hun sam kit na’ng ka,” a ti a.

MIKA 6:2

Nang haw, kumlekhuo a leisiet kingakna tângte haw, Lalpa hêkna thu chuh ngaithau in! Lalpa’n a mite do in, hêkna thu a nei hi. Israel te a hêkna thu chuh hun puodawk ina.

JOB LEHKHABU THE BOOK OF JOB 9:33

I kal uh vaihawm ding kuomah a um puoh ngâl a, ka nih u a chunga thutan ding kuomah a um puoi.

ISAI 50:8

Pathien chuh a nai a, ka thiemna thu chun hun sulang intin; kuo a kei ei do thei ding? Ei kimaituohpih u hen la! Ei hêkna thuu chuh hun gen u hen!

ISAI 55:7

Migilo chun a umdan chuh haihsan hen la, mi diktatlo inle a ngaihtuohna chuh haihsan henla; Lalpa I Pathien kawm uh ah vaikit hen, tichun, amah chun lungsiet intin; a na ngaidam mah mah ding ahi ngâla.

EZEKIEL 18:27

Ahihziekin, migilo chun gitlohna a hih sek chuh a haihsan a, dân chuh a zuih a, thilpha a hih chun a hinna humbit ina.

EZEKIEL 33:16

Gitlohna ana hihsa khat le hetzing hita puo’n tin; athieng leh adik chuh ana hih ta a, a hin tei ding ahi.

SAM LEHKHABU THE PSALMS 51:9

Ka gitlohna haw lak a hin na mai sel inla, Ka thulimlohna chengcheng hi nawtmang in.

ISAI 1:23

Na miliente chuh mi kiphin nuom, guchate guolpha ahiu a; mi chengin gawlhgukna sum leh thilpiekte a lau a. Pa neilote a panpih sek puou a, meithaite thugente le a ngaihthak sak puou ui.

ISAI 3:13

Lalpa chuh genpih dingin a kisazo a, mipite vaihawm sak dingin a hung ding dawk ta a.