ISAI 1:17 - PATHIEN LEKHABU THIENGTHO (BSI)

¹⁷ thilpha hih kisin tau inla, vaihawmna dik hawl un la, sukgimtheih thuokte chuh panpih unla, pa neilote chuh sikgen unla, meithaite chuh genpih un,” a ti ahi.

ISAI 1:17 ပူးပေါင်းရင်းမြစ်များ

MIKA 6:8

Aw mihing, Lalpa’n thilpha chuh a hun hilh ta a. Lalpa’n a hun ngêk pên chuh ziehi ahi: Thil dik hih leh, lungsietna suklat zing leh, I Pathien u tawh kingainiem taka kipawlkhawm zing hi ahi.

JEREMIA 22:3

Lalpa chun hiti hin a tii; Diktak leh thudik in vaihawm un la, sugimtheite khut a gimtheihna thuokte chuh hukdawk unla, chun, gamdang mite, pa neilote leh meithaite chungah diklohna ahim, hiemngam na ahim chîng kiu in; zie mun ahin mi diktat thisan le hun suoh diek kiu in.

ISAI 1:23

Na miliente chuh mi kiphin nuom, guchate guolpha ahiu a; mi chengin gawlhgukna sum leh thilpiekte a lau a. Pa neilote a panpih sek puou a, meithaite thugente le a ngaihthak sak puou ui.

THUCHINGTE 31:9

Na kam kân la, chagah leh panpih ngaite dingin kiko dawk inla, dik takin vaihawm in.”

ZEKARIA 8:16

Ziehaw hi na thilhih dingteu chuh ahi: Mitin in amah invengte kawmah thu diktak gen chiet un la. Na vaihawmna In u ah thu diktak, chamna tun thei khawp chuh hih un.

ZEPHANIA 2:3

Nang haw, leia mi kingainiem chengcheng, a thupiek zuite haw, Lalpa chuh hawl un! Diktatna hawl un la, a masanga chun kingainiem un Tichun, Lalpa lungnatna ni achun na suokcha kha mawh ding u!

DANIEL 4:27

Zieziekchun, aw lengpa, ka thu hun hilh hi zawp inla, ngai inla, na gitlohnate haihsan inla, mi gimtheite chungah lungsietna latsak inla, tichun hinkhuo kiphathei takin um zing inla,” ti’n a dâwng a.

JAKOB 1:27

I Pathien uh leh, Pa mitmuha sakhuo ho dân thieng leh kisubuoklo chuh ziehi ahi: nauchagah leh meithai a liengvaih lai uh a veh a, amah ngêi zie khawvel sietna lak apat a kisubuok lo a kikiengkawih hi ahi.

DAN NIHNA 14:29

Na lak u a bangmah chanvo leh gochan neilo Levi te leh gam chuom mite leh nauchagah te leh meithaite chuh a hung u a, a nek u a, a tai theihna dingun; khutia chuh na hih u chun na khut nasepteu chengcheng achun Lalpa na Pathien un hun vangsak ding ahi.

SAM LEHKHABU THE PSALMS 34:14

Gitloh taihsan inla, thilpha hih in; Chamna hawl inla, delhzui zelin.

ISAI 56:1

Lalpa chun hiti hin a tii, “Diktak in vaihawm unla, thil dik hih un, ka hukdam na chuh hungtung pai ding ahi ta a; ka hun hukdawkna chuh hung kilang pai ding ahi ta ngâl a.

ISAI 58:6

“An ngawlh dân diktak, ka deihlam chuh ziehi ahi: Diktatlohna namkawlte leh, sukgimtheihna kawlbuh chuh phel sak unla, sukgimtheih a umte chuh thahdawk un.

JEREMIA 21:12

Aw David inkuonte haw Lalpa chun hiti hin a tii: “Zingkal in diktakin vaihawm unla, mi sugimtheite khut apat in sukgimtheih a umte chuh hukdawk un la, khutilochun, na thil gilo hih ziek u hin ka lungnatna chuh mei guola kuong in, kuomah phelh theih loh in hung kuong khan a”

JEREMIA 35:15

Ka nasem thiemgaute chuh chawllo in na kawm u ah ka hun sawl a: na umdan gilo u apat in hung kihei kit unla; na lampiteu chuh hei zang unla, pathien dangte na sem kiu in; tichun na pileputeu kawma gam ka piek achun cheng un lau, ti’n; Himahleh na ngaihsak puou a, na zui diek puou hi.

EZEKIEL 18:31

Bawhsietna na na hihsa chengcheng u chuh paihmang vek unla, lunggil thak leh ngaihtuohna thak nei un: Bang zieka e na thih ding uh, Aw Israel insung mite haw?

PAWTDAWKNA 22:21

“Malzin na bawlsiet loh dinguh ahi, muh le na muhsit loh ding uh ahi; nang haw le Aigupta gam akhan malzin na hiu kha.

THUCHINGTE 15:25

Lalpa’n mi chapote In chuh hihsie’n tin, himahleh meithaite gamgi chu vang vengbit in a.

THUCHINGTE 21:3

Kithawihna sangin diktak leh fel taka vaihawm chuh, Lalpa a ding chun pawmtâk ahi zawi.

ISAI 10:2

Mi chagahte hung phatna ding chuh na nang chak u a, meithaite leh pa neilote thil neih na lâksak u a.

EZEKIEL 22:7

Na sunga chun nu leh pate a musit u a, na sunga chun malzin a zawhthawh bawl u a, na sunga chun nauchagahte leh meithaite chuh a bawlsieu hi.

EZEKIEL 45:9

Lalpa Pathien chun hiti hin a gen a, “Nang haw, Israel leng chate leh vaihawmte, Na thagum suohnau leh pawngbawlnate chuh haihsan tau un. Thil dik leh, vaihawmna diktak chuh hih zawu un. Ka mite chuh a gam u apat nawhdawk kit ta kiu in, Lalpa’n, a tii.